თამილა კირთაძის შვილები

მრავალშვილიანი ოჯახის შუქჩრდილები: 12 შვილის დედის გულახდილი ინტერვიუ

1561
(განახლებულია 19:22 02.07.2019)
პირველი შვილი 17 წლის ასაკში ეყოლა. დღეს 12 შვილის დედაა და მათ ცხოვრების ყველაზე დიდ მონაპოვრად მიიჩნევს.

გაიცანით 40 წლის თამილა კირთაძე, რომელიც ფოთში ცხოვრობს და მეუღლესთან ერთად 12 შვილს ზრდის.

თამილა კირთაძე ოჯახთან ერთად
თამილა კირთაძე ოჯახთან ერთად

„ვცხოვრობ ქალაქ ფოთში. მე და ჩემი მეუღლე 24 წლის წინ დავქორწინდით. მაშინ 16 წლის ვიყავი. პირველი შვილი 17 წლის ასაკში მეყოლა. პატარა პირველად რომ ავიყვანე ხელში, ენით აუწერელი ემოცია განვიცადე. დედობა სამყაროში ყველაზე ამაღლებული გრძნობაა“, – ამბობს ქალბატონი თამილა.

ხშირად უფიქრია ბევრ შვილზე, სურდა ოთხი შვილი ჰყოლოდა, თუმცა ვერასოდეს წარმოიდგენდა, რომ 12 შვილის დედა იქნებოდა. შვილები, შეიძლება ითქვას, მარტომ გაზარდა, რადგან მეუღლე სულ მუშაობდა. მოგეხსენებათ, არც ისე მარტივია მრავალრიცხოვანი ოჯახის შენახვა. ამის მიუხედავად ქალბატონ თამილას არასოდეს დაუწუწუნია.

თამილა კირთაძე შვილებთან ერთად
თამილა კირთაძე შვილებთან ერთად

„მეუღლე იშვიათად მეხმარებოდა, რადგან ყოველთვის მუშაობდა. იმდენად დატვირთული გრაფიკი ჰქონდა, ღამის ცვლაშიც კი მუშაობდა. მოგეხსენებათ, როგორი რთულია ამხელა ოჯახის შენახვა, ბავშვებს ძალიან ბევრი რამე სჭირდებათ. ამიტომ მათ ძირითადად მარტო ვზრდიდი. დღეს უფროსები ძალიან მეხმარებიან პატარების გაზრდაშიც და სახლის საქმეშიც. მათი იმედი მაქვს ყველაფერში, თორემ ამდენს მარტო ვერ შევძლებდი“.

უფროსი შვილი 23 წლისაა. დღეს მას უკვე თავისი ოჯახი აქვს. ჰყავს ერთი შვილი – წლის და ცხრა თვის ულამაზესი ბიჭუნა. ქალბატონი თამილა ისეთივე ყურადღებიანი და თბილი ბებიაა, როგორიც დედა.

თამილა კირთაძის შვილები
თამილა კირთაძის შვილები

„უფროსი შვილი 23 წლისაა. მას უკვე თავისი ოჯახი აქვს. ჩემი ოთხი შვილი სკოლაში დადის. ბაღში არც ერთი არ გამიშვია. სულ ვამბობ, მირჩევნია ჩემთან ერთად იყვნენ. უფროსი ბიჭები სპორტით არიან დაკავებული, პატარებიც მათ ბაძავენ. ვცდილობ ყოველთვის იყვნენ ჩართული აქტიურ ცხოვრებაში. ეს მათაც ძალიან მოსწონთ“, – ამბობს ქალბატონი თამილა.

ალბათ ბევრს გაგიჩნდებათ კითხვა, როგორ ახერხებს მრავალშვილიანი დედა თითოეულ შვილს სათანადო ყურადღება მიაქციოს, სითბო გაუნაწილოს. მართალია, ეს მარტივი არ არის, მაგრამ შესაძლებელია.

თამილა კირთაძის შვილთან ერთად
თამილა კირთაძის შვილთან ერთად

„ვცდილობდი ყურადღება და სითბო თითოეულზე ერთნაირად გადამენაწილებინა. ეს ადვილი არ არის, თუმცა მეტ-ნაკლებად გამომდიოდა. რა თქმა უნდა, ეჭვიანობის მომენტები იყო, მაგრამ მნიშვნელოვანი არაფერი. ზოგჯერ კინკლაობენ კიდეც, როგორც ყველა დედმამიშვილი, მაგრამ თორმეტივეს ძალიან უყვართ ერთმანეთი და ერთმანეთისთვის ბევრ რამეს დათმობენ“.

