წვიმა თბილისში

როგორი ამინდი იქნება საქართველოში უახლოეს დღეებში

105
(განახლებულია 19:20 09.07.2021)
საქართველოში 14 ივლისამდე ზოგან შენარჩუნებული იქნება წვიმიანი ამინდი. შედარებით სიგრილეა მოსალოდნელი აღმოსავლეთ რეგიონებში.

თბილისი, 9 ივლისი – Sputnik. საქართველოს ზოგიერთ რაიონში 14 ივლისამდე ხანმოკლე წვიმები ელჭექით გაგრძელდება, აღნიშნულია გარემოს ეროვნული სააგენტოს განცხადებაში.

დღეს და ხვალ შედარებით გრილი ამინდი იქნება აღმოსავლეთ საქართველოში – პლუს 23–28 გრადუსი, შემდეგ დღეებში კი ტემპერატურა 3–4 გრადუსით მოიმატებს.

დასავლეთ საქართველოს დაბლობში დღის განმავლობაში პლუს 30–35 გრადუსი დაფიქსირდება.

რაც შეეხება დედაქალაქს, აქ 9–10 ივლისს ტემპერატურა 25–27 გრადუსამდე შემცირდება, ხოლო მომდევნო დღეებში 33–35 გრადუსამდე მოიმატებს.

ბოლო დღეებში უხვმა ნალექმა პრობლემები შექმნა თბილისსა და ზოგიერთ რაიონში. მაგალითად, გუშინ, საღამოს მოსულმა ძლიერმა წვიმამ დედაქალაქის მცხოვრებლებს პრობლემები შეუქმნა – დაიტბორა საცხოვრებელი სახლების პირველი სართულები, მაღაზიები და სარდაფები. ქალაქის გარკვეულ მონაკვეთებზე შეფერხდა ტრანსპორტის გადაადგილება.

ორი დღის წინ სტიქიამ ასევე დააზარალა საგარეჯოს მუნიციპალიტეტის რამდენიმე სოფელი – უხვი ნალექის შედეგად დაიტბორა საცხოვრებელი სახლების პირველი სართულები და სასოფლო-სამეურნეო სავარგულები.

105
თემები:
ამინდი საქართველოში (496)
ზაფხული თბილისში

როგორი ამინდი იქნება უახლოეს დღეებში საქართველოში

95
(განახლებულია 20:59 02.08.2021)
ეს კვირა, წინა კვირებთან შედარებით, დედაქალაქში უნალექოდ ჩაივლის და ასევე უფრო ცხელიც იქნება. მაქსიმალური ტემპერატურა 37 გრადუსია მოსალოდნელი.

თბილისი, 2 აგვისტო – Sputnik. სინოპტიკოსები საქართველოს უმეტეს ტერიტორიაზე უახლოეს დღეებში მაღალ ტემპერატურას პროგნოზირებენ.

გარემოს ეროვნული სააგენტოს ინფორმაციით, 7 აგვისტომდე მაღალი ტემპერატურის ფონზე მცირე, ხანმოკლე წვიმა ელჭექით შესაძლებელია მხოლოდ საქართველოს ცალკეულ რაიონში.

ჰაერის ტემპერატურა დასავლეთ საქართველოს დაბლობში 29-34 გრადუსი, ხოლო აღმოსავლეთ საქართველოს ბარში 31-36 გრადუსია მოსალოდნელი.

5 აგვისტოდან ჰაერის ტემპერატურა ქვეყნის მასშტაბით 2-3 გრადუსით მოიმატებს.

ამინდი ბათუმში: 2-8 აგვისტოს ზუსტი პროგნოზი>>

თბილისში უმეტესად უნალექო ამინდი იქნება. ჰაერის ტემპერატურა 35-37 გრადუსი დაფიქსირდება.

