თბილისი

ამინდის ზუსტი პროგნოზი თბილისში 6 ნოემბერს

89
(განახლებულია 14:09 12.11.2019)
ოთხშაბათს დედაქალაქში ღამით მინიმალური ტემპერატურა +5 გრადუსი, დღისით მაქსიმალური კი 17 გრადუსია ნავარაუდევი.

თბილისი, 4 ნოემბერი — Sputnik. თბილისელებსა და დედაქალაქის სტუმრებს ოთხშაბათს, 6 ნოემბერს მზიანი ამინდი ელოდებათ.

მზე 07:38 საათზე ამოვა და 17:50 საათზე ჩავა.

ღამით ჰაერის მინიმალური ტემპერატურა +5 გრადუსი, დღისით მაქსიმალური 17 გრადუსია ნავარაუდევი. ქარის სიჩქარე წამში 10-15 მეტრი იქნება.

89
თემები:
ამინდის ზუსტი პროგნოზი თბილისში (405)
პარკი

საქართველოში უახლოეს დღეებში ცვალებადი ამინდია მოსალოდნელი სინოპტიკოსების პროგნოზი

57
(განახლებულია 14:34 01.06.2020)
სინოპტიკოსები საქართველოს მთელ ტერიტორიაზე თბილი და მზიანი ამინდების შემდეგ წვიმიან ამინდს პროგნოზირებენ.

თბილისი, 1 ივნისი - Sputnik.  საქართველოში თბილი და ცვალებადი ამინდია მოსალოდნელი – ქვეყნის უმეტეს რაიონებში უახლოეს დღეებში მოსალოდნელია ხანმოკლე წვიმა ელჭექით, ზოგან ძლიერი და სეტყვა, იუწყება გარემოს დაცვის ეროვნული სააგენტო. 

 „საქართველოში 1–5 ივნისს  სითბოს ფონზე მოსალოდნელია დროგამოშვებით ხანმოკლე წვიმა და ელჭექი, ზოგან შესაძლებელია სეტყვა. 3-4 ივნისს იქროლებს დასავლეთის მიმართულების ძლიერი ქარი. ჰაერის ტემპერატურა დასავლეთ საქართველოს დაბლობში პლუს 24–29, აღმოსავლეთ საქართველოში კი პლუს 29–34 გრადუსია მოსალოდნელი“, – ნათქვამია განცხადებაში.

საქართველოს დედაქალაქში ღამისა და საღამოს საათებში მოსალოდნელია ხანმოკლე წვიმა ელჭექით – 3 ივნისის დღის მეორე ნახევრიდან 4 ივნისის ჩათვლით იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა  პლუს 30–32 გრადუსი იქნება.


57
თემები:
ამინდი საქართველოში
თბილისი

როგორი ამინდი იქნება თბილისში ოთხშაბათს, 3 ივნისს

22
(განახლებულია 15:16 01.06.2020)
ზაფხული ძალას იკრებს – ოთხშაბათს დედაქალაქში 30 გრადუსამდე დაცხება, მაგრამ საღამოს ხანმოკლე წვიმა ელჭექით ჰაერს გააგრილებს.

თბილისი, 1 ივნისი — Sputnik. სინოპტიკოსების პროგნოზით, თბილისში ოთხშაბათს, 3 ივნისს ნაწილობრივ მოღრუბლული ამინდი იქნება – საღამოს მოსალოდნელია ხანმოკლე წვიმა ელჭექით.

ჰაერის ტემპერატურა ღამით იქნება +18, ხოლო დღისით – 30 გრადუსი.

ქარი 10–15 მეტრი წამში სიჩქარით დაუბერავს, დროგამოშვებით კი 20–25 მეტრამდე გაძლიერდება.

მზე 05:27 საათზე ამოვა და 20:30 საათზე ჩავა.

