თბილისი, 29 დეკემბერი — Sputnik. ნიუ-იორკში, ბრონქსის რაიონში მდებარე ხუთსართულიან სახლში გაჩენილ ხანძარს 12 ადამიანი ემსხვერპლა, იუწყება საინფორმაციო სააგენტო РИА Новости ქალაქის ხელისუფლების განცხადებაზე დაყრდნობით.
მანამდე გავრცელებული ინფორმაციის თანახმად, დაღუპული იყო ცხრა, ხოლო მძიმედ დაშავებული — 15 ადამიანი.
ცეცხლის ჩაქრობაში, რომელიც საცხოვრებელი სახლის პირველ სართულზე გაჩნდა და შემდეგ მთელ შენობაში გავრცელდა, 160 მეხანძრე მონაწილეობდა. მიუხედავად იმისა, რომ მეხანძრეები შემთხვევის ადგილზე სამ წუთში გამოცხადდნენ, ცეცხლმა მაინც იმსხვერპლა 12 ადამიანი.
Updated: At least 12 people were killed when a fire tore through a century-old apartment building in the Bronx on Thursday night https://t.co/hlaKHdg1W2
— The New York Times (@nytimes) 29 декабря 2017 г.
ნიუ-იორკის მერ ბილ დე ბლაზიოს თქმით, ამ დროისათვის ათზე მეტი ადამიანის გადარჩენა მოხერხდა, რომელთა სიცოცხლეს საფრთხე აღარ ემუქრება.
„ამ მომენტისთვის არსებული ინფორმაციით, სულ ცოტა 12 ადამიანია გადარჩენილი. [დაშავებულების] ძებნა გრძელდება“, — განაცხადა მან პრესკონფერენციაზე.
აღსანიშნავია, რომ ხანძარს სირთულის მეოთხე კატეგორია მიენიჭა.