თბილისი

საქართველოში 23 გრადუსამდე დათბება

205
(განახლებულია 19:26 23.12.2019)
საქართველოში უახლოეს დღეებში ტემპერატურის მატებაა მოსალოდნელი. ქვეყნის დასავლეთ ნაწილში 23 გრადუსამდე სითბოა მოსალოდნელი.

თბილისი, 23 დეკემბერი — Sputnik. დასავლეთ საქართველოში უახლოეს დღეებში ჰაერის ტემპერატურა 23 გრადუსამდე მოიმატებს, ნათქვამია გარემოს ეროვნული სააგენტოს Facebook-გვერდზე გამოქვეყნებულ განცხადებაში.

სინოპტიკოსების პროგნოზით, ქვეყნის ტერიტორიაზე ორშაბათსა და სამშაბათს შენარჩუნებული იქნება უნალექო ამინდი. ოთხშაბათსა და ხუთშაბათს, მაღალი ტემპერატურის ფონზე, საქართველოს ცალკეულ რეგიონებში ნალექი შეიძლება მოვიდეს.

დასავლეთ საქართველოში სამშაბათსა და ოთხშაბათს უნალექო ამინდი იქნება. ტემპერატურა 18-23 გრადუსია მოსალოდნელი. ქარი 10-15 მეტრი წამში სიჩქარით დაუბერავს, ხოლო დროგამოშვებით 17-22 მეტრამდე გაძლიერდება.

ხუთშაბათს დასავლეთ საქართველოში გაწვიმდება. ჰაერის ტემპერატურა +14-19 გრადუსამდე შემცირდება, ასევე შესუსტდება ქარი და 8-13 მეტრი წამში სიჩქარით დაუბერავს.

რაც შეეხება აღმოსავლეთ საქართველოს, აქ სამშაბათსა და ოთხშაბათს ღრუბლიანი ამინდია მოსალოდნელი, მაგრამ უნალექო. ჰაერი 14-19 გრადუსამდე გათბება. ქარი 10-15 მეტრი წამში სიჩქარით დაუბერავს.

ამინდი გაუარესდება ხუთშაბათს – მოსალოდნელია წვიმა და ნისლი. ტემპერატურა +12-17 გრადუსი იქნება, ქარის სიჩქარე - 8-13 მეტრი წამში.

დედაქალაქში უახლოეს დღეებში უნალექო ამინდია მოსალოდნელი. ხანმოკლე წვიმა მოსალოდნელია მხოლოდ ოთხშაბათ-ხუთშაბათის ღამეს. ჰაერის ტემპერატურა იქნება 11-16 გრადუსი სითბო. ქარი 8-13 მეტრი წამში სიჩქარით დაუბერავს.

ზოგადად, ამ ზამთარს ჰაერის საშუალო ტემპერატურა საქართველოში ერთი გრადუსით მაღალი იქნება, ხოლო ნალექის რაოდენობა – ნორმის ფარგლებში.

ზამთარში ჰაერის საშუალო ტემპერატურა დასავლეთ საქართველოს დაბლობში +5-7 გრადუსია, მთაში – 0-+2, მაღალ მთაში კი - -4-2. აღმოსავლეთ საქართველოში კი დაბლობში საშუალო ტემპერატურაა 0-+2 გრადუსი, მთაში – -2-0, მაღალ მთაში – -5-3 გრადუსი.

ყველაზე ცივი ზამთარი ბოლო ხანებში საქართველოში 2011 წელს იყო. მაშინ ჰაერის საშუალო ტემპერატურა დასავლეთ საქართველოს დაბლობში 3-4 გრადუს სითბოს შეადგენდა, ხოლო აღმოსავლეთში – 0-1 გრადუსს.

ყველაზე დაბალი ტემპერატურა თბილისში ბოლო პერიოდში დაფიქსირდა 2014 წელს, მაშინ თერმომეტრი მინუს 13,9 გრადუსს აჩვენებდა. 1883 წელს დედაქალაქში ტემპერატურა მინუს 24 გრადუსამდე დაეცა.

205
თბილისი

საქართველოში 29 გრადუსამდე დათბება: სინოპტიკოსების პროგნოზი

54
(განახლებულია 20:42 23.10.2020)
თბილი და მზიანი ამინდი იქნება საქართველოს დედაქალაქშიც – ჰაერის ტემპერატურა პლუს 26 გრადუსს მიაღწევს.

თბილისი, 23 ოქტომბერი – Sputnik. საქართველოს ტერიტორიაზე 23–26 ოქტომბერს თბილი და უნალექო ამინდია მოსალოდნელი, ნათქვამია გარემოს ეროვნული სააგენტოს განცხადებაში.

  • „ჰაერის ტემპერატურა დასავლეთ საქართველოში +24, +29, აღმოსავლეთ საქართველოში +21, +26 გრადუსი იქნება", – აღნიშნულია განცხადებაში.

უნალექო და თბილი ამინდია მოსალოდნელი თბილისშიც. ტემპერატურა უქმეებზე 24–26 გრადუსი იქნება.

54
თემები:
ამინდი საქართველოში
თბილისი

როგორი ამინდი იქნება თბილისში კვირას, 25 ოქტომბერს

20
(განახლებულია 13:29 23.10.2020)
კვირას დედაქალაქში თბილი და მზიანი ამინდი იქნება. სინოპტიკოსების პროგნოზით, ჰაერი 24 გრადუსამდე გათბება.

თბილისი, 23 ოქტომბერი – Sputnik. თბილისში კვირას, 25 ოქტომბერს უპირატესად უნალექო და მზიანი ამინდია მოსალოდნელი.

მინიმალური ტემპერატურა – პლუს 12 გრადუსი დაფიქსირდება ღამით, ხოლო დღისით ჰაერი +24 გრადუსამდე გათბება.

ქარი წამში 10–15 მეტრი სიჩქარით დაუბერავს.

მზე 07:25 საათზე ამოვა და 18:04 საათზე ჩავა.

20
თემები:
ამინდის ზუსტი პროგნოზი თბილისში
ნახევარმთვარე

მთვარის კალენდარი: 24 ოქტომბერი რისი გაკეთება შეიძლება და რისი არა

0
(განახლებულია 10:51 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 ოქტომბერი, შაბათი. ამ დღეს სატურნი მართავს. მზარდი მთვარე მერწყულის ნიშანშია.

მთვარე მერწყულის ნიშანში – ამ დღეს ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს სჯობს, თმის შეჭრისგან თავი შეიკავოთ. შეღებვისთვის კარგი დროა. მანიკურისთვის ძალზე ხელსაყრელი დღეა.

მებაღეობა:  ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

0