22
თემები:
ამინდის ზუსტი პროგნოზი თბილისში (405)
მეტროს სადგურს პოლიცია აკონტროლებს

დაიწყება თუ არა სკოლებში სწავლა სექტემბერში - განათლების მინისტრის პასუხი

0
(განახლებულია 16:31 01.06.2020)
ქვეყანაში სასწავლო წლის დაწყება ეპიდსიტუაციაზეა დამოკიდებული, თუმცა საქართველოს ჯანდაცვის სამინისტრო მაინც ემზადება კორონავირუსის პანდემიის მეორე ტალღისა და სწავლის მორიგი გადადებისთვის

თბილისი, 1 ივნისი – Sputnik. საქართველოს სკოლებში სასწავლო პროცესი დაგეგმილ დროს, სექტემბრის შუა რიცხვებში შეიძლება არ დაიწყოს, განაცხადა ბრიფინგზე ჯანდაცვის მინისტრმა ეკატერინე ტიკარაძემ.

დასვენება პანდემიის დროს: როგორ იმუშავებენ სასტუმროები საქართველოში>>

„დღევანდელი ეპიდემიოლოგიური მდგომარეობიდან გამომდინარე, არ ვთვლით, რომ სასწავლო პროცესი შეიძლება გადაიწიოს, თუმცა, ვემზადებით იმისთვის, რომ როგორც ახლა, ასევე სექტემბერში მოგვიწევს კოვიდთან ერთად თანაცხოვრება. შესაბამისად, ჩვენი შვილებიც უნდა მოვამზადოთ ამ პროცესებისთვის, რათა მათ შეძლონ შეუფერხებლად განაგრძონ სწავლა“, – აღნიშნა ტიკარაძემ.

რაც შეეხება ერთიან ეროვნულ გამოცდებს, ისინი სრულიად უსაფრთხო გარემოში ჩატარდება, განაცხადა მინისტრმა. მათი ჩატარების ზუსტი ვადები ჯერჯერობით უცნობია.

„ინტენსიურად ვმუშაობთ განათლების სამინისტროსთან. ისინი, რა თქმა უნდა, ითვალისწინებენ ყველა იმ რეკომენდაციას, რომელსაც გავცემთ და ვთვლით, რომ გამოცდები ჩატარდება სრულიად უსაფრთხოდ ყველა იმ აბიტურიენტისთვის, რომელიც წელს აპირებს გამოცდებში მონაწილეობის მიღებას“, – განაცხადა ტიკარაძემ.

მან კიდევ ერთხელ აღნიშნა, რომ ძალზე მნიშვნელოვანია უსაფრთხოების  ნორმების დაცვა და განაცხადა, რომ თუ მოქალაქეები არ ითანამშრომლებენ ხელისუფლებასთან, კვლავ საჭირო გახდება შეზღუდვების დაწესება. ხელისუფლება, თავის მხრივ, ყველა თავის ვალდებულებას შეასრულებს ჰოსპიტალური სექტორის კუთხით, მაგრამ თუ მოქალაქეებთან ერთობლივი მუშაობა არ იქნება, რისკები შეიძლება გაიზარდოს, აღნიშნა ტიკარაძემ.

მინისტრმა ასევე განაცხადა რომ საზოგადოებრივ ტრანსპორტთან დაკავშირებული რისკები არ გამართლდა, რადგანაც მოქალაქეები მკაცრად იცავენ საზოგადოებრივ ტრანსპორტში  მგზავრობის  წესებს.

„ჩვენი მოქალაქეებისგან მოვითხოვთ, იყოს მკაცრად დაცული ყველა ის ღონისძიება და მოთხოვნა, რომელიც უკვე ჩვენი ცხოვრების გარკვეულ კულტურად და წესად იქცა. განვაგრძოთ და ინტენსიურად მოვიხმაროთ ნიღბები საზოგადოებრივი თავშეყრის ადგილებში... მხოლოდ მსგავსი ქცევის ნორმა არის იმის გარანტი, რომ ჩვენთან არ მოხდეს ინფექციის ძალიან მაღალი გავრცელება“, – განაცხადა მინისტრმა.

საქართველოში ბოლო დღე-ღამეში კორონავირუსის 11 ახალი შემთხვევა გამოვლინდა, ამგვარად, დღეისათვის ეს ვირუსი 794 ადამიანს დაუდგინდა.

გამოჯანმრთელდა 624 ადამიანი, გარდაიცვალა – 12, კარანტინის რეჟიმში იმყოფება 2494, ხოლო სტაციონარებში დაკვირვების ქვეშ 301 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

ერთიანი ეროვნული გამოცდების თარიღი შესაძლოა შეიცვალოს: მინისტრის განმარტება>>

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში