თბილისი

როგორი ამინდი იქნება თბილისში შაბათს, 20 ივნისს

83
(განახლებულია 14:40 18.06.2020)
საქართველოს დედაქალაქში კვლავ ზაფხულის ცხელი ამინდი იქნება – ტემპერატურა დღისით 33 გრადუსამდე მოიმატებს.

თბილისი, 18 ივნისი – Sputnik. სინოპტიკოსების პროგნოზით, შაბათს, 20 ივნისს თბილისში მზიანი და უნალექო ამინდია მოსალოდნელი.

ტემპერატურა ღამით +19, ხოლო დღისით +33 გრადუსი იქნება.

ქარი 10–15 მეტრი წამში სიჩქარით დაუბერავს, ხოლო დროგამოშვებით 20–25 მეტრამდე გაძლიერდება.

მზე 05:26 საათზე ამოვა და 20:38 საათზე ჩავა.

83
თემები:
ამინდის ზუსტი პროგნოზი თბილისში (451)
თბილისი

ამინდის ზუსტი პროგნოზი თბილისში, 17 ივლისს

35
(განახლებულია 11:34 15.07.2020)
საქართველოს დედაქალაქში პარასკეგვს მზიანი ამინდია მოსალოდნელი – სინოპტიკოსები 31 გრადუსამდე სითბოს ვარაუდობენ.

თბილისი, 15 ივლისი — Sputnik. სინოპტიკოსები თბილისში პარასკევს, 17 ივლისს მზიან ამინდს პროგნოზირებენ, თუმცა, მოსალოდნელია ხანმოკლე წვიმა ელჭექით.

მზე 05:41 საათზე ამოვა და 20:32 საათზე ჩავა.

ჰაერის მინიმალური ტემპერატურა ღამით პლუს 22, დღისით მაქსიმალური კი პლუს 31 გრადუსია ნავარაუდევი.

ქარის სიჩქარე წამში 10-15 მეტრი იქნება.

35
თემები:
ამინდის ზუსტი პროგნოზი თბილისში (451)
თბილისი

ამინდის ზუსტი პროგოზი თბილისში, 16 ივლისს

67
(განახლებულია 15:47 14.07.2020)
საქართველოს დედაქალაქში ხუთშაბათს მზიანი ამინდია მოსალოდნელი – სინოპტიკოსები 30 გრადუსამდე სითბოს ვარაუდობენ.

თბილისი, 14 ივლისი — Sputnik. სინოპტიკოსები თბილისში ხუთშაბათს, 16 ივლისს მზიან ამინდს პროგნოზირებენ, თუმცა, მოსალოდნელია ხანმოკლე წვიმა ელჭექით.

მზე 05:40 საათზე ამოვა და 20:32 საათზე ჩავა.

ჰაერის მინიმალური ტემპერატურა ღამით პლუს 20, დღისით მაქსიმალური კი პლუს 30 გრადუსია ნავარაუდევი.

ქარის სიჩქარე წამში 10-15 მეტრი იქნება.

67
თემები:
ამინდის ზუსტი პროგნოზი თბილისში (451)
ტოკიო

ფუკუშიმის შედეგი: პლუტონიუმის ნაწილაკები მთელს იაპონიაშია აღმოჩენილი

0
(განახლებულია 15:33 15.07.2020)
ფუკუშიმას ატომურ ელექტროსადგურზე მომხდარი აფეთქებიდან ცხრა წლის შემდეგ რეაქტორების მასალა მიკროსკოპულ რადიოაქტიულ ნაწილაკებად დაიშალა, ქარმა კი ის მთელი ქვეყნის მასშტაბით მიმოფანტა. 

თბილისი, 15 ივლისი — Sputnik. ფუკუშიმა-1-ის ატომური ელექტროსადგურის  ბირთვული საწვავის შემადგენლობაში შემავალი პლუტონიუმის ნაწილაკები, სადაც 2011 წელს კატასტროფა მოხდა, დღემდე გარემოში რჩება, ასკვნიან ექვსი ქვეყნის მეცნიერები, რომელთა კვლევის შედეგები ჟურნალ Science of the Total Environment-ში არის  გამოქვეყნებული.

