აშშ-ის მუდმივი წარმომადგენელი გაეროში ნიკი ჰეილი

ნიკი ჰეილი: ტრამპის ადმინისტრაცია ისრაელის წყენინებას არ დაუშვებს

973
(განახლებულია 15:44 28.03.2017)
ამერიკის შეერთებული შტატების მუდმივმა წარმომადგენელმა გაეროში ნიკი ჰეილიმ პირობა დადო, რომ დონალდ ტრამპის მმართველობის წლებში აშშ ყოველთვის მხარს დაუჭერს ისრაელს.

თბილისი, 28 მარტი — Sputnik. ამერიკის შეერთებული შტატების მუდმივმა წარმომადგენელმა გაეროში ნიკი ჰეილიმ პირობა დადო, რომ დონალდ ტრამპის მმართველობის წლებში აშშ არავის მისცემს ისრაელის წყენინების უფლებას და არ დაუშვებს მის წინააღმდეგ მიმართული რეზოლუციის მიღებას, იუწყება საინფორმაციო სააგენტო РИА Новости.

გასული წლის ბოლოს ნიკი ჰეილის წინამორბედმა, ობამას ადმინისტრაციის მიერ გაეროში აშშ-ის მუდმივ წარმომადგენლად დანიშნულმა სამანტა პაუერმა თავი შეიკავა და არ გამოიყენა ვეტოს უფლება 2334-ე რეზოლუციასთან დაკავშირებით, რომელიც პალესტინის ტერიტორიებზე ებრაული დასახლებების მშენებლობის თემას შეეხებოდა. სწორედ ამან გააჩინა დოკუმენტის მიღების შესაძლებლობა.

"ჩვენ აღარასდროს ვიხილავთ იმას, რაც 2334-ე რეზოლუციასთან დაკავშირებით იყო", — განაცხადა ჰეილიმ ვაშინგტონში გამართულ აშშ-ისრაელის კონფერენციაზე სიტყვით გამოსვლისას.

მისი თქმით, არავის არ უნდა შეეპაროს ეჭვი, რომ ამერიკის შეერთებული შტატები ისრაელს მხარს დაუჭერს.

კონფერენციაზე საკუთარი პოზიცია დააფიქსირა აშშ-ის კონგრესის წარმომადგენელთა პალატის სპიკერმა პოლ რაიანმაც. მან ობამას ადმინისტრაცია "ისრაელისადმი არასაკმარის ნდობაში" დაადანაშაულა.

"პრეზიდენტ დონალდ ტრამპის ერთგულება ისრაელისადმი ეჭვქვეშ არ დგას", — განაცხადა მან.

973

ევკალიპტის სამკაული კორონავირუსის წინააღმდეგ: სანდოა თუ არა მინისტრის განცხადება

23
(განახლებულია 09:59 06.07.2020)
მინისტრის თქმით, ევკალიპტის 700-დან ერთ-ერთი სახეობა ეფექტურად იცავს ადამიანებს კორონავირუსისგან და ასევე ამსუბუქებს უკვე ინფიცირებულთა მდგომარეობას

თბილისი, 6 ივლისი — Sputnik. ევკალიპტის ფოთლებისგან შექმნილი სამკაული დაავადება COVID-19-ის გამომწვევ კორონავირუსს კლავს, მიაჩნიათ ინდონეზიის ჯანმრთელობისა და განვითარების კვლევების სააგენტოში, რის თაობაზეც წერს გაზეთი Jakarta Post-ი.

„თუ სამკაულს ყელზე გაიკეთებს, ის 15 წუთში გაანადგურებს  ვირუსის 42%-ს, ხოლო ნახევარ საათში — 80%-ს", — განაცხადა ინდონეზიის სოფლის მეურნეობის მინისტრმა  სიიარულ იასინ ლიმპომ, რომლის დაქვემდებარებაშიც შედის ზემოხსენებული სააგენტო.

ევკალიპტის სამკაული თავად მინისტრმა წარუდგინა საზოგადოებას.

„ევკალიპტების 700-დან ერთ-ერთი სახეობა, ჩვენი ლაბორატორიული კვლევების თანახმად, კლავს კორონავირუსს. ჩვენ ამაში დარწმუნებულები ვართ“, — აღნიშნა მინისტრმა.

ლიმპოს თქმით, გარდა ამისა, ევკალიპტის ეს სახეობა ასევე სწრაფად ახორცებს ჭრილობებს.

მინისტრი გამოტყდა, რომ სწორედ ასეთი სამკაულის დამსახურებაა, რომ ის კორონავირუსით არ დაინფიცირდა, მიუხედავად იმისა, რომ არაერთ ხალხმრავალ ღონისძიებას დაესწრო.

„ჯაკარტა პოსტი“ წერს, რომ მინისტრის ინფორმაციით, სამკაული ასევე გამოიცადა კორონავირუსით ინფიცირებულ მოხალისეებზე, რომლებმაც ყელსაბამის გაკეთების შემდეგ დაავადების სიმპტომების შემსუბუქება იგრძნეს.

მიუხედავად ამისა, ინდონეზიელი ექიმები და მიკრობიოლოგები სკეპტიკურად უყურებენ მინისტრის განცხადებას.

