შტორმი შავ ზღვაზე

საქართველოში ამინდი მკვეთრად გაუარესდება

486
(განახლებულია 19:37 20.07.2021)
სპეციალისტები აცხადებენ, რომ უხვმა ნალექმა შესაძლოა წყალმოვარდნები და მეწყრული პროცესების გააქტიურება გამოიწვიოს.

თბილისი, 20 ივლისი – Sputnik. საქართველოში მომდევნო დღეებში ამინდის მკვეთრად გაუარესებას ვარაუდობენ, იუწყება გარემოს ეროვნული სააგენტო.

სააგენტოს ცნობით, 21 ივლისის დღის ბოლოდან 24 ივლისამდე ქვეყანაში მოსალოდნელია დროგამოშვებით წვიმა ელჭექით, დასავლეთის მიმართულებით ძლიერი ქარი და სეტყვა. სინოპტიკოსები ასევე ზღვაზე 3-4 ბალიან ღელვას ვარაუდობენ.

გარემოს ეროვნული სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს.

486
თემები:
ამინდი საქართველოში (495)
ბათუმის ბულვარი

ამინდი ბათუმში: 2-8 აგვისტოს ზუსტი პროგნოზი

174
(განახლებულია 17:35 01.08.2021)
ბათუმელებსა და საკურორტო ქალაქის სტუმრებს თითქმის მთელი შემდგომი კვირის განმავლობაში ცვალებადი მოღრუბლულობა, თუმცა ზომიერად ცხელი ამინდები ელით

თბილისი, 1 აგვისტო — Sputnik. სინოპტიკოსების პროგნოზით, მომავალი კვირა ბათუმში ზომიერად ცხელი იქნება — ჰაერის ტემპერატურა საშუალოდ 28-29 გრადუს სითბოს მიაღწევს.

კვირის ამინდის პროგნოზი ბათუმში ასე გამოიყურება:

ორშაბათი, 2 აგვისტო: მოსალოდნელია ცვალებადი მოღრუბლულობა, დროდადრო წვიმა. ჰაერის მინიმალური ტემპერატუტრა ღამით პლუს 23 გრადუსი იქნება, დღისით კი — 27 გრადუსი. დაუბერავს წამში 4 მ სიჩქარის ქარი.

აამშაბათი, 3 აგვისტო: მოსალოდნელია ცვალებადი მოღრუბლულობა და ალაგ-ალაგ წვიმა. დღისით 28 გრადუსამდე დაცხება, ხოლო ღამით ჰაერის ტემპერატურა 23 გრადუსამდე დაიწევს. ქარის სიჩქარე — 7 მ/წმ.

ოთხშაბათი, 4 აგვისტო: მოსალოდნელია მოღრუბლული ამინდი, დროდადრო წვიმა. ღამით ჰაერის მინიმალური ტემპერატურა პლუს 23 გრადუსამდე დაიწევს, დღისით კი 28 გრადუსამდე დაცხება. ქარის სიჩქარე — 7 მ/წმ/

ხუთშაბათი, 5 აგვისტო: მოსალოდნელია წვიმა. ღამით ჰაერი ტემპერატურა პლუს 22 გრადუსზე დაფიქსირდება, დღისით კი — პლუს 27 გრადუსზე. ქარის სიჩქარე კვლავ წამში 7 მეტრი იქნება.

პარასკევი, 6 აგვისტო: მოსალოდნელია მზიანი და უნალექო ამინდი. ღამით — 24 გრადუსი სითბო, დღისით — 29 გრადუსი. ქარის სიჩქარე — წამში 4 მეტრი.

შაბათი, 7 აგვისტო: მოსალოდნელია ცვალება დი მოღრუბლულობა. ღამით ჰაერის ტემპერაურა პლუს 24 გრადუსი იქნება, დღისით — მაქსიმუმ 30 გრადუსი სიცხე. დაუბერავს წამში 11 მეტრი სიმძლავრის ქარი.

