სასიყვარულო წერილი

გაჰყევით ჩემს ქმარს ცოლად: მომაკვდავი ქალის გულისგამგმირავი წერილი

1521
(განახლებულია 21:13 23.07.2020)
2017 წლის მარტის შუა რიცხვებში ინტერნეტი და ტელევიზია ემი კრუზ როზენტალის გულგამგმირავმა წერილმა შეაზანზარა — მომაკვდავი ქალის წერილმა, რომელიც „იქ“ წასვლამდე დღეებს ითვლიდა, თუმცა მანამდე ერთი ძალიან მნიშვნელოვანი საქმე ჰქონდა მოსასწრები...

ეს საქმე საყვარელი მეუღლის ცხოვრების მოწყობა იყო მას შემდეგ, რაც თავად აღარ იქნებოდა.

ემის უცნაური და უჩვეულო წერილი ეძღვნებოდა უცნობ ქალს, მის სავარაუდო შემცვლელს, და ასეც  იწყებოდა:

ემი კრუზ როზენტალი
ემი კრუზ როზენტალი

„გზავნილი ვიღაც უცნობ ქალს ეძღვნება, რომელიც, კაცმა არ იცის, საერთოდ არსებობს თუ არა.

მაშ ასე, მომაკვდავი ქალის წერილი მის სავარაუდო შემცვლელს:

ამის გაკეთება უკვე რამდენჯერმე ვცადე, მაგრამ მორფიუმმა და უჩიზბურგერო დიეტამ მომცელა (ჰო, რა იყო, უკვე ხუთი კვირაა, ადამიანურად არ მიჭამია).

აღარაფრით არ შეიძლება ამ წერილის გადადება — ძალიან ცოტა დრო დამრჩა. უნდა მოვასწრო, სანამ კიდევ შემიძლია: ყურადღების კონცენტრირება და კომპიუტერზე ბეჭდვა. მოკლედ, მზად ვარ.

მე მთელი 26 წლის განმავლობაში ვიყავი ყველაზე არაჩვეულებრივი კაცის ცოლი. და კიდევ სულ ცოტა 26 წელი ვაპირებდი მასთან ერთად ცხოვრებას. მაგრამ... გინდათ, ერთი ისტორია გიამბოთ?

2015 წლის 5 სექტემბრის გვიან საღამოს ცოლი და ქმარი მიდიან საავადმყოფოში, გადაუდებელი დახმარების განყოფილებაში. გასინჯვისა და ანალიზების ჩაბარებიდან ორიოდე საათის შემდეგ ექიმი მათ უცხადებს, რომ მუცლის ღრუს მარჯვენა ქვედა მხარეს გამჭოლი ტკივილი — ეს აპენდიციტის შეტევა კი არ არის, როგორც ამას ცოლ-ქმარი ფიქრობდა, არამედ, დიდი ალბათობით, საკვერცხეების კიბო.

 

6 სექტემბრის დილა წყვილისთვის პირველი დღე იყო, როცა ერთდროულად მათი ბუდეც გაპარტახდა და ყველა იმედიც უფსკრულში დაინთქა. 

სამი შვილიდან უმცროსი კოლეჯში წავიდა, ცოლ-ქმრის ცხოვრება-გეგმები-ერთად ყოფნა კი კრახით დასრულდა.

  • არ შედგება ქმართან და მშობლებთან ერთად აფრიკაში მოგზაურობა!
  • არავითარი აზრი არ აქვს ჰარვარდის სტიპენდიაზე განაცხადის შეტანას!
  • გაუქმდა აზიური ტურნე დედასთან ერთად!
  • გაცდება სამწერლო სემინარები ინდოეთში, ვანკუვერსა და ჯაკარტაში!
მწარე ირონია: სიტყვები „კიბო“ (cancer) და „გაუქმება“ (cancel) საშინლად ჰგავს ერთმანეთს. 

იმ დღეს დაიწყო ჩვენი ცხოვრება არა მომავლისთვის, არამედ იმ წამს არსებულისთვის. თუმცა მაინც მინდა ორიოდე სიტყვა გითხრათ იმ, მომავალი ცხოვრების გმირზე. ნება მიბოძეთ, წარმოგიდგინოთ ჯეისონ ბრაიან როზენტალი.

