თბილისი

როგორი ამინდი იქნება თბილისში პარასკევს, 30 ოქტომბერს

64
(განახლებულია 15:41 28.10.2020)
პარასკევს დედაქალაქში თბილი, მზიანი და უნალექო ამინდი იქნება. სინოპტიკოსების პროგნოზით, ჰაერი 24 გრადუსამდე გათბება.

თბილისი, 28 ოქტომბერი – Sputnik. თბილისში პარასკევს, 30 ოქტომბერს უპირატესად უნალექო და მზიანი ამინდია მოსალოდნელი.

მინიმალური ტემპერატურა – პლუს 9 გრადუსი დაფიქსირდება ღამით, ხოლო დღისით ჰაერი +24 გრადუსამდე გათბება.

ქარი წამში 8–13 მეტრი სიჩქარით დაუბერავს.

მზე 07:31 საათზე ამოვა და 17:57 საათზე ჩავა.

64
თემები:
ამინდის ზუსტი პროგნოზი თბილისში (689)
სეტყვა

ძლიერი სეტყვა და წვიმა: სტიქიამ  დედოფლისწყარო დააზარალა

107
ჯერჯერობით უცნობია, რა ზიანი მიაყენა სტიქიამ რაიონს. ზარალის ოდენობას სპეციალურად შექმნილი კომისია დაადგენს.

თბილისი, 11 ივნისი – Sputnik. ძლიერმა  სეტყვამ კახეთის რეგიონში პრობლემები შექმნა, იუწყება ტელეკომპანია „პირველი არხი“.

ძლიერმა სეტყვამ, რომელიც ათ წუთზე მეტხანს გრძელდებოდა, დედოფლისწყაროს რაიონი დააზარალა. განადგურებულია ერთწლოვანი ბოსტნეული კულტურები.

როგორც დედოფლისწყაროს მერმა ნიკა ჯანიაშვილმა განაცხადა, სეტყვამ მხოლოდ ქალაქის ტერიტორიაზე არსებული საკარმიდამო ნაკვეთები დააზიანა.

„ძირითადად სეტყვამ ქალაქს გადაუარა, თუმცა სახლების დატბორვის ან სასოფლო-სამეურნეო სავარგულების განადგურების შესახებ ინფორმაცია არ შემოსულა. შეიძლება ითქვას, რომ ამ ეტაპზე ძირითადი მოსავალი გადარჩა“, – ჯანიაშვილმა.

დღის განმავლობაში, კახეთის რეგიონის რამდენიმე მუნიციპალიტეტში გადაუღებლად წვიმს.

ბოლო ათი დღის განმავლობაში ძლიერმა ქარმა და სეტყვამ კახეთის სოფლები წინანდალი, ვანთა, ბუშეტი და ქვემო ხოდაშენი დააზარალა. სტიქიის შედეგად განადგურდა ვენახები, ხეხილი, ბოსტნეული და ბაღჩეული კულტურები. როგორც ადგილობრივი მოსახლეობა აცხადებს, შესაძლოა წელს ყურძნის მოსავლის გარეშე დარჩნენ.

107
თემები:
უამინდობა საქართველოში
ღრუბლები მცხეთის თავზე

საქართველოში ამინდი მკვეთრად გაუარესდება

156
(განახლებულია 22:52 08.06.2021)
უხვმა ნალექმა შესაძლოა მცირე ზომის მდინარეებში წყლის დონის მატება გამოიწვიოს, ხოლო მთებში შესაძლებელია მეწყრული პროცესების გააქტიურება.

თბილისი, 8 ივნისი – Sputnik. სინოპტიკოსები უახლოეს დღეებში საქართველოს ტერიტორიაზე ამინდის გაუარესებას პროგნოზირებენ.

გარემოს ეროვნული სააგენტოს ინფორმაციით, ოთხშაბათს, 9 ივნისს დღის მეორე ნახევრიდან პარასკევის, 11 ივნისის დღის ბოლომდე აღმოსავლეთ საქართველოში მოსალოდნელია დროგამოშვებით წვიმა ელჭექით, ზოგან ძლიერი. შესაძლებელია სეტყვა და ქარის გაძლიერება.

ჰაერის ტემპერატურა აღმოსავლეთ საქართველოში ღამით პლუს 11 გრადუსი იქნება, ხოლო დღისით 29 გრადუსამდე გათბება. დასავლეთ საქართველოში ღამე მოსალოდნელია პლუს 12 გრადუსი, ხოლო დღისით 27 გრადუსი იქნება.

სინოპტიკები ვარაუდობენ, რომ ძლიერი ნალექის შედეგად პატარა მდინარეებზე შესაძლებელია წყალმოვარდნები, ხოლო ქვეყნის მთიან ზონებში არ არის გამორიცხული მეწყრული პროცესების გააქტიურება.

156

მოულოდნელი ხიფათი: ბაიკერი ცოცხლად დაწვას გადაურჩა - ვიდეო

0
(განახლებულია 23:31 12.06.2021)
ქუჩის სათვალთვალო კამერამ ავტოსაგზაო შემთხვევა დააფიქსირა, რა დროსაც ბაიკერი ცოცხლად დაწვას გადაურჩა. იხილეთ კადრები შემთხვევის ადგილიდან  

ვოლგოგრადის ტრასაზე  საკმაოდ დაბალი სისწრაფით მოძრავმა ბაიკერმა მოულოდნელად კონტროლი დაკარგა, გზაზე მოსრიალდა და გადაყირავდა. ვარდნა აშკარად არ იყო მძიმე და ახალგაზრდა არც დაშავდებოდა, რომ არა მოტოციკლისთვის მოულოდნელად გაჩენილი ცეცხლი, რომელიც მყისიერად გადაედო ბაიკერსაც.

მან ჯერ თავად სცადა ტანსაცმელზე წაკიდებული ცეცხლის ჩაქრობა, მაგრამ არაფერი გამოუვიდა. ბაიკერის საბედნიეროდ, გამვლელებმა მანქანები გააჩერეს და ახალგაზრდა კაცს დახმარება აღმოუჩინეს.   

 

0