მართალია, ოჯახის ცხოვრება ია-ვარდით არ ყოფილა მოფენილი, იყო ბევრი პრობლემა, სირთულე, თუმცა ერთმანეთის თანადგომით, ერთიანობით ყველაფერი გადალახეს. დღესაც ყველა ერთად იბრძვის პრობლემების წინააღმდეგ.

„სხვების სახელით გამიჭირდება საუბარი. ჩემი გადმოსახედიდან ალბათ პირველ რიგში უმუშევრობაა დიდი პრობლემა. დაბალი ანაზღაურებით ამდენი შვილი გაზარდო, ამხელა ოჯახი შეინახო, დამეთანხმებით, ადვილი არ არის. თუმცა, მარტო ჩემთვის კი არა, ალბათ არც ერთი დედისთვის არ არსებობს დაუძლეველი პრობლემა, როცა შვილებს ეხება საქმე. შვილები ღვთის საჩუქარია. ჩვენ კი ვალდებული ვართ, მათ გავუფრთხილდეთ და დავიცვათ“.

როგორც ქალბატონმა თამილამ საუბრის დასასრულს აღნიშნა, არასოდეს არ დაუგეგმია საკუთარი ცხოვრება, არის მინდობილი უფლის ნებას და როგორც უფალი ინებებს, შემდეგშიც ისე წარიმართება მათი ცხოვრება.

1561
სასიყვარულო წერილი

გაჰყევით ჩემს ქმარს ცოლად: მომაკვდავი ქალის გულისგამგმირავი წერილი

1437
(განახლებულია 21:13 23.07.2020)
2017 წლის მარტის შუა რიცხვებში ინტერნეტი და ტელევიზია ემი კრუზ როზენტალის გულგამგმირავმა წერილმა შეაზანზარა — მომაკვდავი ქალის წერილმა, რომელიც „იქ“ წასვლამდე დღეებს ითვლიდა, თუმცა მანამდე ერთი ძალიან მნიშვნელოვანი საქმე ჰქონდა მოსასწრები...

ეს საქმე საყვარელი მეუღლის ცხოვრების მოწყობა იყო მას შემდეგ, რაც თავად აღარ იქნებოდა.

ემის უცნაური და უჩვეულო წერილი ეძღვნებოდა უცნობ ქალს, მის სავარაუდო შემცვლელს, და ასეც  იწყებოდა:

ემი კრუზ როზენტალი
ემი კრუზ როზენტალი

„გზავნილი ვიღაც უცნობ ქალს ეძღვნება, რომელიც, კაცმა არ იცის, საერთოდ არსებობს თუ არა.

მაშ ასე, მომაკვდავი ქალის წერილი მის სავარაუდო შემცვლელს:

ამის გაკეთება უკვე რამდენჯერმე ვცადე, მაგრამ მორფიუმმა და უჩიზბურგერო დიეტამ მომცელა (ჰო, რა იყო, უკვე ხუთი კვირაა, ადამიანურად არ მიჭამია).

აღარაფრით არ შეიძლება ამ წერილის გადადება — ძალიან ცოტა დრო დამრჩა. უნდა მოვასწრო, სანამ კიდევ შემიძლია: ყურადღების კონცენტრირება და კომპიუტერზე ბეჭდვა. მოკლედ, მზად ვარ.

მე მთელი 26 წლის განმავლობაში ვიყავი ყველაზე არაჩვეულებრივი კაცის ცოლი. და კიდევ სულ ცოტა 26 წელი ვაპირებდი მასთან ერთად ცხოვრებას. მაგრამ... გინდათ, ერთი ისტორია გიამბოთ?

2015 წლის 5 სექტემბრის გვიან საღამოს ცოლი და ქმარი მიდიან საავადმყოფოში, გადაუდებელი დახმარების განყოფილებაში. გასინჯვისა და ანალიზების ჩაბარებიდან ორიოდე საათის შემდეგ ექიმი მათ უცხადებს, რომ მუცლის ღრუს მარჯვენა ქვედა მხარეს გამჭოლი ტკივილი — ეს აპენდიციტის შეტევა კი არ არის, როგორც ამას ცოლ-ქმარი ფიქრობდა, არამედ, დიდი ალბათობით, საკვერცხეების კიბო.

