ზაფხული თბილისში

გაუსაძლისი სიცხე და პლუს 40 გრადუსი: სინოპტიკოსების პროგნოზი

150
(განახლებულია 20:25 08.06.2020)
აღმოსავლეთ საქართველოში ნალექების რაოდენობა საშუალო მრავალწლიურ რაოდენობაზე ნაკლები, ხოლო დასავლეთ საქართველოში ნორმის ფარგლებში იქნება, ამბობენ სააგენტოში.

თბილისი, 8 ივნისი – Sputnik. საქართველოში ცხელი და უნალექო ზაფხულია მოსალოდნელი – ქვეყნის მთელ ტერიტორიაზე ჰაერის ტემპერატურა ზაფხულის პერიოდში ნორმაზე 1–2 გრადუსით მაღალი იქნება, ნათქვამია გარემოს დაცვის ეროვნული სააგენტოს განცხადებაში.

სინოპტიკოსების პროგნოზით, მთელი ზაფხულის მანძილზე საქართველოს დაბლობში საშუალოდ 37–40 გრადუსი, მაღალ მთაში კი 32–35 გრადუსამდე სითბოა ნავარაუდევი.

2020 წლის ზაფხულში ხმელთაშუა ზღვის სანაპიროზე, აღმოსავლეთ ევროპის და კავკასიის რეგიონებზე ზაფხულის ამინდის ფორმირებაზე დომინანტურ როლს წყნარ, ატლანტის და ინდოეთის ოკეანეებში მიმდინარე და მოსალოდნელი პროცესები ასრულებს.

აღმოსავლეთ საქართველოში ნალექების რაოდენობა საშუალო მრავალწლიურ რაოდენობაზე ნაკლები, ხოლო დასავლეთ საქართველოში ნორმის ფარგლებში იქნება, ნათქვამია სააგენტოს ინფორმაციაში.

150
თემები:
ამინდი საქართველოში (416)
მთები გუდაურთან

დაგეგმეთ დასვენება აგვისტოში: როგორ ამინდს გვპირდებიან სინოპტიკოსები უახლოეს დღეებში

59
(განახლებულია 12:05 10.08.2020)
საქართველოში უახლოეს დღეებში შედარებით აგრილდება – სინოპტიკოსები ტემპერატურის 3–5 გრადუსით შემცირებას ვარაუდობენ, დროგამოშვებით იწვიმებს

თბილისი, 10 აგვისტო - Sputnik. საქართველოში 10 აგვისტოდან ამინდი შესამჩნევად გაუარესდება – უახლოეს დღეებში მოსალოდნელია წვიმები და ტემპერატურის შემცირება, ნათქვამია გარემოს ეროვნული სააგენტოს განცხადებაში.

„10 აგვისტოს, დღის მეორე ნახევრიდან გაწვიმდება და 15 აგვისტომდე დროგამოშვებით წვიმიანი ამინდია მოსალოდნელი“, – ნათქვამია განცხადებაში.

ამ პერიოდში ჰაერის ტემპერატურა დასავლეთ საქართველოში +24, +29, ხოლო აღმოსავლეთ საქართველოში +28, +33 გრადუსამდე დაიკლებს.

დედაქალაქში სიცხე 11 აგვისტომდე შენარჩუნდება, შემდეგ მოსალოდნელია ხანმოკლე წვიმები ელჭექით. ტემპერატურა 3–5 გრადუსით დაიკლებს.

59
თემები:
ამინდი საქართველოში (416)
თბილისი

როგორი ამინდი იქნება თბილისში 12 აგვისტოს

56
(განახლებულია 14:44 10.08.2020)
დედაქალაქში ოთხშაბათს ძირითადად მზიანი ამინდი იქნება, მაგრამ მოსალოდნელია წვიმაც. დღისით ჰაერი 32 გრადუსამდე მოიმატებს.

თბილისი, 10 აგვისტო – Sputnik. სინოპტიკოსების პროგნოზით თბილისში ოთხშაბათს, 12 აგვისტოს უპირატესად მზიანი ამინდია მოსალოდნელი, თუმცა შესაძლებელია ხანმოკლე წვიმა ელჭექით.

ჰაერის ტემპერატურა ღამით იქნება +22, ხოლო დღისით +32 გრადუსი.

ქარი 10–15 მეტრი/წამში სიჩქარით დაუბერავს.

მზე 06:06 საათზე ამოვა და 20:04 საათზე ჩავა.

56
თემები:
ამინდის ზუსტი პროგნოზი თბილისში
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0