95
თემები:
ამინდი საქართველოში (496)
თბილისი

კვირის პროგნოზი: როგორი ამინდი იქნება თბილისში 2–8 აგვისტოს

337
(განახლებულია 15:38 02.08.2021)
ეს კვირა, წინა კვირებთან შედარებით, დედაქალაქში წვიმის გარეშე ჩაივლის და ასევე უფრო ცხელიც იქნება. მაქსიმალური ტემპერატურა 36 გრადუსია მოსალოდნელი.

თბილისი, 2 აგვისტო – Sputnik. სინოპტიკოსები ამ კვირაში თბილისში უპირატესად მზიან და ცხელ, უნალექო ამინდს ვარაუდობენ.

ორშაბათი, 2 აგვისტო: სიცხეა მოსალოდნელი.

მინიმალური ტემპერატურა ღამით – 23 გრადუსი, მაქსიმალური დღისით – 34 გრადუსამდე.

  • მზის ჩასვლა – 20:18 სთ.

სამშაბათი, 3 აგვისტო: მოსალოდნელია ცხელი ამინდი.

მინიმალური ტემპერატურა ღამით – 20 გრადუსი, მაქსიმალური დღისით – 34 გრადუსი.

  • მზის ამოსვლა – 05:56 სთ.
  • მზის ჩასვლა – 20:17 სთ.
  • ქარის სიჩქარე – 10–15 მ/წმ.

ოთხშაბათი, 4 აგვისტო: უპირატესად მზიანი ამინდი, იქნება სიცხე.

მინიმალური ტემპერატურა ღამით – 20 გრადუსი, დღისით – 36 გრადუსი.

  • მზის ამოსვლა – 05:26 სთ.
  • მზის ჩასვლა – 20:15 სთ.
  • ქარის სიჩქარე – 10–15 მ/წმ.

ხუთშაბათი, 5 აგვისტო: მოსალოდნელია ცხელი ამინდი.

მინიმალური ტემპერატურა ღამით – 23 გრადუსი, დღისით – 36 გრადუსი.

  • ზის ამოსვლა – 05:58 სთ.
  • მზის ჩასვლა – 20:14 სთ.
  • ქარის სიჩქარე – 10–15 მ/წმ.

პარასკევი, 6 აგვისტო: მზიანი და ცხელი ამინდია მოსალოდნელი.

მინიმალური ტემპერატურა ღამით – 22 გრადუსი, დღისით – 36 გრადუსი.

  • მზის ამოსვლა – 05:59 სთ.
  • მზის ჩასვლა – 20:13 სთ.
  • ქარის სიჩქარე – 8–13 მ/წმ.

შაბათი, 7 აგვისტო: მოსალოდნელია მზიანი ამინდი.

მინიმალური ტემპერატურა ღამით – 23 გრადუსი, დღისით – 36 გრადუსი.

  • მზის ამოსვლა – 06:00 სთ.
  • მზის ჩასვლა – 20:12 სთ.
  • ქარის სიჩქარე – 10–15 მ/წმ.

კვირა, 8 აგვისტო: მოსალოდნელია მზიანი და ცხელი ამინდი.

მინიმალური ტემპერატურა ღამით – 24 გრადუსი, დღისით – 37 გრადუსი.

  • მზის ამოსვლა – 06:01 სთ.
  • მზის ჩასვლა – 20:11 სთ.
  • ქარის სიჩქარე – 10–15 მ/წმ.

 

337
თემები:
ამინდის ზუსტი პროგნოზი თბილისში
ხავსმოდებული ხე

დღის ასტროპროგნოზი ზოდიაქოს ნიშნებისთვის: 4 აგვისტო

0
(განახლებულია 20:59 03.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 4 აგვისტოა, ოთხშაბათი. კლებადი მთვარე ტყუპის ნიშანშია. ამ დღეს პლანეტა მერკური მფარველობს.

პოზიტივისა და წარმატებების დღეა. ყველაფერი გამოგვივა. შეგვიძლია რთულ საქმეებთან შეჭიდება, ყურადღება უნდა მივაქციოთ წვრილმანებს – ისინი დღეს მნიშვნელოვან როლს ასრულებს. მთვარე ტყუპში საუბრებისკენ გვიბიძგებს. რუტინული და მოსაწყენი საქმეების გაკეთება გაგვიჭირდება, ამიტომ აჯობებს, თუ მათ სამომავლოდ გადავდებთ.