  • „ჩვენ მეტი სიბრძნე უნდა გამოვიჩინოთ და თავი შევიკავოთ მსგავსი განცხადებების გავრცელებისგან საზოგადოებაში, რომელიც ისედაც პანიკაშია“, — განუცხადა გამოცემას ინდონეზიის  მიკრობიოლოგიის ეროვნული ინსტიტუტის ხელმძღვანელმა ჰერავატი სუდოიომ.

მისი თქმით, მართალი, მეცნიერებისთვის ცნობილია მცენარეზე დამზადებული არაერთი პრეპარატი, მაგრამ დასკვნები მათი ეფექტურობის შესახებ ხანგრძლივი ლაბორატორიული და კლინიკური კვლევების შემდეგ კეთდება. თანაც, როგორც წესი, ამგვარი პრეპარატის დასამზადებლად გამოიყენება არა თავად მცენარე, არამედ მისი ექსტრაქტი.

23
თემები:
მსოფლიო დღეს

როდესაც ზღვა ხმელეთი იყო: ავსტრალიაში ზღვის ფსკერზე უძველესი ადამიანის კვალი აღმოაჩინეს

415
დასავლეთ ავსტრალიაში წყლით დაფარული რამდენიმე არქეოლოგიურ ობიექტი აღმოაჩინეს. იხილეთ Sputnik-საქართველოს ფოტოლენტაში მოპოვებული არტეფაქტების სურათები

ზღვის დონის აწევამ ავსტრალიის კონტინენტურ შელფზე 2,12 მილიონი კვადრატული კილომეტრი ხმელეთი დაფარა. თუმცა მანამდე ამ მიწებზე უძველესი ადამიანები ცხოვრობდნენ, იუწყება გამოცემა Science Alert.

ოთხი წლის განმავლობაში ავსტრალიელი არქეოლოგების ჯგუფი ტერიტორიის წყლით დაფარვას იკვლევდა. მათ შეისწავლეს ხმელეთზე განთავსებული სანავიგაციო რუკები, გეოლოგიური რუკები და არქეოლოგიური ძეგლები, რათა განესაზღვრათ პერსპექტიული მონაკვეთები, შემდეგ ლაზერული სკანერებისა და ჰიდროლოკატორების საშუალებით შეისწავლეს ზღვის ფსკერი.

ამ ყველაფრის შედეგად დამპირის არქიპელაგზე ორი წყალქვეშა ობიექტის აღმოჩენა მოხერხდა. პირველი ბრიუგერის კონცხზეა განთავსებული, 2,4 მეტრის სირღმეზე. მეცნიერებმა აქ ასობით არტეფაქტი შენიშნეს, მათ შორის აბორიგენების სალესი ქვები. მეორე მონაკვეთზე ოდესღაც მტკნარი წყლის წყარო იყო. ახლა მისი ნარჩენები 14 მეტრის სიღრმეშია ჩაფლული. გარშემო შემორჩენილია ადამიანის საქმიანობის კვალი, კერძოდ, ქვის საჭრელი ინსტრუმენტები.

415
  • © REUTERS / Deep History of Sea Country Project & Flinders University, Maritime Archaeology Program

    ავსტრალიაში ფლინდერსის უნივერსიტეტისა ჯეიმს კუკის უნივერსიტეტების მკვლევარებმა ათობით ათასი წლის წინანდელი წყალქვეშა არტეფაქტები აღმოაჩინეს, როდესაც ზღვის ადგილზე ჯერ კიდევ ხმელეთი იყო

  • კონტინენტურ შელფზე მდებარე აბორიგენული არტეფაქტები ავსტრალიის ჩრდილო–დასავლეთში მდებარე უძველესი კულტურული ლანდშაფტების შესახებ მეტყველებს

  • © REUTERS / Deep History of Sea Country Project & Flinders University, Maritime Archaeology Program

    ავსტრალიელმა არქეოლოგები ჩაძირებულ ტერიტორიებს ოთხი წლის განმავლობაში იკვლევდნენ

  • © REUTERS / Deep History of Sea Country Project & Flinders University, Maritime Archaeology Program

    რის შედეგადაც დამპირის არქიპელაგზე ორი წყალქვეშა ობიექტი აღმოაჩინეს

  • პირველი ობიექტი განთავსებულია ბრიუგერის კონცხზე 2,4 მეტრის სირღმეზე. მეცნიერებმა აქ ასობით არტეფაქტი იპოვეს, მათ შორის აბორიგენების სალესი ქვები

  • © REUTERS / Deep History of Sea Country Project & Flinders University, Maritime Archaeology Program

    მეორე ობიექტზე ოდესღაც მტკნარი წყლის წყარო მდებარეობდა. ახლა მისი ნარჩენები ზღვაში 14 მეტრის სირღმეზეა

  • © REUTERS / Deep History of Sea Country Project & Flinders University, Maritime Archaeology Program

    მეცნიერებმა აღნიშნეს, რომ არქეოლოგიური ძეგლები ზღვის ფსკერზე ათასობით წელია ხელუხლებელია

  • © REUTERS / Deep History of Sea Country Project & Flinders University, Maritime Archaeology Program

    ამასთან, ისინი განადგურების რისკის ქვეშ არიან ეროზიისა და იქვე არსებული ნავთობისა და გაზის დანადგარების, ნარჩენების გადაყრისა და თევზაობის გამო