სამხედრო ხომალდი

ირანი: აშშ-ის სამხედრო ხომალდებმა ორმუზის ყურეში არაპროფესიონალურად იმოქმედეს

15
(განახლებულია 18:47 08.03.2017)
სამხედრო-საზღვაო ბრიგადის სარდლის მეჰდი ჰაშემის თქმით, მსგავს ქმედებებს „გამოუსწორებელი შედეგები“ მოჰყვება.

თბილისი, 8 მარტი — Sputnik. აშშ-ის სამხედრო-საზღვაო ძალების ხომალდმა 4 მარტს არაპროფესიონალურად იმოქმედა ორმუზის ყურეში, მიუახლოვდა რა ირანის სამხედრო ხომალდებს 500 მეტრით, განაცხადა ირანის ისლამური რევოლუციის მცველთა კორპუსის (IRGC) წარმომადგენელმა, იუწყება საინფორმაციო სააგენტო РИА Новости.

„ერთმა ამერიკულმა ხომალდმა 4 მარტს… კურსი შეიცვალა და ირანის ისლამური რევოლუციის მცველთა კორპუსის სამხედრო-საზღვაო ძალების ხომალდებისკენ აიღო გეზი. არაპროფესიონალური მოქმედების შედეგად ის 500 მეტრით მიუახლოვდა ჩვენს მეზღვაურებს“, — ციტირებს სააგენტო Tasnim-ი 112-ე სამხედრო-საზღვაო ბრიგადის სარდლის მეჰდი ჰაშემის სიტყვებს. 

მისი თქმით, მსგავს ქმედებებს „გამოუსწორებელი შედეგები“ მოჰყვება.  

მანამდე სააგენტო „როიტერმა“ ამერიკის ადმინისტრაციაში მყოფ წყაროზე დაყრდნობით განაცხადა, რომ აშშ-ის სამხედრო-საზღვაო ძალების ხომალდმა ორმუზის ყურეში კურსი იმის გამო შეიცვალა, რომ ამერიკულ მზომ კომპლექს USNS Invincible-ს, რომელსაც სამი ბრიტანული სამხედრო ხომალდი აცილებდა, IRGC-ის კატარღები 550 მეტრზე მიუახლოვდნენ.  

ამერიკელი ჩინოვნიკების განცხადებას ისლამური რევოლუციის მცველების წარმომადგენელმა სიცრუე უწოდა.

15