თოვლი თბილისში

თოვლი, ქარბუქი, ნისლი სინოპტიკოსები ამინდის მკვეთრ გაუარესებას პროგნოზირებენ

233
(განახლებულია 17:47 22.02.2021)
სინოპტიკოსები საქართველოს დედაქალაქში ოთხშაბათს თოვლჭყაპს, ხუთშაბათს კი თოვლსა და ნისლს პროგნოზირებენ.

 

თბილისი, 22 თებერვალი – Sputnik. საქართველოში უახლოეს დღეებში მოსალოდნელია ნალექი თოვლის სახით –  ქვეყნის ცალკეულ რაიონებში 23-24 თებერვალს დასავლეთის მიმართულების ძლიერი ქარია ნავარაუდევი, ნათქვამია გარემოს ეროვნული სააგენტოს განცხადებაში. 

„დღისით დაბლობში ჰაერის ტემპერატურა  პლუს 3–8 გრადუსი  იქნება. აღმოსავლეთ საქართველოში  25 თებერვალს მოსალოდნელია ცივი ამინდი, ღამისა და დილის საათებში კი თოვლი და ნისლი. დღისით ბარშიც ზოგან დაფიქსირდება  დაბალი ტემპერატურა“, – ნათქვამია განცხადებაში.

მაღალ მთაში მოსალოდნელია თოვლი, ქარბუქი და ყინვა – აღმოსავლეთ საქართველოში ღამით ტემპერატურა მინუს 15 გრადუსამდე დაიკლებს, დღისით კი პლუს 2 გრადუსამდეა მოსალოდნელი. დასავლეთ საქართველოში ღამით მინუს 12, დღისით კი პლუს 3 გრადუსია ნავარაუდევი.

თბილისში 23 თებერვალს უნალექო ამინდია მოსალოდნელი, თუმცა, დროგამოშვებით იქროლებს ჩრდილო-დასავლეთის მიმართულების ძლიერი ქარი – ჰაერის ტემპერატურა პლუს 7–9 გრადუსი იქნება.

სინოპტიკოსები ოთხშაბათს თოვლჭყაპს ვარაუდობენ, ხუთშაბათს ღამისა და დილის საათებში თოვლი და ნისლია მოსალოდნელი.  საქართველოს დედაქალაქში 25 თბერვალს ღამით მინუს 5, დღისით კი პლუს 1 გრადუსია მოსალოდნელი.

 

233
თემები:
უამინდობა საქართველოში (310)
ქარი

როგორი ამინდი იქნება საქართველოში უახლოეს დღეებში

108
(განახლებულია 21:27 01.03.2021)
მარტი უკვე თავის „ხასიათს“ აჩვენებს – ჯერ არ თბილა, მაგრამ უკვე აღარც ძალიან ცივა. ტემპერატურა ნელ–ნელა იმატებს.

თბილისი, 1 მარტი – Sputnik. საქართველოში 1–4 მარტს ქვეყნის ზოგიერთ რაიონში მოსალოდნელია ღრუბლიანი ამინდი, ზოგან ნალექიც, იუწყება გარემოს ეროვნული სააგენტო.

სინოპტიკოსების პროგნოზით, ტემპერატურა დღისით დაბლობში პლუს 5-დან 10 გრადუსამდე შუალედში იქნება.

2 მარტს შესაძლებელია მცირე წვიმა, 3–4 მარტს კი ზოგან ძლიერი ქარი დაუბერავს.

ქვეყნის უმეტეს ნაწილში 5 მარტიდან ამინდი გაუმჯობესდება და უფრო დათბება.

ჰაერის ტემპერატურა 1–4 მარტს 8–10 გრადუსს მიაღწევს, 5 მარტს კი უფრო მოიმატებს.

108
თემები:
ამინდი საქართველოში
თბილისი

როგორი ამინდი იქნება თბილისში ოთხშაბათს, 3 მარტს

35
(განახლებულია 10:54 01.03.2021)
გაზაფხულის პირველი დღეები დედაქალაქში ყინვის გარეშე ჩაივლის. დღისით ტემპერატურა 10 გრადუსს მიაღწევს.

თბილისი, 1 მარტი – Sputnik. სინოპტიკოსების პროგნოზით თბილისში ოთხშაბათს, 3 მარტს უპირატესად მზიანი ამინდია მოსალოდნელი.

