დამსვენებლები თბილისის ზღვაზე

მზე ბევრი, წვიმა ცოტა: ზაფხულის სეზონი საქართველოში სინოპტიკოსების პროგნოზი

112
(განახლებულია 20:34 07.06.2021)
სინოპტიკოსების პროგნოზით საქართველოში ეს ზაფხული ნორმის ფარგლებს ძალიან არ გასცდება – იქნება როგორც ცხელი, ისე ძალიან ცხელი დღეები და, რა თქმა უნდა, წვიმაც.

თბილისი, 7 ივნისი – Sputnik. ზაფხულის ტურისტული სეზონის განმავლობაში ჰაერის ტემპერატურა საქართველოს შავი ზღვის სანაპიროზე ნორმის ფარგლებში იქნება, ხოლო დანარჩენ ტერიტორიაზე 1–2 გრადუსით მაღალი იქნება, იუწყება გარემოს ეროვნული სააგენტო.

სეზონური ნორმა

  • საქართველოს ტერიტორიაზე ზაფხულის სეზონის ჰაერის მრავალწლიური საშუალო ტემპერატურა (ნორმა) შეადგენს: დასავლეთ საქართველოს დაბლობზე +21, +23; მთაში +19, +21; მაღალ მთაში +15, +17; აღმოსავლეთ საქართველოს ბარში +21 +23; მთაში +17, +19; მაღალ მთაში +14, +16 გრადუსს.  
  • ზაფხულის სეზონის ნალექების ნორმა დასავლეთ საქართველოს დაბლობზე 250-600 მმ, მთასა და მაღალ მთაში 200-300 მმ, აღმოსავლეთ საქართველოს ბარში 120-180 მმ, მთასა და მაღალ მთაში 120-200 მმ-ის ფარგლებშია.

ზაფხულის ამინდის პროგნოზი

სამხრეთ-აღმოსავლეთ ევროპის რეგიონის ქვეყნების, მათ შორის, საქართველოს ექსპერტების კლიმატური პროგნოზის ფორუმზე (SEECOF-23) მომზადებული 2021 წლის ზაფხულის სეზონის ამინდის პროგნოზი ეყრდნობა გლობალურ და ხმელთაშუა ზღვის, აღმოსავლეთ ევროპის რეგიონების დინამიკურ და სტატისტიკურ მოდელებს.

2021 წლის ზაფხულის სეზონის ჰაერის საშუალო ტემპერატურა შავი ზღვის სანაპირო ზოლში ნორმის ფარგლებში იქნება, ხოლო ქვეყნის დანარჩენ ტერიტორიაზე მოსალოდნელია 1-2 გრადუსით მაღალი ტემპერატურა.

რაც შეეხება ნალექების რაოდენობას, სინოპტიკოსები სანაპირო ზოლში ნორმის ფარგლებში, ხოლო ქვეყნის დანარჩენ ტერიტორიაზე - ნორმაზე ნაკლებს ვარაუდობენ.

სპეციალისტები სეზონის განმავლობაში, ცალკეულ დღეებში ვარაუდობენ, რომ საქართველოს დაბლობსა და ბარში ტემპერატურა მოიმატებს +37, +40, მთიან რაიონებში +36, +39, ხოლო მაღალმთიან რაიონებში +32, +35 გრადუსამდე. ამის პროგნოზირება, სპეციალისტების თქმით, მხოლოდ რამდენიმე დღით ადრეა შესაძლებელი.

112
თემები:
ამინდი საქართველოში (481)
წვიმა

როგორ ამინდს პროგნოზირებენ სინოპტიკოსები საქართველოში

98
(განახლებულია 22:52 14.06.2021)
უახლოეს დღეებში საქართველოს ტერიტორიაზე ჰაერის ტემპერატურა 30 გრადუსამდე იქნება, ცალკეულ რაიონში ნალექია ნავარაუდევი.

