თბილისი

როგორი ამინდი იქნება თბილისში ოთხშაბათს, 17 თებერვალს

1237
(განახლებულია 16:35 15.02.2021)
დედაქალაქში ოთხშაბათს აცივდება. დღისით ჰაერი 4–5 გრადუსამდე გათბება. მოსალოდნელია ნალექი სველი თოვლის სახით.

თბილისი, 15 თებერვალი – Sputnik. თბილისში ოთხშაბათს, 17 თებერვალს მოღრუბლული ამინდი, სველი თოვლი და ტემპერატურის შემცირებაა მოსალოდნელი. 

ღამით ტემპერატურა +1 გრადუსი იქნება, ხოლო დღისით 4–5 გრადუსამდე დათბება. დილიდან იწვიმებს, ხოლო დღის მეორე ნახევარში სველი თოვლი წამოვა.

ქარი წამში 10–15 მეტრი სიჩქარით დაუბერავს.

მზე 07:54 საათზე ამოვა და 18:36 საათზე ჩავა.

1237
თემები:
ამინდის ზუსტი პროგნოზი თბილისში (629)
ქარი

როგორი ამინდი იქნება საქართველოში უახლოეს დღეებში

101
(განახლებულია 21:27 01.03.2021)
მარტი უკვე თავის „ხასიათს“ აჩვენებს – ჯერ არ თბილა, მაგრამ უკვე აღარც ძალიან ცივა. ტემპერატურა ნელ–ნელა იმატებს.

თბილისი, 1 მარტი – Sputnik. საქართველოში 1–4 მარტს ქვეყნის ზოგიერთ რაიონში მოსალოდნელია ღრუბლიანი ამინდი, ზოგან ნალექიც, იუწყება გარემოს ეროვნული სააგენტო.

სინოპტიკოსების პროგნოზით, ტემპერატურა დღისით დაბლობში პლუს 5-დან 10 გრადუსამდე შუალედში იქნება.

2 მარტს შესაძლებელია მცირე წვიმა, 3–4 მარტს კი ზოგან ძლიერი ქარი დაუბერავს.

ქვეყნის უმეტეს ნაწილში 5 მარტიდან ამინდი გაუმჯობესდება და უფრო დათბება.

ჰაერის ტემპერატურა 1–4 მარტს 8–10 გრადუსს მიაღწევს, 5 მარტს კი უფრო მოიმატებს.

101
თემები:
ამინდი საქართველოში
თბილისი

როგორი ამინდი იქნება თბილისში ოთხშაბათს, 3 მარტს

34
(განახლებულია 10:54 01.03.2021)
გაზაფხულის პირველი დღეები დედაქალაქში ყინვის გარეშე ჩაივლის. დღისით ტემპერატურა 10 გრადუსს მიაღწევს.

თბილისი, 1 მარტი – Sputnik. სინოპტიკოსების პროგნოზით თბილისში ოთხშაბათს, 3 მარტს უპირატესად მზიანი ამინდია მოსალოდნელი.

ჰაერის ტემპერატურა ღამით პლუს 1 გრადუსი, ხოლო დღისით 10 გრადუსი იქნება.

მზე 07:33 საათზე ამოვა და 18:53 საათზე ჩავა.

34
თემები:
ამინდის ზუსტი პროგნოზი თბილისში (629)
 შოუ The Voice Georgia

„ვიცე-მის საქართველო“, მძიმე როკი და რესტორნის მომღერლები: რა მოამზადა ქართულმა „ვოისმა“

0
(განახლებულია 22:21 01.03.2021)
პროექტში The Voice of Georgia თავი მოიყარეს ყველაზე, ყველაზე გამორჩეულებმა - მოდელებმა, ქუჩის მუსიკოსებმა, რესტორნის მომღერლებმა და უბრალოდ სიმღერის მოყვარულებმა

შაბათს ვოკალური ტელეპროექტის The Voice of Georgia სეზონის მეორე გამოშვება - ბრმა მოსმენების ეტაპი გაიმართა. Sputnik-საქართველო მკითხველს ყველაზე გამორჩეულ კონკურსანტებსა და ნომრებს აცნობს.

სანდრო ლაშხი

სანდრო ლაშხი 20 წლის სტუდენტი და ქუჩის მუსიკოსია სასიამოვნო ხრინწიანი ხმით. მუსიკა ლაშხის ერთადერთი გატაცება არ არის. ის დროს უთმობს ფოტოგრაფიასა და ხატვას, განსაკუთრებით კი მოტოციკლეტები უყვარს.

