წვიმა, თოვლი და  ქარბუქი: საქართველოში ამინდი გაუარესდება

© Sputnik / Alex Shlamovმოღრუბლულობა
მოღრუბლულობა - Sputnik საქართველო
გამოწერა
უახლოეს დღეებში საქართველოს მთელს ტერიტორიაზე სინოპტიკოსები ამინდის გაუარესებას ვარაუდობენ. მათი პროგნოზით, მოსალოდნელია წვიმა, თოვლი, ნისლი და ქარბუქი

თბილისი, 15 დეკემბერი – Sputnik. საქართველოს მთელს ტერიტორიაზე  უახლოეს დღეებში ამინდი გაუარესდება. დასავლეთ საქართველოში წვიმა, ზღვაზე ღელვა, ხოლო მაღალმთაში თოვლია ნავარაუდევი, იუწყება გარემოს ეროვნული სააგენტო.

„16-17 დეკემბერს საქართველოში (ძირითადად ქვეყნის დასავლეთ ნაწილში) მოსალოდნელია წვიმა, მაღალმთაში თოვლი, ზოგან ძლიერი, შესაძლებელია ნისლი და ქარბუქი, ზღვაზე 2-3 ბალიანი ღელვა“, - ნათქვამია სააგენტოს მიერ გავრცელებულ ინფორმაციაში.

უწყების ცნობით, მოსალოდნელმა ძლიერმა ნალექებმა შესაძლებელია მთიან ზონებში ზვავების ფორმირება და მეწყრული პროცესების ჩასახვა-გააქტიურება გამოიწვიოს.

ყველა ახალი ამბავი
0