თბილისი, 14 ივნისი — Sputnik. საქართველოს ზოგიერთ რეგიონში 20 ივნისამდე ხანმოკლე წვიმა და ელჭექია მოსალოდნელი, ნათქვამია გარემოს დაცვის ეროვნული სააგენტოს Facebook-გვერდზე გავრცელებულ განცხადებაში.

სინოპტიკოსები ქვეყნის ზოგიერთ რაიონში სეტყვასაც პროგნოზირებენ.

დასავლეთ საქართველოში ჰაერის ტემპერატურა პლუს 24-29 გრადუსი, აღმოსავლეთ საქართველოში კი 29-34 გრადუსი სითბოა მოსალოდნელი.

თბილისში მოსალოდნელია ხანმოკლე წვიმა, ჰაერის ტემპერატურა პლუს 31-33 გრადუსია ნავარაუდევი.

98
თემები:
ამინდი საქართველოში (481)
სეტყვა

ძლიერი სეტყვა და წვიმა: სტიქიამ  დედოფლისწყარო დააზარალა

119
ჯერჯერობით უცნობია, რა ზიანი მიაყენა სტიქიამ რაიონს. ზარალის ოდენობას სპეციალურად შექმნილი კომისია დაადგენს.

თბილისი, 11 ივნისი – Sputnik. ძლიერმა  სეტყვამ კახეთის რეგიონში პრობლემები შექმნა, იუწყება ტელეკომპანია „პირველი არხი“.

ძლიერმა სეტყვამ, რომელიც ათ წუთზე მეტხანს გრძელდებოდა, დედოფლისწყაროს რაიონი დააზარალა. განადგურებულია ერთწლოვანი ბოსტნეული კულტურები.

როგორც დედოფლისწყაროს მერმა ნიკა ჯანიაშვილმა განაცხადა, სეტყვამ მხოლოდ ქალაქის ტერიტორიაზე არსებული საკარმიდამო ნაკვეთები დააზიანა.

„ძირითადად სეტყვამ ქალაქს გადაუარა, თუმცა სახლების დატბორვის ან სასოფლო-სამეურნეო სავარგულების განადგურების შესახებ ინფორმაცია არ შემოსულა. შეიძლება ითქვას, რომ ამ ეტაპზე ძირითადი მოსავალი გადარჩა“, – ჯანიაშვილმა.

დღის განმავლობაში, კახეთის რეგიონის რამდენიმე მუნიციპალიტეტში გადაუღებლად წვიმს.

ბოლო ათი დღის განმავლობაში ძლიერმა ქარმა და სეტყვამ კახეთის სოფლები წინანდალი, ვანთა, ბუშეტი და ქვემო ხოდაშენი დააზარალა. სტიქიის შედეგად განადგურდა ვენახები, ხეხილი, ბოსტნეული და ბაღჩეული კულტურები. როგორც ადგილობრივი მოსახლეობა აცხადებს, შესაძლოა წელს ყურძნის მოსავლის გარეშე დარჩნენ.

119
თემები:
უამინდობა საქართველოში
ფოტო კონკურსიდან

სტენინის სახელობის ფოტოკონკურსმა 2021 წლის შორტ-ლისტი გამოაქვეყნა

0
(განახლებულია 21:53 16.06.2021)
გამარჯვებულების გამოსავლენად კონკურსის ჟიურიმ 70 ქვეყნიდან წარდგენილი დაახლოებით 4,5 ათასი ნამუშევარი დაათვალიერა

თბილისი, 16 ივნისი – Sputnik. ანდრეი სტენინის ხსოვნისადმი მიძღვნილი ახალგაზრდა ფოტორეპორტიორების კონკურსის ჟიურიმ (https://stenincontest.ru), რომელიც მსოფლიოს ტიტულოვანი ფოტოგრაფებისა და ფოტოექსპერტებისგან შედგება, 2021 წლის ლაურეატები გამოაცხადა.