დღის ასტროპროგნოზი ზოდიაქოს ნიშნებისთვის: 3 აგვისტო>>

ვერძი: დროა, რამე ახალი დაიწყოთ, მათ შორის მოლაპარაკებები, დეტალების განხილვა. კარგი იქნება, თუ გეგმებს მიჰყვებით – ასე ბევრი მიზნის მიღწევას შეძლებთ. შეძლებთ ცდუნებებისგან დაცვას და ზოგიერთ რამეზე უარის თქმას. არ იღელვოთ – მათ აუცილებლად ჩაანაცვლებთ ახალი შესაძლებლობებით, რომლებზეც ვერც კი იოცნებებდით.

კურო: არის რისკი, რომ საკმაოდ დიდი თანხა დახარჯოთ. ეცადეთ, „მადა“ მოთოკოთ და არ შეიძინოთ ის, რაც მნიშვნელოვან სარგებელს არ მოგიტანთ. მოუსმინეთ როგორც ახლობლებს, ისე უცნობებს – მათ დღეს საკმაოდ ეფექტური რჩევის მოცემა შეუძლიათ. ასევე კარგი დროა ოცნებისკენ ნაბიჯის გადადგმისთვის, გეგმების განხორციელებისთვის – ყველაფერი გამოგივათ.

ტყუპი: სარგებელს მოგიტანთ რაღაც დეტალების განხილვა, წვრილმანებზე ყურადღების გამახვილება – ახლა ისინი უზარმაზარ როლს თამაშობს. ასევე უარი არ თქვათ საკუთარ იდეებსა და გეგმებზე – ისინი მალე რეალობად იქცევა და ან კარგ თანხას მოგიტანთ, ან ჰარმონიასა და კომფორტს. ასე რომ, წინ, ოცნებებისკენ. გაითვალისწინეთ, სტრესმა კალაპოტიდან არ უნდა ამოგაგდოთ, ამიტომ ხშირად დაისვენეთ.

კირჩხიბი: ეცადეთ, კეთილსინდისიერად იმუშაოთ და წარმატება არ დააყოვნებს. მოინდომეთ, რომ ყველა საქმე იდეალურად შეასრულოთ, შემოქმედებითად იაზროვნეთ, მოაწესრიგეთ საქმეები. ურთიერთობებში ეცადეთ თანამოსაუბრის ემოციური განწყობა იგრძნოთ და ნაკლებად იკამათეთ. საღამო კი ოჯახთან ერთად გაატარეთ – ეს დაგეხმარებათ „გადატვირთვაში“ და მომდევნო დღეებში სამუშაოსთვის განწყობაში.

ლომი: ხშირად მოუსმინეთ კოლეგებსა და ახლობლებს – დღეს მათ, შესაძლოა, ეფექტური რჩევა მოგცენ. თქვენც არ გაჩუმდეთ – განიხილეთ თქვენი პროექტებიმ აზრები ადამიანებთან, რომ მოისმინოთ მათი კომენტარები და შემდეგ თქვენს გეგმებში კორექტივები შეიტანოთ. მაგრამ ეს სამუშაოსგან თავისუფალ დროს გააკეთეთ. მუშაობის დროს კი აჩქარება არ ივარგებს – მოსალოდნელია შეცდომების დაშვება.

ქალწული: კარგი იქნება, თუ სიკეთეს გამოიჩენთ და გაჭირვებულებს დაეხმარებით – ეს თქვენს კარმას განამტკიცებს და განწყობას აამაღლებს. თუ გსურთ, რომ პრობლემებს სწრაფად გაუმკლავდეთ, „ჩართეთ“ კრეატივი – ეს ნამდვილად დაგეხმარებათ. სამუშაო ბევრი გექნებათ, ამიტომ ეცადეთ, ენერგია შეინარჩუნოთ. ამავე არ ღირს დაძაბვა – გაუფრთხილდით ორგანიზმს.