 

6 სექტემბრის დილა წყვილისთვის პირველი დღე იყო, როცა ერთდროულად მათი ბუდეც გაპარტახდა და ყველა იმედიც უფსკრულში დაინთქა. 

სამი შვილიდან უმცროსი კოლეჯში წავიდა, ცოლ-ქმრის ცხოვრება-გეგმები-ერთად ყოფნა კი კრახით დასრულდა.

  • არ შედგება ქმართან და მშობლებთან ერთად აფრიკაში მოგზაურობა!
  • არავითარი აზრი არ აქვს ჰარვარდის სტიპენდიაზე განაცხადის შეტანას!
  • გაუქმდა აზიური ტურნე დედასთან ერთად!
  • გაცდება სამწერლო სემინარები ინდოეთში, ვანკუვერსა და ჯაკარტაში!
მწარე ირონია: სიტყვები „კიბო“ (cancer) და „გაუქმება“ (cancel) საშინლად ჰგავს ერთმანეთს. 

იმ დღეს დაიწყო ჩვენი ცხოვრება არა მომავლისთვის, არამედ იმ წამს არსებულისთვის. თუმცა მაინც მინდა ორიოდე სიტყვა გითხრათ იმ, მომავალი ცხოვრების გმირზე. ნება მიბოძეთ, წარმოგიდგინოთ ჯეისონ ბრაიან როზენტალი.

ეს სასწაული ადამიანია, რომლის შეყვარებაც ძალიან იოლია. მე ეს ერთ დღეში მოვახერხე. ორივენი 24-24 წლისანი ვიყავით, როდესაც საერთო მეგობარმა „ბრმა პაემანი“ მოგვიწყო. რატომღაც იფიქრა, რომ იდეალური წყვილი ვიქნებოდით და არც შემცდარა. იმ დღეს, როცა ჯეისონმა პირველად მომიკაკუნა კარზე და დავინახე, ვიფიქრე, არის ამ კაცში რაღაც ისეთი-მეთქი. ვახშმის შემდეგ კი უკვე ცოლად გაყოლა მინდოდა.

ჯეისონი? ჯეისონი ამას მხოლოდ ერთი წლის მერეღა მიხვდა.

არასდროს შევსულვარ გაცნობის საიტებზე და არ ვიცი, როგორ ივსება პროფილი. მაგრამ ჩემი ქმრისთვის ამას პირდაპირ ახლა ვაკეთებ. ბოლოს და ბოლოს, მე ხომ მას უკვე 9 490 დღეა, რაც ვიცნობ.

სიმაღლე — 175 სმ. წონა — 72 კგ. თვალების ფერი — „მარილიანი წიწაკა“ და ყავისფერი.

ამის შემდეგ თანმიმდევრობას არ დავიცავ, ისე დავწერ, იმიტომ რომ ჩემთვის ყველაფერი მნიშვნელოვანია.

ჯეისონს კარგი გემოვნება აქვს და უყვარს მოდურად ჩაცმა. ჩვენი ბიჭები ხშირად თხოულობენ მის ტანსაცმელს. ის მშვენივრად გამოიყურება და არაჩვეულებრივ ფიზიკურ ფორმაშია. 

დიდებული მზარეულია. ჩვენი ჩვეულებრივი საღამო ასე გამოიყურება: ის მაღაზიიდან პროდუქტებით დატვირთული მოდის, ალაგებს მათ სამზარეულოში და რაღაცას მიმზადებს ნაუცბათევად, რომ ვახშმის მოლოდინში შიმშილით გული არ წამივიდეს.

ჯეისონს უყვარს ცოცხალი მუსიკა — ორივეს გვიყვარს. და ჩვენი 19 წლის გოგონა ელისს მამასთან ერთად კონცერტზე წასვლა ყველაფერს ურჩევნია.

ის არაჩვეულებრივი, მზრუნველი მამაა. გადასარევად ხატავს. მხატვარსაც კი დავარქმევდი, რომ არა ხარისხი იურისპრუდენციაში, რის გამოც ის ყოველი დღის 9-დან საღამოს 5 საათამდე ოფისში იყო ხოლმე, სანამ მე არ დავსნეულდი. 

