ბაკურიანი

როდის მოთოვს პირველად საქართველოში? სინოპტიკოსების პროგნოზი

206
(განახლებულია 19:58 03.11.2020)
ამ კვირის ბოლოს საქართველოში შედარებით ცივი და ნოტიო ჰაერის მასები გავრცელდება, მაღალ მთაში კი თოვლია მოსალოდნელი.

თბილისი, 3 ნოემბერი – Sputnik. საქართველოში ღრუბლიანი ამინდი შენარჩუნდება. სინოპტიკოსები ნალექსა და ტემპერატურის კლებას პროგნოზირებენ, ნათქვამია გარემოს ეროვნული სააგენტოს განცხადებაში.

„3-5 ნოემბერს საქართველოს ზოგიერთ რაიონში შენარჩუნებული იქნება ნალექიანი ამინდი. ჰაერის ტემპერატურა 3-5 ნოემბერს დასავლეთ საქართველოს დაბლობში +20, +25, აღმოსავლეთ საქართველოს ბარში კი +16, +21 გრადუსი იქნება“, – ნათქვამია განცხადებაში.

სინოპტიკოსები აღნიშნავენ, რომ ამ კვირის ბოლოს საქართველოში შედარებით ცივი და ნოტიო ჰაერის მასები გავრცელდება, იწვიმებს, ხოლო მაღალ მთაში მოთოვს. ჰაერის ტემპერატურა 4–5 გრადუსით დაიკლებს.

თბილისში ასევე მოსალოდნელია მცირე წვიმა. ჰაერის ტემპერატურა 3-5 ნოემბერს პლუს 18–20, ხოლო 6 ნოემბერს პლუს 15–17 გრადუსი იქნება.

206
თემები:
ამინდი საქართველოში (448)
თბილისი

როგორი ამინდი იქნება თბილისში ოთხშაბათს, 2 დეკემბერს

22
(განახლებულია 14:14 30.11.2020)
ოთხშაბათს საქართველოს დედაქალაქში მზიანი და უნალექო ამინდია მოსალოდნელი, ტემპერატურა 10 გრადუსს მიაღწევს.

თბილისი, 30 ნოემბერი – Sputnik. სინოპტიკოსები ოთხშაბათს, 2 დეკემბერს თბილისში უნალექო და მზიან ამინდს პროგნოზირებენ.

ჰაერის მინიმალური ტემპერატურა დაფიქსირდება ღამით – პლუს 2–3 გრადუსი, ხოლო დღისით ჰაერი 9–10 გრადუსამდე გათბება.

მზე 08:09 საათზე ამოვა და 17:30 საათზე ჩავა.

22
თემები:
ამინდის ზუსტი პროგნოზი თბილისში
მოღრუბლული ამინდი თბილისში

ამინდის ზუსტი პროგნოზი თბილისში 1 დეკემბერს

109
ზამთარი დაიწყება საქართველოს დედაქალაქში მოღრუბლულობით, ზოგან წვიმით, სამშაბათს ჰაერის მაქსიმალური ტემპერატურა პლუს 6-7 გრადუსი იქნება.

თბილისი, 29 ნოემბერი – Sputnik. თბილისში ზამთრის პირველ დღეს სინოპტიკოსები ცვალებად მოღრუბლულობას, დროგამოშვებით კი წვიმას გვპირდებიან.

მზე 08:08 საათზე ამოვა და 17:31 საათზე ჩავა.

ჰაერის მინიმალური ტემპერატურა ღამით პლუს 2-3, დღისით მაქსიმალური კი პლუს 6-7 გრადუსი იქნება.

ქარის სიჩქარე წამში 5 მეტრს არ გადააჭარბებს.

109
თემები:
ამინდის ზუსტი პროგნოზი თბილისში
რუსული ვაქცინა  Спутник V

ევროპაში განმარტეს, რა შემთხვევაში გამოიყენებენ COVID-19-ის საწინააღმდეგო რუსულ ვაქცინას

0
ევროკომისიაში მიაჩნიათ, რომ ყველა ვაქცინა, რომელსაც ევროპის მოქალაქეებს სთავაზობენ, ევროპის წამლის სააგენტოს მიერ უნდა იყოს დამტკიცებული

თბილისი, 30 ნოემბერი - Sputnik. ევროკომისიის წარმომადგენელმა განაცხადა, რომ უნგრეთის ხელისუფლების გადაწყვეტილება, გამოიყენოს COVID-19-ის საწინააღმდეგო რუსული ვაქცინა, მთელ ევროკავშირზე არ გავრცელდება. იუწყება РИА Новости.

რუსეთის მრეწველობისა და ვაჭრობის მინისტრმა დენის მანტუროვმა 13 ნოემბერს უნგრეთის საგარეო საქმეთა მინისტრ პეტერ სიიარტოსთან რუსული ვაქცინის უნგრეთში წარმოების საკითხი განიხილა. სიიარტომ 27 ნოემბერს განაცხადა, რომ ქვეყანაში „სპუტნიკ  V“-ის მცირე პარტიების მიწოდება დეკემბერში დაიწყებოდა, უფრო მსხვილი პარტიებისა კი - იანვარში.

„ევროკომისიაში მიაჩნიათ, რომ ყველა ვაქცინა, რომელსაც ევროპის მოქალაქეებს სთავაზობენ, უმჯობესია ევროპის წამლის სააგენტოს მიერ იყოს დამტკიცებული. თუმცა სასწრაფო პროცედურის ფარგლებში, სახელმწიფოს შეუძლია საკუთარი ქვეყნის ტერიტორიაზე ვაქცინის გამოყენება და თავის მოქალაქეთა შორის მისი გავრცელება დაუშვას. მაგრამ ჩვენ ვაქცინის საკითხებში მაქსიმალური გამჭვირვალობის მომხრე ვართ“, - განაცხადა ევროკავშირის წარმომადგენელმა.

ევროკომისიაში განმარტეს, რომ სახელმწიფო თავადაა პასუხისმგებელი სასწრაფო წესით მიღებულ გადაწყვეტილებაზე.

„თუ ვაქცინის გამოყენება ნებადართულია უნგრეთის ხელისუფლების მიერ, მაშინ საუბარია მის გამოყენებაზე მხოლოდ უნგრეთის ტერიტორიაზე“, - დაასკვნა ევროკომისიის წარმომადგენელმა.

ევროპის წამლის სააგენტომ (ЕМА) 26 ნოემბერს დაადასტურა კონტაქტები „სპუტნიკ  V“-ის მწარმოებელთან და აღნიშნა, რომ რთულია წინასწარ იმის გათვლა, რამდენ ხანში იქნება დამტკიცებული ასეთი პრეპარატები. ამავდროულად სააგენტოში განაცხადეს, რომ ევროკომისიაში აგროვებენ რესურსს ამ პროცესების დასაჩქარებლად და COVID-19-ის საწინააღმდეგო ვაქცინის შესწავლისა და ნებართვის გაცემის ვადების შესამცირებლად.

ევროკომისიის წარმომადგენელმა ხაზგასმით აღნიშნა ასევე, რომ სააგენტოს ჯერ არ მიუღია განაცხადი ევროპულ ბაზარზე რუსული ვაქცინის გაყიდვის ნებართვის მიღებაზე. მანასევე დასძინა, რომ  მონაცემებს აღნიშნულ პრეპარატზე ჯერ არც ევროკომისია არ ფლობს.

0
თემები:
COVID-19-ის პანდემია მსოფლიოში