სასწორი: მზად ხართ, საკუთარი ოცნებები რეალობად აქციოთ, მაგრამ ამას შეიძლება ბედი შეეწინააღმდეგოთ. ეცადეთ, თქვენი გაიტანოთ და სამყაროს გამოწვევებს დაუპირისპირდეთ. მოემზადეთ იმისთვის, რომ გადაწყვეტილებების სწრაფად მიღება მოგიწევთ, მოქმედება – ელვისებურად. თუ არ დააყოვნებთ, ყველაფერი გამოგივათ. ასევე მოგეცემათ შანსი, რომ წარსულის შეცდომები გამოასწოროთ.

მორიელი: მოემზადეთ მუხლჩაუხრელი შრომისთვის და პრობლემების ელვისებურად გადაწყვეტისთვის. კარგია, თუ მოვლენების ცენტრში აღმოჩნდებით, ეკონტაქტებით საჭირო ადამიანებს – ამან კარიერულ კიბეზე შესაძლოა წინ წაგწიოთ. აუცილებლად ეურთიერთეთ კოლეგებს – მათ საჭირო რჩევების მოცემა შეუძლიათ. გარდა ამისა, ვარსკვლავები სახლის საფუძვლიან მოწესრიგებას გირჩევენ – არის შანსი, იპოვოთ ის, რაც დიდი ხნის წინ დაკარგეთ.

მშვილდოსანი: ბედმა ერთდროულად რამდენიმე შანსი მოგიმზადათ – ეცადეთ, გამოთვალოთ ისინი და გამოიყენოთ. მაგრამ ეს დაყოვენბის გარეშე, სწრაფად უნდა გააკეთოთ, თორემ ამ შესაძლებლობებს თავისი „ვარგისიანობის ვადა“ აქვს. ასევე კარგი იქნება, თუ ძველი გეგმის შესრულებას შეუდგებით. დღეს იღბალი და წარმატება ფეხდაფეხ დაგყვებათ, ამიტომ არ შეუშინდეთ გარისკვას. ასევე გაილამაზეთ დღე საყიდლებით.

თხის რქა: აქტიურობა და ინიციატივის გამოჩენა შესანიშნავ შესაძლებლობებსა და წინადადებებს გააჩენს. არ იორჭოფოთ და დათანხმდით – მომავალში ისინი წარმატებებს აუცილებლად მოგიტანთ. არ ღირს დროის უქმად დაკარგვა, ამიტომ უარი თქავით არაფრის მომტან საუბრებსა და გართობაზე. ყურადღება გადაიტანეთ სამუშაოზე. დღეს ბევრი რამის გაკეთება შეგიძლიათ.

მერწყული: ირგვლივ ქაოსი და ორომტრიალია და ყველაფერში გიჭირთ გარკვევა. ეცადეთ, არ აჰყვეთ ახლობლების მანიპულაციებს და სიმშვიდე ეძებეთ. კარგი იქნება, თუ მოახერხებთ განმარტოებას და პირად საქმეებსა და სამუშაოს მიხედავთ. ურთიერთობები სარგებელს მხოლოდ საქმიან საკითხებზე მოგიტანთ. მშვენივრადაა ყველაფერი პირად ფრონტზე – ურთიერთობები გამტკიცდება და შეიძლება ახალ საფეხურზეც გადავიდეს.

თევზები: დროა, თქვენი გეგმები ოჯახთან განიხილოთ. შესაძლოა, ახლობელმა ადამიანებმა სუსტ ადგილებზე მიგითითონ და ამით თქვენს მომავალზე იმოქმედონ. საჭიროა შესაძლებლობების დანახვა და მათი გამოყენება, თუნდაც ისინი ერთი შეხედვით არც ისე პერსპექტიული მოჩანდეს. თუ უსიამოვნებები შეგხვდათ, მათი კოლექტიურად გადაწყვეტა აჯობებს – გაუზიარეთ თქვენი პრობლემები ახლობლებს – ისინი კარგ რჩევას მოგცემენ.

0