ეს სასწაული ადამიანია, რომლის შეყვარებაც ძალიან იოლია. მე ეს ერთ დღეში მოვახერხე. ორივენი 24-24 წლისანი ვიყავით, როდესაც საერთო მეგობარმა „ბრმა პაემანი“ მოგვიწყო. რატომღაც იფიქრა, რომ იდეალური წყვილი ვიქნებოდით და არც შემცდარა. იმ დღეს, როცა ჯეისონმა პირველად მომიკაკუნა კარზე და დავინახე, ვიფიქრე, არის ამ კაცში რაღაც ისეთი-მეთქი. ვახშმის შემდეგ კი უკვე ცოლად გაყოლა მინდოდა.

ჯეისონი? ჯეისონი ამას მხოლოდ ერთი წლის მერეღა მიხვდა.

არასდროს შევსულვარ გაცნობის საიტებზე და არ ვიცი, როგორ ივსება პროფილი. მაგრამ ჩემი ქმრისთვის ამას პირდაპირ ახლა ვაკეთებ. ბოლოს და ბოლოს, მე ხომ მას უკვე 9 490 დღეა, რაც ვიცნობ.

სიმაღლე — 175 სმ. წონა — 72 კგ. თვალების ფერი — „მარილიანი წიწაკა“ და ყავისფერი.

ამის შემდეგ თანმიმდევრობას არ დავიცავ, ისე დავწერ, იმიტომ რომ ჩემთვის ყველაფერი მნიშვნელოვანია.

ჯეისონს კარგი გემოვნება აქვს და უყვარს მოდურად ჩაცმა. ჩვენი ბიჭები ხშირად თხოულობენ მის ტანსაცმელს. ის მშვენივრად გამოიყურება და არაჩვეულებრივ ფიზიკურ ფორმაშია. 

დიდებული მზარეულია. ჩვენი ჩვეულებრივი საღამო ასე გამოიყურება: ის მაღაზიიდან პროდუქტებით დატვირთული მოდის, ალაგებს მათ სამზარეულოში და რაღაცას მიმზადებს ნაუცბათევად, რომ ვახშმის მოლოდინში შიმშილით გული არ წამივიდეს.

ჯეისონს უყვარს ცოცხალი მუსიკა — ორივეს გვიყვარს. და ჩვენი 19 წლის გოგონა ელისს მამასთან ერთად კონცერტზე წასვლა ყველაფერს ურჩევნია.

ის არაჩვეულებრივი, მზრუნველი მამაა. გადასარევად ხატავს. მხატვარსაც კი დავარქმევდი, რომ არა ხარისხი იურისპრუდენციაში, რის გამოც ის ყოველი დღის 9-დან საღამოს 5 საათამდე ოფისში იყო ხოლმე, სანამ მე არ დავსნეულდი. 

თუ ოჯახის შექმნის მიზნით რომანტიკოსს ეძებთ, იცოდეთ, რომ ჯეისონი სათქვენო კაცია. გიჟდება პაწია ემოციურ საჩუქრებზე. მაგალითად, პირველი შეხვედრიდან ერთი წლის თავზე გრძელ მერხზე ჩამოსკუპებული შეყვარებულების მინი-სკულპტურა მაჩუქა, რომელიც ხელისგულზე ეტევა.

ერთ დღეს, როდესაც პირველად ვიყავით ორსულობის დასადასტურებლად ულტრაბგერით გამოკვლევაზე, ჯეისონი გიჟივით გავარდა ექიმის კაბინეტიდან და უკან ყვავილების თაიგულით დაბრუნდა.

მთელი ცხოვრება მანებივრებს ყოველ კვირა დილით ლოგინში მორთმეული საუზმით.

როცა ავტოგასამართ სადგურზე მანქანაში ჯდება, როგორც წესი, ხელი გამომიშვირეო, მეუბნება და ხელისგულზე საღეჭი რეზინის ფერად ბურთულას მიდებს. იცის, რომ თეთრის გარდა ყველა ფერის კევი მიყვარს.

უკვე გითხარით, რომ წარმოუდგენლად ლამაზია? უფ, როგორ მომენატრება მისი სახე! პრინცს ჰგავს და ჩვენი ურთიერთობებიც ზღაპარს მაგონებს. თუმცა, ასეცაა.

კოჭზე ტატუ მაქვს — ასო J. ეს მისი სახელის პირველი ასოა. იმას კი ხელზე აწერია ჩემი ინიციალები.