გამარჯვებულების გამოსავლენად ჟიურიმ დაახლოებით 4,5 ათასი ნამუშევარი დაათვალიერა. ლაურეატების შორტ-ლისტი კონკურსის რუსულ (http://stenincontest.ru) და ინგლისურ (http://stenincontest.com) საიტებზე გამოქვეყნდა.

შორტ-ლისტში 17 ქვეყნის წარმომადგენლები არიან შესული. მათ შორის: ჩინეთის, დიდი ბრიტანეთის, გერმანიის, ესპანეთის, საბერძნეთი, ეგვიპტის, ინდოეთის, თურქეთისა და სხვ. (http://stenincontest.ru). შორტ-ლისტში პირველად მოხვდნენ ახალგაზრდა ფოტოგრაფები ინდონეზიიდან, მექსიკიდან და კანადიდან.

2021 წლის კონკურსის ლაურეატების ნამუშევრების თემები ასახავს მოვლენათა ლენტას, რომლებმაც მსოფლიოს ახალი ამბების ტრაფიკები „ააფეთქა“ გასულ წელს. მთავ თემებს შორისაა: მაისის საპროტესტო აქციები მინეაპოლისში, ეკოლოგიური კატასტროფა, რომელიც აფრიკასა და აზიაში კალიების უდიდეს შემოსევას მოჰყვა, COVID-19-ის პანდემია, რომელმაც მილიონობით ადამიანის სიცოცხლე შეიწირა მთელ მსოფლიოში.

ანდრეი სტენინის სახელობის კონკურსის კურატორმა, Россия сегодня-ს ვიზუალური პროექტების სამსახურის ხელმძღვანელმა ოქსანა ოლეინიკმა, 2021 წლის ფოტოების თავისებირებების შეფასებისას განაცხადა:

„გასული წელი, რომლის მოვლენები აისახა კიდეც ჩვენი ლაურეატების ნამუშევრებში, რთული იყო. ამითაც განისაზღვრება ჟიურის მიერ შერჩეული ფოტოების უმეტესობის ნერვი და დრამატულობა. კონკურსის მონაწილეები უბრალოდ კი არ აფიქსირებენ პრობლემას, არამედ მათ სურთ, რომ ფოტოგრაფიის მეშვეობით მნახველი საუბარში გამოიწვიონ, ერთად გააცნობიერონ პრობლემა და ერთად მონახონ მისი გადაჭრის გზები. და ჩვენი აზრით, ახალგაზრდა ფოტოგრაფებს ეს ბრწყინვალედ გამოსდით“.

ვინ მიიღებს ანდრეი სტენინის სახელობის კონკურსის მთავარ ჯილდოს - გრან-პრის, და ასევე როგორ განაწილდება საპრიზო ადგილები კონკურსის ნომინაციაში, სექტემბერში გახდება ცნობილი და შედეგები გამოქვეყნდება საიტებზე - stenincontest.ru და stenincontest.com.

კონკურსის გეგმებში ასევე შედის გამარჯვებულების ტრადიციული როუდ-შოუს დაწყება მსოფლიოს ქალაქებში წლის ბოლომდე.

კონკურსის შესახებ

ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო Россия сегодня-ს ორგანიზებით იუნესკოს საკითხთა რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა, ნიჭიერი, საზრიანი და ყველაფერ ახლისადმი გახსნილი ფოტოგრაფებისთვის, სადაც ისინი საზოგადოებას ყურადღებას ამახვილებინებენ ადამიანებსა და მათ გარშემო მიმდინარე მოვლენებზე.

2021 წელს კონკურსის გენერალური საინფორმაციო პარტნიორები არიან: საინფორმაციო და ახალი ამბების პორტალი Вести.Ru, სახელმწიფო ტელეარხი Россия-Культура. კონკურსის საერთაშორისო საინფორმაციო პარტნიორები არიან: საინფორმაციო სააგენტო და რადიო Sputnik, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

0