თბილისი, 10 აგვისტო – Sputnik. საქართველოში 10 აგვისტოდან ამინდი შესამჩნევად გაუარესდება – უახლოეს დღეებში მოსალოდნელია წვიმები და ტემპერატურის შემცირება, ნათქვამია გარემოს ეროვნული სააგენტოს განცხადებაში.
„10 აგვისტოს, დღის მეორე ნახევრიდან გაწვიმდება და 15 აგვისტომდე დროგამოშვებით წვიმიანი ამინდია მოსალოდნელი“, – ნათქვამია განცხადებაში.
ამ პერიოდში ჰაერის ტემპერატურა დასავლეთ საქართველოში +24, +29, ხოლო აღმოსავლეთ საქართველოში +28, +33 გრადუსამდე დაიკლებს.
დედაქალაქში სიცხე 11 აგვისტომდე შენარჩუნდება, შემდეგ მოსალოდნელია ხანმოკლე წვიმები ელჭექით. ტემპერატურა 3–5 გრადუსით დაიკლებს.