დამსვენებლები შავ ზღვაზე

შავ ზღვაში ბანაობისგან თავი შეიკავეთ - გამოცხადებულია შტორმი

120
(განახლებულია 19:46 07.09.2020)
საქართველოს შავი ზღვის სანაპიროზე გამოცხადებულია შტორმი - ყველა სამაშველო კოშკურაზე აღმართულია წითელი ალამი

თბილისი, 7 სექტემბერი – Sputnik. საქართველოს შავი ზღვის სანაპიროზე 7 სექტემბერს გამოცხადებულია შტორმი - ზღვაზე 3-4 ბალიანი ღელვაა.

როგორც საგანგებო სიტუაციების მართვის სამსახური იუწყება, ზღვაში შესვლა აკრძალულია - ყველა სამაშველო კოშკურაზე აღმართულია წითელი ალამი, რაც ზღვაში შესვლის აკრძალვის დროებითი მანიშნებელია.

„გთხოვთ დაიცვათ უსაფრთხოების წესები ყურადღება მიაქციოთ ამკრძალავ ნიშნებს და დაემორჩილოთ მაშველების მითითებებს. არ შეხვიდეთ წყალში არაფხიზელ მდგომარეობაში ან ნაბახუსევზე; დაუშვებელია ბავშვების და მოზარდების უყურადღებოდ დატოვება სანაპიროს ზოლსა და წყალში“, - აფრთხილებს დამსვენებლებს სამაშველო სამსახური.

შტორმის ჩადგომის შემდეგ, როდესაც წყალში შესვლა ნებადართული იქნება, სანაპირო ზოლზე თეთრი ალმები აღიმართება.

120
თემები:
უამინდობა საქართველოში (309)

თოვლი და ლიპყინული თბილისის გზებზე: მძღოლებს სიფრთხილე მართებთ - ვიდეო

29
თბილისის ქუჩები თოვლით დაიფარა, დაბალი ტემპერატურის გამო კი გზები მოიყინა. იხილეთ Sputnik-საქართველოს ვიდეოში, როგორ გამოიყურებოდა დედაქალაქის ერთ-ერთი ქუჩა ღამით

მძღოლებს ასეთ ამინდში მაქსიმალური სიფრთხილე მართებთ. ლიპყინული და თოვლი გამოცდილი მძღოლებისთვისაც კი საშიშია, საქართველოში კი ზამთრის საბურავებს დიდი ნაწილი არ იყენებს და მთელი წლის განმავლობაში ზაფხულის საბურავებით გადაადგილდება.

ამიტომ ოთხშაბათს საღამოს ქალაქის სხვადასხვა წერტილებში უამრავი ავარია მოხდა. ღამით თბილისში -6 გრადუსი იქნება, ხოლო დღისით 0 - +1, მოსალოდნელია თოვაც. კვირის ბოლოს კი კარგი ამინდია მოსალოდნელი.

 

29
ქარისგან წაქცეული ხე მანქანას დაეცა

ძლიერი ქარი თბილისში: სტიქიამ რამდენიმე უბანი დააზარალა

157
(განახლებულია 21:01 23.02.2021)
ძლიერმა ქარმა თბილისის სხვადასხვა რაიონში ძირითადად ხეებისა და ტოტების მტვრევა გამოიწვია. სტიქიამ ასევე რამდენიმე საცხოვრებელი კორპუსიც დააზიანა.

თბილისი, 23 თებერვალი – Sputnik. თბილისის სხვადასხვა რაიონში ძლიერმა ქარმა გარკვეული პრობლემები შექმნა. სტიქიამ განსაკუთრებით საბურთალოს, გლდანისა და ნაძალადევის რაიონები დააზარალა. ინფორმაციას დედაქალაქის მერია ავრცელებს.

უწყების ცნობით, დედაქალაქში ძლიერი ქარის გამო ძირითადად ხეების წაქცევის, ტოტების მტვრევისა და სახლების სახურავების გადახდის შემთხვევები დაფიქსირდა. ასევე ადგილი ჰქონდა მშენებარე კორპუსიდან ფანჯრის ჩამოვარდნის შემთხვევას, ერთ მისამართზე კი ქარმა საცხოვრებელი სახლის კედელი ჩამოანგრია.

თბილისში შექმნილი რთული მეტეოროლოგიური მდგომარეობის გამო, ზარალის აღმოფხვრისა და შესაბამისი ღონისძიებების გატარების მიზნით, მერიის შესაბამისის სამსახურები საგანგებო რეჟიმში მუშაობენ.

„ათივე რაიონში გამგეობების თანამშრომლები შემთხვევის ადგილებზე იმყოფებიან და მიმდინარეობს ქარისგან მიყენებული ზარალის დათვლა. ასევე „ეკოსერვის ჯგუფის“ თანამშრომლები ტერიტორიას ჩახერგილი ხეებისგან წმენდენ“, – ნათქვამია ინფორმაციაში.

მერიაში აცხადებენ, რომ დედაქალაქის გამგეობები მზად არიან, დაზარალებულ ოჯახებს შესაძლებლობების ფარგლებში შესაბამისი დახმარება აღმოუჩინონ.

თოვლი, ქარბუქი, ნისლი – სინოპტიკოსები ამინდის მკვეთრ გაუარესებას პროგნოზირებენ>>

როგორც განცხადებაში წერია, ძლიერის ქარის გამო აღმაშენებლის ხეივანზე დაზიანდა საქართველოს სახელმწიფო დროშაც, რომელიც მერიის შესაბამისმა სამსახურმა დროულად აღადგინა.

157
თემები:
უამინდობა საქართველოში (309)