ეკოლოგებმა და ქიმიკოსებმა ადრევე აღნიშნეს, რომ მასალა, რომელიც ავარიის შემდეგ ატმოსფეროში, ნიადაგსა და ზღვის წყალში მოხვდა, პლუტონიუმის კვალს შეიცავდა, მაგრამ მისი ფიზიკური, ქიმიური და იზოტოპური ფორმები უცნობი რჩებოდა.

ახლა კი იაპონელი, ფინელი, ფრანგი, შვეიცარიელი, ინგლისელი და ამერიკელი მეცნიერების მიერ ჩატარებული ახალი კვლევის შედეგებმა ცხადყო, რომ პლუტონიუმის ოქსიდების ნანოზომის ჩანართები ცეზიუმით მდიდარ მიკრონაწილაკებს (CsMP) შეიცავს.

ბირთვული საწვავი რეაქტორის შიგნით წვის შემდეგ  სტრუქტურულ ბეტონთან ურთიერთქმედებაში შევიდა. აფეთქების დროს მასალა მიკროსკოპულ რადიოაქტიურ ნაწილაკებად დაიშალა, რომელიც ქარმა მთელ იაპონიაში მიმოფანტა.

აღმოჩნდა, რომ CsMP ძალიან რადიოაქტიურია და ძირითადად ბეტონის სილიციუმის შუშისა და რადიოაქტიური ცეზიუმისგან (სწრაფად აქროლადი დაშლის პროდუქტი) შედგება. ისინი რეაქტორებში საწვავის წვის დროს წარმოიქმნება.

მეცნიერებმა მიკრონაწილაკების ქიმიური შემადგენლობა მოწინავე ანალიტიკური მეთოდების კომბინაციის გამოყენებით შეისწავლეს.

„შედეგები დამაჯერებლად ცხადყოფს, რომ ნანოზომის არაერთგვაროვნება, ჰეტეროგენობა, რომელიც ნორმალური ბირთვული საწვავისთვისაა დამახასიათებელი, საწვავის ნარჩენებში კვლავ არსებობს, რომელიც დაზიანებული რეაქტორების შიგნით რჩება“, — აღნიშნა კვლევის ხელმძღვანელმა, იაპონიის კიუსიუს უნივერსიტეტის დოქტორმა სატოში უცუნომიამ.

მეცნიერის თქმით, ამ ინფორმაციით შესაძლებელია დაზიანებული რეაქტორის დნობის ხარისხის დადგენა, რაც ენერგეტიკოსებს საშუალებას მისცემს, დროულად გაიყვანონ ისინი ექსპლუატაციიდან და სწორად მიუდგნენ ნარჩენებს.

მკვლევარები აპირებენ, განაგრძონ CsMP-ის მიკრონაწილაკების შესწავლა, რათა უკეთ გაიგონ მათი გრძელვადიანი ქცევა და გარემოზე გავლენა.

შეგახსენებთ: 2011 წლის 11 მარტის დამანგრეველი მიწისძვრისა და ცუნამის შედეგად, იაპონიის ჩრდილო-აღმოსავლეთით მდებარე ატომურ ელექტროსადგურ „ფუკუშიმა-1–ზე“  აფეთქებების სერია დაფიქსირდა, რაც გაგრილების სისტემის დაზიანებამ გამოიწვია. მთავრობამ მოსახლეობა ატომური ელექტროსადგურის ირგვლივ 20 კილომეტრიანი ზონიდან გაიყვანა და, ჩერნობილის მსგავსად, საშიშროების მაქსიმალური დონე გამოაცხადა. მოგვიანებით გავრცელდა ინფორმაცია, რომ ფუკუშიმას პრეფექტურის დაბინძურებულ ნიადაგს 30 წლის განმავლობაში გაანადგურებდნენ.

0
თემები:
მსოფლიო დღეს