თუ ოჯახის შექმნის მიზნით რომანტიკოსს ეძებთ, იცოდეთ, რომ ჯეისონი სათქვენო კაცია. გიჟდება პაწია ემოციურ საჩუქრებზე. მაგალითად, პირველი შეხვედრიდან ერთი წლის თავზე გრძელ მერხზე ჩამოსკუპებული შეყვარებულების მინი-სკულპტურა მაჩუქა, რომელიც ხელისგულზე ეტევა.

ერთ დღეს, როდესაც პირველად ვიყავით ორსულობის დასადასტურებლად ულტრაბგერით გამოკვლევაზე, ჯეისონი გიჟივით გავარდა ექიმის კაბინეტიდან და უკან ყვავილების თაიგულით დაბრუნდა.

მთელი ცხოვრება მანებივრებს ყოველ კვირა დილით ლოგინში მორთმეული საუზმით.

როცა ავტოგასამართ სადგურზე მანქანაში ჯდება, როგორც წესი, ხელი გამომიშვირეო, მეუბნება და ხელისგულზე საღეჭი რეზინის ფერად ბურთულას მიდებს. იცის, რომ თეთრის გარდა ყველა ფერის კევი მიყვარს.

უკვე გითხარით, რომ წარმოუდგენლად ლამაზია? უფ, როგორ მომენატრება მისი სახე! პრინცს ჰგავს და ჩვენი ურთიერთობებიც ზღაპარს მაგონებს. თუმცა, ასეცაა.

კოჭზე ტატუ მაქვს — ასო J. ეს მისი სახელის პირველი ასოა. იმას კი ხელზე აწერია ჩემი ინიციალები.

როცა შევიტყვე, რა დაავადებაც მჭირდა, მეორე ტატუ გავიკეთე: სიტყვა more („კიდევ“). მშობლებმა მითხრეს, ენა რომ ამოიდგი, პირველი ეს სიტყვა თქვიო. ჰოდა, ჩემი ცხოვრების დევიზადაც იქცა: მინდოდა კიდევ მეტხანს ვყოფილიყავი შვილებთან და ჩემ საყვარელ ადამიანთან. მინდოდა კიდევ მეტი სიკეთის ჩადენა მომესწრო; მინდოდა კიდევ მეტი საინტერესო მენახა… მინდოდა კიდევ მეცოცხლა. 

მაგრამ ეს შეუძლებელია. მე უახლოეს დღეებში გარდავიცვლები. უნდა მოვასწრო და ამ პლანეტაზე დარჩენილი ბოლო საქმეები უნდა გავაკეთო. იმედი მაქვს, რომ ამ წერილს „სწორი ქალი“, ანუ ისეთი წაიკითხავს, რომელსაც ჯეისონის ცოლობა მოუნდება. და ჯეისონიც მოინდომებს მასზე დაქორწინებას. 

მინდა, რომ ყველაფერი გამოგივიდეთ. ახლა ეს უკვე თქვენი ისტორიაა.

წარმატებებს გისურვებთ.

სიყვარულით, ემი.

2017 წელი, 13 მარტი...“

1437
თემები:
რეალური ისტორიები
ქალი გვირილით

როგორ მამაკაცებს მოსწონთ „ფუმფულა" ქალები

2121
(განახლებულია 19:37 22.07.2020)
როგორია ძლიერი სქესის წარმომადგენლებისთვის იდეალური ქალი? რას აქცევს პირველ რიგში ყურადღებას ნამდვილი, მოწიფული მამაკაცი?

სრული ქალები მამაკაცებს ისევე მოსწონთ, როგორც გამხდარი. თან სიმსუქნეც სხვადასხვანაირია – „ქალი ფორმებით", „დიდი და კეთილი", „დახვეწილი მსუქნები", „ფუმფულა ქალები" და სხვ.

„ეს ის არაა, რაც შენ გგონია": რა განსხვავებაა კაცის ღალატსა და ქალის ღალატს შორის...>>

ნებისმიერ შემთხვევაში მამაკაცს რეაგირება აქვს ქალის უნარზე, წარმოადგინოს საკუთარი თავი და არა პარამეტრებზე.

უმეტეს შემთხვევაში მსუქან ქალებს მთელი რიგი კომპლექსები აწუხებთ. ცდილობენ დაიმალონ, რომ მამაკაცების ზედმეტი ყურადღება არ მიიპყრონ. მამაკაცები კი ამას გრძნობენ და ცდილობენ ასეთ ქალებს გვერდი აუარონ.

