თბილისი

როგორი ამინდი იქნება საქართველოში შემდეგი სამი დღის განმავლობაში

161
(განახლებულია 18:50 25.10.2019)
საქართველოს ტერიტორიის უმეტეს ნაწილში 26-28 ოქტომბერს თბილი და უმეტესად უნალექო ამინდი შენარჩუნდება

თბილისი, 25 ოქტომბერი — Sputnik. საქართველოში შემდეგი სამი დღის განმავლობაში თბილი და უმეტესად მზიანი ამინდი იქნება, იუწყება გარემოს ეროვნული სააგენტო.

სააგენტოს ოფიციალურ Facebook-გვერდზე აღნიშნულია, რომ 25-28 ოქტომბერს ქვეყნის ტერიტირიის უმეტეს ნაწილზე ნარჩუნდება თბილი და უმეტესად უნალექო ამინდი. ჰაერის ტემპერატურა დაბლობსა და ბარში +20, +25 გრადუსის ფარგლებშია მოსალოდნელი.

რაც შეეხება საქართველოს დედაქალაქს, შემდეგი სამი დღის განმავლობაში თბილისში უმეტესად უნალექო ამინდი იქნება, ხოლო ჰაერის მაქსიმალური ტემპერატურა კი 20-22 გრადუსი დაფიქსირდება.

161
ბავშვები შადრევანში

როდის დაცხება საქართველოში ამინდის პროგნოზი

93
(განახლებულია 20:29 05.06.2020)
დასავლეთ საქართველოში ტემპერატურა 37 გრადუსამდე მოიმატებს, აღმოსავლეთში კი მაქსიმუმ 32 გრადუსი იქნება.

თბილისი, 5 ივნისი – Sputnik. საქართველოში გამოიდარებს და დათბება – ქვეყნის უმეტეს ტერიტორიაზე 6 ივნისიდან სიცხეებია მოსალოდნელი, უპირატესად უნალექოდ, ნათქვამია გარემოს ეროვნული სააგენტოს განცხადებაში.

„6 ივნისიდან 9 ივნისამდე საქართველოს ტერიტორიის უმეტეს ნაწილზე მოსალოდნელია ცხელი და უმეტესად უნალექო ამინდი. მხოლოდ აღმოსავლეთ საქართველოს ცალკეულ რაიონში შესაძლოა ხანმოკლე წვიმა ელჭექით აღინიშნოს“, – ნათქვამია განცხადებაში.

დასავლეთ საქართველოს დაბლობში ჰაერის ტემპერატურა 7-8 ივნისს +32, +37 გრადუსამდე მოიმატებს, ხოლო აღმოსავლეთ საქართველოს ბარში +27, +32 გრადუსი დაფიქსირდება.

თბილი და უნალექო ამინდია მოსალოდნელი თბილისში – ჰაერის ტემპერატურა +30, +32 გრადუსი დაფიქსირდება.

93
თემები:
ამინდი საქართველოში
მეტეხის ხიდი

ამინდის ზუსტი პროგნოზი თბილისში 7 ივნისს

45
(განახლებულია 16:39 05.06.2020)
თბილისელებსა და დედაქალაქის სტუმრებს კვირას მზიანი ამინდი ელოდებათ – ჰაერის ტემპერატურა 30 გრადუსამდე გათბება.

თბილისი, 5 ივნისი - Sputnik. სინოპტიკოსების პროგნოზით, თბილისში კვირას, 7 ივნისს მზიანი და ცხელი ამინდია მოსალოდნელი.

მზე 05:26 საათზე ამოვა და 20:33 საათზე ჩავა.

ჰაერის მინიმალური ტემპერატურა ღამით პლუს 16, დღისით მაქსიმალური კი პლუს 30 გრადუსია ნავარაუდევი.

ქარის სიჩქარე წამში 10–15 მეტრი იქნება.

 

45
თემები:
ამინდის ზუსტი პროგნოზი თბილისში
ანატორის აკლდამა

„სასულიერო პირებმა 12 წლის ბავშვი ხეზე ჩამოკიდეს და აწამებდნენ“ - სკანდალური ვიდეო

0
(განახლებულია 13:41 06.06.2020)
ახალი სკანდალური ფაქტები საპატრიარქოს ირგვლივ - სასულიერო პირი, რომელიც საკუთარ ვინაობას არ ამხელს, სკანდალურ ვიდეოზე საუბრობს

თბილისი, 6 ივნისი – Sputnik. ერთ-ერთ ეპარქიაში სასულიერო პირებმა 12 წლის ბავშვი ხეზე ფეხებით გამოკიდეს და აწამებდნენ, განაცხადა ტელეკომპანია „მთავარ არხზე“ „ნანუკა ჟორჟოლიანის შოუში“ სასულიერო პირმა.

სასულიერო პირი, რომელმაც საკუთარი სახის გამოჩენა არ ისურვა, აღნიშნა, რომ მას დაახლოებით 20-წამიანი ვიდეო გარემოს დაცვის სამსახურის თანამდებობის ყოფილმა პირმა ანახა.

„ვიდეოში ვნახე, რომ სასულიერო პირები ბავშვს ეუბნებოდნენ ლეკვი შენ მოიპარეო და თან სცემდნენ. ეს ბავშვი ჩუმდებოდა, ერთ ვედრო წყალს ასხამდნენ და მერე ისევ სცემდნენ“, - აცხადებს მღვდელმსახური.

როგორც ტელეწამყვანმა განაცხადა, სასულიერო პირი ამჟამად უცხოეთში მსახურობს, თუმცა წლების წინ საქართველოში ერთ-ერთ ეკლესიაში მსახურობდა.

0