ჰაერის ტემპერატურა ღამით პლუს 1 გრადუსი, ხოლო დღისით 10 გრადუსი იქნება.

მზე 07:33 საათზე ამოვა და 18:53 საათზე ჩავა.

35
თემები:
ამინდის ზუსტი პროგნოზი თბილისში
ეკატერინე ტიკარაძე

ეკატერინე ტიკარაძე არ გამორიცხავს სასამართლო დავას COVAX-პლატფორმასთან

0
ამ ეტაპზე საქართველოს ჯანდაცვის სამინისტრო ელოდება COVAX-პლატფორმისგან უარყოფას იმ ბრალდებების, რომლებიც სამინისტროს მისამართით გაჟღერდა, განაცხადა მინისტრმა

თბილისი, 1 მარტი – Sputnik. საქართველომ შესაძლოა უჩივლოს COVAX-პლატფორმას ინფორმაციის გავრცელებისთვის, თითქოს ქვეყანა არ არის მზად Pfizer-ის ვაქცინის პირველი პარტიის მისაღებად ტექნიკური მიზეზების გამო, განაცხადა ჯანდაცვის მინისტრმა ეკატერინე ტიკარაძემ.

მანამდე ერთ-ერთმა ქართულმა საინფორმაციო საშუალებამ პლატფორმაზე დაყრდნობით გაასაჯაროვა ინფორმაცია იმის შესახებ, რომ თებერვალში ვაქცინა მიიღეს მხოლოდ იმ ქვეყნებმა, რომელთა ეროვნულმა რეგულატორებმა პრეპარატს ავტორიზება მისცეს და ვაქცინის მწარმოებლებთან გააფორმეს ზარალის ანაზღაურების კონტრაქტი.

„გამომდინარე იქიდან, რომ აქ საუბარია რეპუტაციულ რისკებზე, ჩივილსაც არ გამოვრიცხავ. ვინაიდან, ეს ყველაფერი, ჩვენდა სამწუხაროდ, საქართველოში არსებული მძიმე პოლიტიკური მდგომარეობიდან გამომდინარე ოპოზიციური ოპონენტების მხრიდან გამოყენებულია იმის ესკალაციისთვის, რომ საქართველოში მოხდეს პოლიტიკური დიდი დაძაბულობა და პოლარიზაცია“, - აღნიშნა ეკატერინე ტიკარაძემ ტელეკომპანია „რუსთავი2“-ის ეთერში.

მისი თქმით, ჯანდაცვის სამინისტრომ უკვე მიმართა პლატფორმას და მოსთხოვა პასუხი, თუ რატომ გაკეთდა ასეთი კომენტარი.

„ყველა იმ არსებულ კომუნიკაციაში, რომელიც ჩვენ დავიწყეთ COVAX-პლატფორმასთან 18 სექტემბრის მერე, მსგავსი გადაცდომა მათი მხრიდან და აღნიშვნა არ ყოფილა, რომ ჩვენ რაიმე შეცდომა დავუშვით. COVAX-პლატფორმა ერთხელ უკვე მოხდა მსგავს გაუგებრობაში, კერძოდ ბოსნიასთან მიმართებაში, რის გამოც ბოსნიამ COVAX-პლატფორმას უჩივლა“, - განაცხადა მინისტრმა.

მან უარყო გავრცელებული ინფორმაცია იმის შესახებ, რომ საქართველოში ვაქცინის შემოტანის შეფერხება უკავშირდება იმას, რომ ქვეყანა არ არის მზად მის შემოსატანად.

COVAX–პლატფორმის მეშვეობით ქვეყანაში Pfizer-ის პირველი პარტია თებერვლის ბოლოს უნდა შემოსულიყო და ქვეყანას მედპერსონალის ვაქცინაცია უნდა დაეწყო. მაგრამ ცნობილი გახდა, რომ ვაქცინის პირველი პარტიის შემოტანა მარტისთვის გადაიდო. ქვეყანაში უკვე შემოტანილია 50 ათასი სპეციალური შპრიცი, რომელიც აცრისთვის არის საჭირო. მობილიზებულია სპეციალური მაცივრები, რომლებიც Pfizer-ის ვაქცინის შესანახად არის საჭირო. ვაქცინაციის დასაწყებად მზად არის ცხრა სამედიცინო დაწესებულება.

0