ყვარელში მდინარეების ადიდების შედეგად ვენახები დაიტბორა

© photo: Sputnikწვიმა
წვიმა - Sputnik საქართველო
გამოწერა
საქართველოში რამდენიმე დღეა გადაუდებლად წვიმს. ლაგოდეხსა და ყვარელში მდინარეების ადიდების შედეგად სახნავ-სათესი მიწები და ვენახები დაიტბორა

თბილისი, 10 მაისი - Sputnik. ყვარელში მდინარეების ადიდების შედეგად სახნავ-სათესი მიწები და ვენახები დაიტბორა, იუწყება პირველი არხი.

თბილისი - Sputnik საქართველო
სეტყვა და წვიმა – საქართველოში ცუდი ამინდი 11 მაისამდე შენარჩუნდება

ყვარელში გადაუდებელი წვიმის შედეგად მდინარეები დურუჯი და შოროხევი ადიდდა. სოფელ ბალღოჯიანსა და ახალსოფელში მდინარე შოროხევმა გაარღვია ნაპირი, რის შემდეგადაც დაიტბორა სასოფლო სამეურნეო სავარგულები და მესაქონლეობის ფერმები.

ყვარლის მერიაში აცხადებენ, რომ ადიდებული მდინარე დურუჯი ყვარლის ტერიტორიაზე არსებულ ვენახებსაც უქმნის საფრთხეს. ამ დროისთვის უკვე დატბორილია ვენახების გარკვეული ტერიტორია.

მდინარეების კალაპოტის გასამაგრებლად მიმდინარეობს მძიმე ტექნიკის მობილიზება.

წყალდიდობაა ლაგოდეხის მუნიციპალიტეტშიც. სტიქიის შედეგად მუნიციპალიტეტის რვა სოფელი – გურგენიანი, ცოდნისკარი, ვარდისუბანი, კართუბანი, გიორგეთი, აფენი, ჭაბუკიანი და ლელიანი დაიტბორა.

ყველა ახალი ამბავი
0