თბილისი, 14 აგვისტო — Sputnik. სიერა–ლეონეში (დასავლეთ აფრიკა) მეწყრის ჩამოწოლისა და წყალდიდობის გამო 200–ზე მეტი ადამიანი დაიღუპა, იუწყება საინფორმაციო სააგენტო РИА-Новости სააგენტო "ასოშიეითედ პრესზე" დაყრდნობით.
ადგილობრივი მასმედიის ცნობით, დაღუპულთა შორის 60–მდე ბავშვია.
მანამდე სააგენტო "როიტერმა" განაცხადა, რომ მეწყერი ორშაბათს, დილით ადრე ჩამოწვა ქალაქ რიჯენტში (დედქალაქთან ახლოს). ათობით სახლი აღმოჩნდა დატბორილი. ასევე იუწყებოდნენ, რომ ნანგრევებში ასობით ადამიანი შეიძლება იყოს.
ქვეყნის ვიცე–პრეზიდენტმა ვიქტორ ფომ განაცხადა, რომ მეწყრის გამო შეიძლება ასობით მსხვერპლი იყოს.
კატასტროფის ადგილზე სამაშველო ოპერაციაში მონაწილეობისთვის სამხედრო მოსამსახურეები გაგზავნეს.