ექსკლუზიურ ქალებს ფუმფულა ფორმებით საწინააღმდეგო სქესზე დიდებული შთაბეჭდილების მოხდენა შეუძლიათ:

  • ისინი აქტიური და სულიერად მხნე არიან
  • აქვთ კარგი იუმორის გრძნობა და არ არიან მორიდებული
  • არიან ემოციურად თბილი, ემპათიური
  • არიან პასუხისმგებლიანი და სულიერად ძლიერი ყოველდღიური ამოცანების გადაჭრისას
  • მათ მამაკაცთან ურთიერთობების მხრივ მოქნილი და ფსიქოლოგიურად ჯანსაღი ნუსხა აქვთ შედგენილი

ამგვარად, მათ შესწევთ უნარი, მიიპყრონ ასეთივე კომფორტული მამაკაცის ყურადღება.

მამაკაცები, რომლებსაც, მიუხედავად ყველაფრისა, აინტერესებთ ლამაზი და თავდაჯერებული ქალები, არიან:

თავდაჯერებული

არავის არაფერს უმტკიცებენ. შეუძლიათ იყვნენ იმ ადამიანთან, რომელთანაც თავს ნამდვილად კარგად გრძნობენ. არ აქცევენ ყურადღებას სტანდარტებსა და წესებს. არიან თამამი თავიანთ არჩევანში და საზოგადოების მოსაზრება არ აინტერესებთ.

კეთილი

ეს თვისება ცხოვრების ყველა სფეროზე ვრცელდება – მათ ჰყავთ ბევრი მეგობარი, არიან კომუნიკაბელური, არააგრესიული, არ არიან მანიპულატორები.

მე ეს გზა ავირჩიე: უბრალოდ, ვიყო ბედნიერი>>

მშვიდი, მომთმენი

ნაკლებად აკრიტიკებენ საკუთარ თავსა და ირგვლივ ადამიანებს. თავის თავს ყველაფრის უფლებას აძლევენ და ირგვლივ ადამიანებსაც აძლევენ ნებას – იყვნენ ისეთი, როგორიც მათ სურთ.

კარგი იუმორის მქონე

ამ ადამიანებს, როგორც წესი, კარგი იუმორის გრძნობა აქვთ. ნამდვილი იუმორის გრძნობა კი ისაა, როცა ორივე მხიარულადაა.

უკომპლექსო სექსში

მათთვის სექსი – ეს მხოლოდ კიდევ ერთი საშუალებაა, რომ ცხოვრებით დატკბნენ.

არ ცდილობენ თავიანთი ქალის „გადაკეთებას"

არ აიძულებენ ქალს გახდომას, მათი გემოვნებით ჩაცმას. უბრალოდ, მას აძლევენ უფლებას – იყოს ის, ვინც არის.

არ არიან „ჩაციკლული" გარეგნობაზე

მათთვის მთავარია, რომ თავს გრძნობდნენ კომფორტულად, დაძაბულობის გარეშე. არა აქვთ ნევროზი ზედმეტი კილოგრამებისა და მუცლის „ნაკეცების" გამო.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

მთავარი, რაც ასეთ მამაკაცებს აერთიანებს, ისაა, რომ ისინი ფსიქოლოგიურად მოწიფული არიან და საკმაოდ კარგად იცნობენ თავიანთ ქალებს. მათ ესმით, რომ ყველა ქალი სხვადასხვანაირია და „ფუმფულა" სულაც არაა რამით ნაკლები ქალზე, რომელსაც „ფეხები კისრიდან ეწყება". მათთვის არა აქვს მნიშვნელობა, რამდენს იწონის მათი საყვარელი ქალი. ასეთი ქალი ასოცირდება სითბოსთან, ზრუნვასთან და თბილ ურთიერთობებთან.

2121
თემები:
სასარგებლო რჩევები
თელასი

რატომ ყიდის საპარტნიორო ფონდი „თელასის“ აქციებს

0
აუქციონი გამოცხადებულია კონკურენტულ პირობებში და არის მოლოდინები, რომ აქციები მომგებიან ფასად გაიყიდება, მიაჩნიათ ფონდში

თბილისი, 14 აგვისტო - Sputnik. თბილისის ელექტროგამანაწილებელი კომპანია „თელასის“ აქციების გაყიდვით მიღებულ სახსრებს „საქართველოს საპატრნიორო ფონდი“ ახალი საინვესტიციო პროექტების დაფინანსებას მოახმარს, განუცხადეს Sputnik-საქართველოს ფონდის პრეს-სამსახურში.

