თბილისი, 23 ივნისი — Sputnik. კომპოზიტური ბიზნეს-ინდექსი ევროზონის 19 ქვეყნის მრეწველობასა და მომსახურების სფეროში, წინასწარი შეფასებით, ივნისში 53,5 პუნქტამდე შემცირდა. მაისში ეს მაჩვენებელი 53,6 პუნქტს შეადგენდა. ასეთ პროგნოზს აკეთებენ სააგენტო „როიტერის“ მიერ გამოკითხული ექსპერტები.
კვლევითი ორგანიზაცია Markit Economics ევროზონის კომპოზიტური ბიზნეს-ინდექსის წინასწარ შეფასებას სამშაბათს, დილის 11:00 საათზე (მოსკოვის დროით) გამოაქვეყნებს.
სავალუტო კავშირის მომსახურების სფეროში ბიზნეს-ინდექსმა, ანალიტიკოსების აზრით, ივნისში 53,6 პუნქტით დაიწია. იგივე მაჩვენებელი მაისში 53,8 პუნქტს შეადგენდა. კომპოზიტური ბიზნეს-ინდექსი (PMI) მრეწველობაში მაისის დონეზე დარჩა — 52,2 პუნქტი.
აშშ ვაჭრობის სამინისტროს მოსახლეობის აღწერის ბიურო 17:00 საათზე (მოსკოვის დროით) გამოაქვეყნებს ქვეყანაში გაყიდული ახალი სახლების სტატისტიკას (მაისის მონაცემებით). როგორც სააგენტოს მიერ გამოკითხული ანალიტიკოსები ვარაუდობენ, ინდიკატორი 525 ათას გარიგებამდე აიწევს, რაც 1,55%-ით მეტია აპრილის მაჩვენებელზე – 517 ათასი გარიგება.