შტორმი შავ ზღაზე

ბათუმის სანაპიროზე ქარბორბალა გამოჩნდა: ვიდეო

3550
უამინდობამ ბათუმში პრობლემები შექმნა, დღის განმავლობაში სინოპტიკოსები ზღვაზე 4-5 ბალიან შტორმს პროგნოზირებენ

თბილისი, 2 ნოემბერი — Sputnik. რამდენიმე წუთის წინ,  მოქალაქეებმა ბათუმის აკვატორიაში ქარბორბალა დააფიქსირეს, ამის ამსახველი ვიდეო აჭარის ტელევიზიამ გამოაქვეყნა.

უკვე მეორე დღეა უამინდობაა ბათუმში. გუშინ ღამით მოსული უხვი ნალექის გამო „ბათუმის წყალში" დატბორვის თაობაზე რვა შეტყობინება შევიდა.

კომპანიის ინფორმაციით, შეტყობინებების ძირითადი ნაწილი ეხებოდა კომერციული ფართების, ქუჩების  და საცხოვრებელი სახლების დატბორვას.

ადგილზე მთელი ღამის განმავლობაში ამოტუმბვითი სამუშაოები მიმდინარეობდა. როგორც უწყებაში აცხადებენ, სპეციალური ტექნიკა სხვადასხვა მონაკვეთზე ამ დრომდე მუშაობს.

სვანეთის გზებზე თოვლის გამო შეზღუდვები ამოქმედდა >>

ასევე, დღეს სინოპტიკოსები ზღვაზე  4-5 ბალიან შტორმს პროგნოზირებენ.

3550
თემები:
უამინდობა საქართველოში (255)
ბავშვები შადრევანში

როდის დაცხება საქართველოში ამინდის პროგნოზი

91
(განახლებულია 20:29 05.06.2020)
დასავლეთ საქართველოში ტემპერატურა 37 გრადუსამდე მოიმატებს, აღმოსავლეთში კი მაქსიმუმ 32 გრადუსი იქნება.

თბილისი, 5 ივნისი – Sputnik. საქართველოში გამოიდარებს და დათბება – ქვეყნის უმეტეს ტერიტორიაზე 6 ივნისიდან სიცხეებია მოსალოდნელი, უპირატესად უნალექოდ, ნათქვამია გარემოს ეროვნული სააგენტოს განცხადებაში.

„6 ივნისიდან 9 ივნისამდე საქართველოს ტერიტორიის უმეტეს ნაწილზე მოსალოდნელია ცხელი და უმეტესად უნალექო ამინდი. მხოლოდ აღმოსავლეთ საქართველოს ცალკეულ რაიონში შესაძლოა ხანმოკლე წვიმა ელჭექით აღინიშნოს“, – ნათქვამია განცხადებაში.

დასავლეთ საქართველოს დაბლობში ჰაერის ტემპერატურა 7-8 ივნისს +32, +37 გრადუსამდე მოიმატებს, ხოლო აღმოსავლეთ საქართველოს ბარში +27, +32 გრადუსი დაფიქსირდება.

თბილი და უნალექო ამინდია მოსალოდნელი თბილისში – ჰაერის ტემპერატურა +30, +32 გრადუსი დაფიქსირდება.

91
თემები:
ამინდი საქართველოში
მეტეხის ხიდი

ამინდის ზუსტი პროგნოზი თბილისში 7 ივნისს

45
(განახლებულია 16:39 05.06.2020)
თბილისელებსა და დედაქალაქის სტუმრებს კვირას მზიანი ამინდი ელოდებათ – ჰაერის ტემპერატურა 30 გრადუსამდე გათბება.

თბილისი, 5 ივნისი - Sputnik. სინოპტიკოსების პროგნოზით, თბილისში კვირას, 7 ივნისს მზიანი და ცხელი ამინდია მოსალოდნელი.

მზე 05:26 საათზე ამოვა და 20:33 საათზე ჩავა.