სანდრომ შეასრულა ჯგუფის The Animals სიმღერა The house of rising sun. დაიწყო დაბალი ტონალობით, შემდეგ კი ზედა რეგისტრში გადავიდა. იგი მძიმე და კლასიკური როკის თაყვანისმცემელია. სანდრომ ნიკა რაჭველი და სალიო შემოაბრუნა, არჩევანი კი სალიოს გუნდზე შეაჩერა. 

მარიამ დოკვაძე

ოცდასამი წლის მარიამ დოკვაძე რუსთავიდანაა. გოგონას დედის თქმით, იგი ბავშვობიდან გამოირჩეოდა სრულყოფილი სმენით, ამიტომ გადაწყვიტეს მუსიკალურ სკოლაში მიყვანა. მარიამმა იქ მხოლოდ რამდენიმე წელი იარა, ამიტომ მიაჩნია, რომ თვითნასწავლია. 18 წლის ასაკში მარიამმა შექმნა ბენდი, რომელთან ერთადაც რესტორნებში გამოდიოდა.

პროექტისთვის დოკვაძემ შეარჩია არეტა ფრანკლინის სიმღერა Respect. გოგონამ ენერგიითა და ძლიერი ვოკალით თავიდანვე დაიმსახურა სტეფანესა და სალიოს მოწონება. მან სტეფანეს გუნდი აირჩია.

ლარა იანი

ამ გამოშვების ერთ-ერთი ყველაზე მომხიბვლელი მონაწილე თბილისელი 28 წლის ლარა იანი იყო. 2017 წელს ლარა მონაწილეობდა სილამაზის კონკურსში „მის მსოფლიო“, როგორც „ვიცე-მის საქართველო“, 2020 წელს კი მოსკოვში გაემგზავრა, სადაც 2020 წლის პირველი „ვიცე-მის ოფისი“ გახდა.

გოგონამ შეასრულა ბიონსეს სიმღერა Runnin. მსმენელი და მეგობარი ბიჭი ამაოდ ელოდნენ, რომ მისკენ ჟიურის რომელიმე წევრი შემობრუნდებოდა, თუმცა სიმღერის დასრულების შემდეგ, გოგონას დანახვისას, სტეფანემ ის კომპლიმენტებით აავსო.

სალომე ხუჯაძე

18 წლის თბილისელი სალომე ხუჯაძე ბავშვობიდან გატაცებულია სიმღერით. გოგონა საკმაოდ თავდაჯერებულია და გამოსვლამდე თითქმის არ ღელავდა, მიუხედავად იმისა, რომ ეს მისი პირველი პროექტია. ხუჯაძემ შეასრულა ჯენიფერ ჰადსონის სიმღერა I'm changing.

მან ხმის ტემბრით ჟიურის სამი წევრი მოხიბლა - სტეფანე, ნიკა რაჭველი და სალიო. არჩევანი კი მაესტრო რაჭველის გუნდზე შეაჩერა.

კატო ვერხვიაშვილი

31 წლის კატო თბილისში ცხოვრობს. დაიბადა მუსიკალურ ოჯახში, მაგრამ ძალები სპორტშიც აქვს მოსინჯული. ამჟამად მუსიკის გარდა ფოტოგრაფიითაა გატაცებული. პროექტ „ვოისის“ სცენაზე თავისი პირველი გამოსვლა კატომ მიუძღვნა მამას, რომელიც სამი თვის წინ გარდაიცვალა.

კატომ ტომ ჟობიმის სიმღერის Meditation პირველივე ნოტებიდან მიიქცია ყურადღება. სტეფანემ მომღერალი შეაფასა, როგორც ძალიან ალტერნატიული. ამასობაში მისკენ სალიო შემობრუნდა, რომელიც კატოს ნამღერმა ისე აღაფრთოვანა, რომ ჟიურის დანარჩენი წევრების ღილაკებსაც თავად დააჭირა ხელი. საბოლოოდ მომღერალი ნიაზ დიასამიძის გუნდში მოხვდა.

The Voice of Georgia - არის სატელევიზიო ვოკალური შოუ. 2012 წლიდან კონკურსი „იმედის“ არხზე გადიოდა, ამჟამად კი „პირველი არხით“ გადაიცემა.

ადრე მას ეწოდებოდა „ახალი ხმა“. პირველი ორი სეზონის გამარჯვებულები გახდნენ სალომე ქათამაძე და მარიამ ჩაჩხიანი. პროექტი არის ორიგინალური ფორმატის The Voice ქართული ანალოგი. პროექტი 2010 წელს ჰოლანდიურ ტელევიზიაში RTL4 გამოჩნდა, როგორც The Voice of Holland.

0