თბილისი, 25 სექტემბერი — Sputnik. აშშ-ის პრეზიდენტმა დონალდ ტრამპმა ხელი მოაწერა ბრძანებულებას, რომლის თანახმადაც, რამდენიმე ქვეყნის მოქალაქეებისთვის ქვეყნის ტერიტორიაზე შესვლის პირობები მკაცრდება, იუწყება ტელეარხი CNN.
ჩადის, ჩრდილოეთ კორეისა და ვენესუელის მოქალქეების მიმართ მიღებული კანონი 18 ოქტომბერს შევა ძალაში. ამერიკულ „შავ სიაში“ რჩებიან: სომალი, სირია, ირანი, იემენი და ლიბია. ჩამონათვალიდან ამოღებულია სუდანი. შეზღუდვები შეეხებათ იმ მოქალაქეებს, რომლებსაც აქვთ დამტკიცებული კავშირი აშშ-ის მოქალაქეებთან. აღნიშნულ კანონს მოქმედების ხანგრძლივობის ვადა არ გააჩნია.
„გავხადო ამერიკა უსაფრთხო — ეს ჩემი უპირველესი პრიოროტეტია. ჩვენ არ შემოვუშვებთ ქვეყანაში იმათ, ვის უსაფრთხოებაშიც არ ვიქნებით დარწმუნებული“, — დაწერა პრეზიდენტმა ტრამპმა Twitter-ზე.
Making America Safe is my number one priority. We will not admit those into our country we cannot safely vet.https://t.co/KJ886okyfC
— Donald J. Trump (@realDonaldTrump) 24 сентября 2017 г.
ტრამპის ახალ კანონს უკვე გამოეხმაურა ირანის ისლამური რესპუბლიკის საგარეო საქმეთა მინისტრი მოჰამად ჯავად ზარიფი, რომელმაც შეურაცხმყოფელი უწოდა აშშ-ის პრეზიდენტის მიერ ამერიკაში ირანის მოქალაქეების შესვლის აკრძალვას.
„ტრამპის ცრუ თანაგრძნობა ირანელების მიმართ კიდევ უფრო არაგულწრფელად ჟღერს მისი ახალი და კიდევ მეტად შეურაცხმყოფელი აკრძალვის ფონზე ესოდენ ღირსშესანიშნავი ხალხის მიმართ“, — დაწერა ზარიფმა საკუთარ „ტვიტერზე“.
Trump’s fake empathy for Iranians rings ever more hollow, with his new and even more offensive travel ban against such outstanding citizens.
— Javad Zarif (@JZarif) 25 сентября 2017 г.