მაღალმთიან აჭარაში დიდთოვლობის გამო სასწავლო პროცესი შეწყდა

© Sputnik / STRINGERდიდთოვლობა აჭარაში
დიდთოვლობა აჭარაში - Sputnik საქართველო
გამოწერა
მაღალმთიან აჭარაში თოვა არ წყდება – ზოგიერთ ადგილზე თოვლის საფარმა 150 სანტიმეტრს მიაღწია. სკოლები და საბავშვო ბაღები დაიკეტა.

თბილისი, 13 თებერვალი — Sputnik. მაღალმთიანი აჭარის სამივე მუნიციპალიტეტში – ხულოში, შუახევსა და ქედაში სასწავლო პროცესი შეჩერებულია, იუწყება აჭარის ტელევიზია.

სწავლის შეწყვეტის მიზეზი უამინდობაა, რომლის გამოც მაღალმთიანი აჭარის ბევრი დასახლებული პუნქტი ელექტროენერგიის გარეშე დარჩა.

დიდთოვლობა აჭარაში - Sputnik საქართველო
მაღალმთიანი აჭარის ექვს საბავშვო ბაღში სააღმზრდელო პროცესი შეჩერებულია

რეგიონის საგანმანათლებლო რესურს-ცენტრში აცხადებენ, რომ სწავლა სკოლებსა და საბავშვო ბაღებში ამინდის გამოსვლის შემდეგ აღდგება. გაცდენილი გაკვეთილები შაბათობით ანაზღაურდება.

ინტენსიური თოვის გამო თოვლის საფარმა აჭარაში თითქმის 1 მეტრს, ხოლო მაღალმთიანეთში – 1,5 მეტრს მიაღწია. გზებზე ტრანსპორტის გადაადგილება ჭირს.

თოვლმა პრობლემები შექმნა ელექტრომომარაგებაშიც. ხულოსა და შუახევის რაიონების დიდი ნაწილი უშუქოდ დარჩა. Energo-Pro Georgia-ს ინფორმაციით, აღდგენითი სამუშაოები მთელი დატვირთვით მიმდინარეობს. გრძელდება გზების თოვლისგან გაწმენდა.

დიდთოვლობა აჭარაში: რამდენიმე სოფელი გარე სამყაროს მოწყვეტილი აღმოჩნდა>>

სინოპტიკოსების პროგნოზით, ამინდი აჭარაში 14 თებერვალს, დღის მეორე ნახევრიდან გაუმჯობესდება.

ყველა ახალი ამბავი
0