კვირა, 8 აგვისტო: მოსალოდნელია წვიმა. ღამით პლუს 23 გრადუსი, დღისით — მაქსიმუმ 28 გრადუსი სითბო. ქარის სიჩქარე წამში 14 მეტრს მიაღწევს.

174
თემები:
ამინდი საქართველოში (495)
სამუშაოები ლენტეხში

სვანეთში სტიქიის შედეგებთან ბრძოლა გრძელდება

51
(განახლებულია 17:18 30.07.2021)
ძლიერი წვიმის შედეგად განვითარებული სტიქიის გამო ლენტეხის მუნიციპალიტეტში დაზიანებული გზების, ელექტროსადენების აღდგენითი სამუშაოები ამ დრომდე აქტიურად მიმდინარეობს.

თბილისი, 30 ივლისი – Sputnik. ლენტეხის მუნიციპალიტეტში სტიქიის შედეგების აღმოფხვრა ინტენსიურ რეჟიმში მიმდინარეობს, ნათქვამია რაჭა-ლეჩხუმისა და ქვემო სვანეთის სამხარეო ადმინისტრაციის მიერ გავრცელებულ განცხადებაში.

Работы по ликвидации последствий наводнения после ливневых дождей в Лентехи в Сванети
სტიქიის შედეგების სალიკვიდაციო სამუშაოები ლენტეხში

ბოლო დღეებში გადაუღებელმა წვიმებმა დასავლეთ საქართველოს ცალკეულ რაიონებში სერიოზული პრობლემები შექმნა. უხვმა ნალექმა პრობლემები შექმნა ზემო სვანეთშიც. ინტენსიური წვიმების შედეგად დაიმეწყრა მესტია–უშგულის საავტომობილო გზა, წაქცეული იყო მაღალი ძაბვის ელექტროგადამცემი ბოძები, დაზიანდა ელექტროსადენები. სტიქიამ 20-მდე სოფელი გარე სამყაროს მოწყვიტა.

დღეს არსებულ სიტუაციას ადგილზე რაჭა-ლეჩხუმისა და ქვემო სვანეთის სახელმწიფო რწმუნებული პაპუნა მარგველიძე მუნიციპალიტეტის მერთან ბადრი ლიპარტელიანთან და საკრებულოს თავმჯდომარესთან გიორგი გაზდელიანთან ერთად გაეცნო.

„ლენტეხის მუნიციპალიტეტის ხუთ სოფელში სხვადასხვა სახის სამუშაოები დღის მანძილზე ინტენსიურად მიმდინარეობდა. „ენერგო პრო ჯორჯიას" მიერ აქტიური სამუშაოების შედეგად სოფელ ტვიბის მოსახლეობას ელექტროენერგიის მიწოდება სრულად აღუდგა“, – ნათქვამია განცხადებაში.

გარდა ამისა, სოფელ ესიერში აღდგა შიდა სასოფლო გზა. სოფელ მუწდის მიმართულებით გადაადგილება კი ჯერ მხოლოდ საცალფეხო ბილიკით არის შესაძლებელი.

სტიქიის მასშტაბურობიდან გამომდინარე, რამდენიმე სოფელი კვლავ ჩაკეტილია. ამ ეტაპზე ელექტროენერგია მხოლოდ სოფელ ბავარს არ მიეწოდება, თუმცა, როგორც სამხარეო ადმინისტრაციაში აცხადებენ, ინტენსიური სამუშაოებისა და შესაბამისი სამსახურების აქტიური ჩართულობით სიტუაცია უახლოეს მომავალში დასტაბილურება.

საავტომობილო გზების დეპარტამენტი მოუწოდებს როგორც საქართველოს მოქალაქეებს, ისე ტურისტებს, თავი შეიკავონ ამ მიმართულებებით გადაადგილებისგან და დაემორჩილონ გზაზე დაწესებულ შეზღუდვებს.

51
თემები:
უამინდობა საქართველოში
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

0
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

0