ამ კვირაში ცნობილი გახდა, რომ „საპატრნიორო ფონდმა“ ელექტროგამანაწილებელ კომპანია „თელასში“ თავისი აქციების 24,5%-ის გაყიდვა გადაწყვიტა. აუქციონი 9 სექტემბერს დაინიშნა. საჯარო აუქციონის საწყისი ფასი შეადგენს 10,5 მლნ აშშ დოლარის ექვივალენტს ლარში.

„აქციების გაყიდვის, ან რომელიმე პროექტის დაფინანსების შესახებ გადაწყვეტილებას ფონდი არ იღებს. ამას მთავრობა წყვეტს. ამიტომ „თელასის“ აქციების გაყიდვის შესახებ გადაწყვეტილება მიღებულია მთავრობის დადგენილების მიხედვით. მიღებული თანხა ახალი პროექტების დაფინანსებას მოხმარდება“, - განაცხადა ფონდის წარმომადგენელმა.

პრესსამსახურში აღნიშნეს, რომ აუქციონი გამოცხადებულია კონკურენტული პირობებით და არსებობს მოლოდინი, რომ აქციები მომგებიან ფასად გაიყიდება და კარგი მფლობელის ხელში მოხვდება.

აქციების გაყიდვით მიღებული მოგება ფონდის ანგარიშზე ჩაირიცხება, შემდეგ კი ხელისუფლება გადაწყვეტს, რომელ პროექტებს დაუჭერს მხარს და დააფინანსებს.

ფონდში აღნიშნეს, რომ „თელასში“ კუთვნილი აქციების რაოდენობის გათვალისწინებით კომპანიის ხელმძღვანელობის რომელიმე გადაწყვეტილებებზე ზეგავლენის მოხდენა შეუძლებელი იყო.

საპარტნიორო ფონდი ახორციელებს რამდენიმე სახელმწიფო კომპანიის მმართველობას, მათ შორის არის საქართველოს რკინიგზა, ნავთობისა და გაზის კორპორაცია, საქართველოს სახელმწიფო ელექტროსისტემა და „თელასი“.

„ეს კომპანიები „საპარტნიორო ფონდის“ მფლობელობაში იმიტომ იყო, რომ დაფინანსების ერთ-ერთი წყარო იყო მათგან მიღებული დივიდენდები. ახლა კი არანაირ დივიდენდებს ფონდი არ იღებს. მნიშვნელოვანია მსგავსი პროექტებიდან გასვლა და გათავისუფლებული სახსრების ინვესტირება ახალ პროექტებში“, - განაცხადეს ფონდის პრესსამსახურში.

„საპარტნიორო ფონდი" სახელმწიფო საინვესტიციო ფონდია, რომელიც 2011 წელს დაარსდა. მისი მთავარი დანიშნულება საინვესტიციო პროექტების განვითარების საწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.) საქართველოში ინვესტიციების წახალისებაა. ამჟამად მთავრობა მისი რეფორმირების საკითხს განიხილავს.

ინვესტორების ძიებაში: საქართველოს საპარტნიორო ფონდმა ჩინეთში მემორანდუმი გააფორმა >>

ფონდის მიზანია თანამშრომლობის განვითარება საჯარო და კერძო სექტორებს შორის საინვესტიციო პროექტების განსახორციელებლად, სამუშაო ადგილების შესაქმნელად, უცხოური ინვესტიციების მოსაზიდად და ქვეყნის ეკონომიკის გასავითარებლად. ფონდი ოთხ სექტორში ფუნქციონირებს – ენერგეტიკის, სოფლის მეურნეობის, წარმოებისა და უძრავი ქონების. საპარტნიორო ფონდის ფინანსური თანამონაწილეობა პროექტის ჯამური კაპიტალის 49%-ით და პროექტის ჯამური ღირებულების 25%-ით შემოიფარგლება. დანარჩენ კაპიტალს სტრატეგიული ინვესტორი უზრუნველყოფს.

 

0
თემები:
საქართველოს ეკონომიკა