ჰაერის მინიმალური ტემპერატურა ღამით პლუს 16, დღისით მაქსიმალური კი პლუს 30 გრადუსია ნავარაუდევი.

ქარის სიჩქარე წამში 10–15 მეტრი იქნება.

 

45
თემები:
ამინდის ზუსტი პროგნოზი თბილისში
სიტუაცია ბაქოში კორონავირუსის გამო

ბაქოში მკაცრი კარანტინის რეჟიმი გამოცხადდა

0
(განახლებულია 12:56 06.06.2020)
აზერბაიჯანის მინისტრთა კაბინეტის გადაწყვეტილებით, მკაცრი კარანტინის რეჟიმი 8 ივნისის 06:00 საათამდე იქნება ძალაში

თბილისი, 6 ივნისი - Sputnik. დღეიდან ბაქოში, სუმგაითში, განჯა, ლენქორანში, აფშერონის რაიონში საყოველთაო იზოლაციის რეჟიმი ამოქმედდა, იუწყება Sputnik-აზერბაიჯანი მინისტრთა კაბინეტზე დაყრდნობით.

მკაცრი კარანტინის რეჟიმი 8 ივნისის 06:00 საათამდე იქნება ძალაში.

მოსახლეობამ საქართველო-აზერბაიჯანის დამაკავშირებელი მაგისტრალი გადაკეტა >>

შეჩერდა საქმიანობა ყველა სფეროში, მათ შორის ვაჭრობის სფეროში. გამონაკლისს შეადგენს გარკვეული საჯარო სტრუქტურები, სამედიცინო დაწესებულებები, კომუნალური სამსახურები, სოციალური მომსახურების საწარმოები, ელექტროენერგიის მწარმოებელი საწარმოები, სამელიორაციო სამსახურები, კავშირგაბმულობის მომსახურება, ტელევიზია, ტვირთგადაზიდვები, მილსადენის ინფრასტრუქტურის მუშაობის უზრუნველყოფაში ჩართული საწარმოები, საწარმოები, რომელთა საქმიანობის შეჩერება შეუძლებელია გარკვეული მიზეზების გამო, ნავთობისა და გაზის მოპოვება, გაყიდვა, შენახვა და გადამუშავება, ასევე სტრუქტურები, რომლებიც გაჩერებულ ობიექტებზე უსაფრთხოებას უზრუნველყოფენ.

დანარჩენ მოქალაქეებს მითითებულ დროს სახლების დატოვება ეკრძალება.

გამონაკლისის სახით სახლიდან გასვლა შესაძლებელია სიცოცხლისა და ჯანმრთელობისთვის უშუალო საფრთხის შემთხვევაში, ასევე უახლოესი ნათესავის დაკრძალვაზე. ამ შემთხვევებში სახლიდან გასვლის ნებართვას მოქალაქეებს ქვეყნის ში8ნაგან საქმეთა სამინისტრო გასცემს.

აკრძალულია ყველა სახის ტრანსპორტის გადაადგილება, სასწრაფო დახმარების, სპეცტექნიკის და იმ სტრუქტურების სამსახურებრივი მანქანების გარდა, რომელთა ფუნქციონირება დაშვებულია.

იმ დაწესებულებების და ობიექტების თანამშრომლები, რომელთა საქმიანობაც დაშვებულია, სახლების დატოვებას მხოლოდ იმ შემთხვევაში შეძლებენ, თუ მათმა დამსაქმებლებმა ელექტრონული ნებართვების პორტალში სათანადო მონაცემები შეიყვანეს.

თებერვლის ბოლოდან აზერბაიჯანში კორონავირუსით ინფიცირების სულ 6860 შემთხვევა გამოვლინდა, ბოლო 24 საათში - 338. აქედან 3871 ადამიანი გამოჯანმრთელდა, 82 პაციენტი გარდაიცვალა.

აღნიშნულ პერიოდში ქვეყანაში კორონავირუსზე 328 385 ტესტი გაკეთდა.

0
თემები:
COVID-19-ის პანდემია მსოფლიოში