როცა შევიტყვე, რა დაავადებაც მჭირდა, მეორე ტატუ გავიკეთე: სიტყვა more („კიდევ“). მშობლებმა მითხრეს, ენა რომ ამოიდგი, პირველი ეს სიტყვა თქვიო. ჰოდა, ჩემი ცხოვრების დევიზადაც იქცა: მინდოდა კიდევ მეტხანს ვყოფილიყავი შვილებთან და ჩემ საყვარელ ადამიანთან. მინდოდა კიდევ მეტი სიკეთის ჩადენა მომესწრო; მინდოდა კიდევ მეტი საინტერესო მენახა… მინდოდა კიდევ მეცოცხლა. 

მაგრამ ეს შეუძლებელია. მე უახლოეს დღეებში გარდავიცვლები. უნდა მოვასწრო და ამ პლანეტაზე დარჩენილი ბოლო საქმეები უნდა გავაკეთო. იმედი მაქვს, რომ ამ წერილს „სწორი ქალი“, ანუ ისეთი წაიკითხავს, რომელსაც ჯეისონის ცოლობა მოუნდება. და ჯეისონიც მოინდომებს მასზე დაქორწინებას. 

მინდა, რომ ყველაფერი გამოგივიდეთ. ახლა ეს უკვე თქვენი ისტორიაა.

წარმატებებს გისურვებთ.

სიყვარულით, ემი.

2017 წელი, 13 მარტი...“

1521
თემები:
რეალური ისტორიები (38)
ქალი ჰაეროვან კოცნას გზავნის

კაცები ირჩევენ ფუმფულა ქალებს: დასახელდა ძირითადი მიზეზები

10223
(განახლებულია 15:54 23.09.2020)
ექსპერტებმა დაადგინეს, რატომ ანიჭებს ბევრი მამაკაცი უპირატესობას ფუმფულა ფორმების მქონე ქალბატონებს და არა გამხდრებს.

თბილისი, 23 სექტემბერი — Sputnik. მამაკაცებს ფუმფულა ქალები არა მარტო მათი ნაკვთების, არამედ სხვა მთელი რიგი თვისებების გამო მოსწონთ, წერს თურქული გაზეთი Milliyet.

როგორც ირკვევა, უპირველეს ყოვლისა, მამაკაცებისთვის ტანსრული ქალები საკვებთან და ჭამასთან ასოცირდებიან — ცხოვრების ერთ-ერთ უდიდეს სიამოვნებასთან.

მეორე მიზეზად ექსპერტები ჩახუტებას ასახელებენ. როგორც ირკვევა, მამაკაცებს ფუმფულა ქალებთან ჩახუტება ბევრად უფრო სასიამოვნოთ ეჩვენებათ.

მესამე მიზეზი, რის გამოც მამაკაცები არჩევანს ფუმფულა ქალბატონების სასარგებლოდ აკეთებენ, ეს ოპტიმიზმი, ხალისიანი და კეთილი ხასიათია. გარდა ამისა, ირკვევა, რომ სავსე ფორმების ქალები უფრო ენაწყლიანებიც არიან და მათთან კაცები ნაკლებად იწყენენ.

კიდევ ერთი მიზეზი ისაა, რომ თურმე ფუმფულა ქალბატონები მამაკაცებს უფრო ჯანმრთელებად ეჩვენებიან და ამასთან, მათი აზრით, ტანსრულ ქალებს უკეთ შეუძლიათ სირთულეებთან გამკლავება.  

„ჭამა და სექსი ღვთიური სიამოვნებაა“ – რომის პაპი გადაჭარბებული მორალის წინააღმდეგ>>

ექსპერტების აზრით, ფუმფულა ქალების ბოლო თვისება, რომელიც მამაკაცებს იზიდავს, არის ალერსიანობა და სხვებზე ზრუნვის უნარი. გამოცემა კვლევაზე დაყრდნობით აღნიშნავს, რომ ასეთ ქალებს უყვართ რჩეულთან უფრო მეტი დროის გატარება, და რასაც უნდა აკეთებდნენ, ერთად ყველაფერი უკეთ გამოსდით.  

 

10223
თემები:
მსოფლიო დღეს
ქალი სარკესთან

როგორ შევინარჩუნოთ ახალგაზრდული კანი: ეფექტური პროდუქტების ტოპ-7

230
(განახლებულია 20:23 02.09.2020)
ქვემოთ გაგაცნობთ, თუ რას გვირჩევენ ექსპერტები იმისთვის, რომ დრო უკან დავაბრუნოთ, ანუ შეძლებისდაგვარად დიდხანს შევინარჩუნოთ კანის ახალგაზრდობა.

ნებისმიერი ჩვენგანი ოცნებობს, რომ 50 წლის შემდეგაც ისევ ახალგაზრდად და ჯანსაღად გამოიყურებოდეს. სპეციალისტები ამბობენ, რომ ახალგაზრდობის გახანგრძლივებას და კანის კარგ ფორმაში შენარჩუნებას ხარისხიანი მოვლა, ცხოვრების ჯანსაღი წესი, გენეტიკა და წყლის სმის სწორი რეჟიმი უწყობს ხელს. თუმცა არსებობს კიდევ ერთი ძალიან მნიშვნელოვანი ფაქტორი — გარკვეული პროდუქტები, რომლებსაც შეუძლია შეამციროს ნაოჭები, გახადოს კანი სუფთა და დაიცვას ის ნაადრევი დაბერებისგან.

ქვემოთ გაგაცნობთ, რა პროდუქტების მიღებას გვირჩევენ ექსპერტები იმისთვის, რომ დრო უკან დავაბრუნოთ. 

ავოკადო

ბავშვი ცდილობს ავოკადოს შეჭმას
© CC0 / Pixabay
ბიჭუნა ცდილობს, შეჭამოს ავოკადო

ავოკადო შეიცავს განსაკუთრებული ფორმის უჯერ ცხიმებს, რომლებიც ადვილად აღწევს უჯრედულ მემბრანებში, იცავს რა მათ დნმ-ს გარემოს აგრესიული ზემოქმედებისგან. შედეგად, კანი ხდება უფრო ელასტიკური და აქვს ლამაზი ბრწყინვალება.

დაამატეთ ავოკადო სალათებს, როლებს, ან თუნდაც დილის ტოსტს — ეს არა მარტო გემრიელია, არამედ ძალიან სასარგებლოც.  

გოგრის თესლი

Семена тыквы გოგრის თესლი
გოგრის თესლი

ამ საკმაოდ ბიუჯეტურ პროდუქტს შეუძლია შეამციროს ნაოჭების რაოდენობა და აკნეს შემდგომი ნაწიბურებიც კი გააფერმკრთალოს. და ეს ყველაფერი თუთიის, გოგირდის, E ვიტამინისა და ომეგა-3 მჟავების მაღალი შემცველობის წყალობით.

თუ მათ რეგულარულად მიიღებთ, კვირაში თუნდაც ორ-სამჯერ, გაზრდით კანის რეგენერაციის სიჩქარეს, ანთება და „პრიშჩიკები“ კი უფრო სწრაფად განიკურნება.

მნიშვნელოვანი მომენტი: გოგრის თესლი ნედლი სახით უნდა მიიღოთ და არა მოხალული. თერმული დამუშავება უჯერ ცხიმოვან მჟავებს შლის.

ცხიმიანი თევზი

შემწვარი თევზის კერძი
© CC0 / Pixabay
შემწვარი თევზის კერძი

ომეგა-3, რომელიც ზღვის ცხიმიანი სახეობის თევზებში გვხვდება, კანის უჯრედებში იზიდავს და ინარჩუნებს ტენიანობას, რაც შემდგომში ხელს უწყობს წვრილი ხაზებისა და მიმიკური ნაოჭების გასწორებას.

თევზი ასევე სასარგებლოა მათთვის, ვინც აქტიურად ებრძვის სტრიებსა და ცელულიტს. იგივე უჯერი ცხიმოვანი მჟავების წყალობით იზრდება კანის ელასტიკურობა და ორგანიზმში ცხიმების ცვლა რეგულირდება.

მიდიები
მიდიები

ზღვის ეს პროდუქტები შეიცავს უამრავ სელენიუმს, რაც დადებითად მოქმედებს ეპიდერმისში ელასტინის სინთეზზე, ანუ აუმჯობესებს კანის ტურგორს და კარგად ამკვრივებს მას. საკმაოდ ძვირადღირებული მიდიებისა და ხამანწკების გარდა, სელენიუმით მდიდარია ბრაზილიური კაკალი, კონსერვირებული თინუსი, უცხიმო ხაჭო და ინდაური.  

პარკოსნები

პარკოსანი კულტურები
© CC0 / Pixabay
პარკოსანი კულტურები

კანის კოლაგენური ბოჭკოები შედგება ამინომჟავებისგან, რომლებიც ცილოვან პროდუქტებში გვხვდება. ეს ბოჭკოები სახის მკაფიო ოვალს უზრუნველყოფს და იცავს კანს ასაკობრივი მოდუნებისგან.

სწორედ ამიტომაა მნიშვნელოვანი ცილების შემცველი საკვების მიღება. უპირატესობა მიანიჭეთ კვერცხს, ფრინველის ხორცს, უცხიმო, მჭლე ხორცს, ტოფუს და ყველანაირ პარკოსანს: ლობიოს, ოსპს, მუხუდოს და ა.შ.

ბაღჩის პომიდორი

პომიდვრის (ტომატის) ფოთლები ძლიერი საშუალებაა კოღოების დასაფრთხობად
ბაღჩის პომიდორი

ქიმიკატების გარეშე მოყვანილ პომიდორს აქვს ძლიერი უჯრედული დაცვა — SPF-ფაქტორის მსგავსი. მასში შემავალი ნივთიერება ლიკოპენი ეპიდერმისის დამცავ მექანიზმებს ააქტიურებს, რასაც თავის მხრივ მინიმუმამდე დაჰყავს UVA და UVB გამოსხივების მავნე ზემოქმედება. 

C და E ვიტამინები

მარწყვის ბაღი
მარწყვის ბაღი

C ვიტამინი მნიშვნელოვან როლს ასრულებს კანის თვითაღდგენისა და თვითგანახლების უნარში. ის გვხვდება ისპანახში, ბულგარულ წიწაკაში, ბროკოლიში, მარწყვში, პაპაიასა და ფორთოხალში.

სხვათა შორის, პაპაია ასევე შეიცავს ვიტამინ E-ს, რომელიც სამართლიანად მიიჩნევა ახალგაზრდული კანის ერთ-ერთ მთავარ დამცველად.

დაამატეთ რაციონს ზეითუნის ზეთი, ნუში და კივი — ეს პროდუქტები დაეხმარება კანს, წინ აღუდგეს თავისუფალი რადიკალების აგრესიულ მოქმედებებს.

230
თემები:
სასარგებლო რჩევები
დოლარები

თავდასხმა ბანკზე ზუგდიდში: მძევლის განცხადებით, თავდამსხმელს თანხა გადაეცა

47
(განახლებულია 22:55 21.10.2020)
ტელეკომპანია „რუსთავი2“-ის ინფორმაციით, თავდამსხმელი სამ მძევალთან ერთად, სავარაუდოდ, იმ ადგილისკენ გაემართა, სადაც ვერტმფრენი დაეშვა, მანამდე კი თავდამსხმელმა სამის გარდა ყველა მძევალი გამოუშვა.

თბილისი, 21 ოქტომბერი - Sputnik. ზუგდიდში „საქართველოს ბანკის“ ფილიალში მძევლად აყვანილმა ერთ-ერთმა პირმა გაავრცელა ინფორმაცია, რომ თავდამსხმელს პოლიციამ თანხა გადასცა და სამის გარდა ყველა მძევალი თავისუფალია.

ეს პირი სწორედ ის მძევალია, რომელიც თავდამსხმელის მითითებით ტელეკომპანია „მთავარ არხს“ დაუკავშირდა და თავდამსხმელის მოთხოვნები პირდაპირ ეთერში გაახმოვანა. 

როგორც ცნობილია, თავდამსხმელი ნახევარმილიონ დოლარს და ვერტმფრენს მოითხოვდა.

ტელეკომპანია „რუსთავი2“-ის ინფორმაციით, თავდამსხმელი სამ მძევალთან ერთად, სავარაუდოდ, იმ ადგილისკენ გაემართა, სადაც ვერტმფრენი დაეშვა, მანამდე კი თავდამსხმელმა სამის გარდა ყველა მძევალი გამოუშვა. სავარაუდოდ, სწორედ დარჩენილ სამ მძევალთან ერთად დატოვა ბოროტმოქმედმა ბანკის შენობა და სავარაუდოდ, ვერტმფრენისკენ გაემართა.

ტელეკომპანია „ტვ პირველის“ ინფორმაციით, მძევლებთან ერთად მას ასევე სამხარეო სამმართველოს უფროსი ავთო გალდავა გაჰყვა.

ზუგდიდში უცნობ შეიარაღებულ პირს „საქართველოს ბანკის“ ფილიალში მძევლები ჰყავდა აყვანილი. იგი ხელისუფლებისგან ნახევარ მილიონ დოლარსა და ვერტმფრენს ითხოვდა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

შემთხვევის ადგილზე მობილიზებული იყო საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ცოტა ხნის წინ დასრულდა. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. უწყების ცნობით, ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში დაახლოებით 14:21 საათზე შევიდა. პოლიციის თანამშრომლებმა მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია.

47
თემები:
ზუგდიდში შეიარაღებულმა პირმა 19 ადამიანი მძევლად აიყვანა