თბილისი, 15 ოქტომბერი — Sputnik. სირიის სამთავრობო ჯარებმა ქალაქ მეადინში ტერორისტული ორგანიზაცია „ისლამური სახელმწიფოს" ბოევიკების განადგურების ოპერაცია წარმატებით ჩაატარეს, იუწყება РИА Новости რუსეთის თავდაცვის სამინისტროს ოფიციალურ წარმომადგენელზე გენერალ-მაიორ იგორ კონაშენკოვზე დაყრდნობით.
„სირიის სამთავრობო ჯარებმა ქალაქ მეადინში „ისლამური სახელმწიფოს" ბოევიკების განადგურების ოპერაცია დაასრულეს. სირიის ჯარის მოიერიშე ქვეგანაყოფებმა გენერალ ჰასან სუჰელის მეთაურობით ცენტრალურ და სამხრეთ კვარტლებში ტერორისტების გააფთრებული წინააღმდეგობა გადატეხეს და ქალაქი მთლიანად გაათავისუფლეს", — განაცხადა გენერალ-მაიორმა.
კონაშენკოვმა აღნიშნა, რომ მეადინი მდინარე ევფრატეს ხეობაში მდებარე მსხვილი დასახლებული პუნქტია, რომელიც „ისლამური სახელმწიფოს" კონტროლ ქვეშ რჩებოდა და სირიის აღმოსავლეთით ტერორისტების მიერ ერთ-ერთ ყველაზე კარგად გამაგრებულ რაიონს წარმოადგენდა.
„ბოლო კვირაში ერაყიდან მისი მიმართულებით „ისლამური სახელმწიფოს" ყველაზე ბრძოლისუნარიანი რეზერვები გადაადგილდა. ამიტომ მეადინში ტერორისტების განადგურებით სირიის ჯარების ტაქტიკური წარმატება ოპერატიულში გადაიზარდა", — განაცხადა რუსული უწყების წარმომადგენელმა.
კონაშენკოვის ინფორმაციით, ამჟამად სუჰელის რაზმები რუსული სამხედრო-კოსმოსური ძალების მხარდაჭერით შეტევას ავითარებენ.