თბილისი

როდის დათბება თბილისში?

162
(განახლებულია 20:16 10.09.2019)
სინოპტიკოსის თქმით, დედაქალაქში ჰაერის ტემპერატურა 25 გრადუსამდე მოიმატებს.

თბილისი, 10 სექტემბერი — Sputnik. თბილისსა და აღმოსავლეთ საქართველოში ჰაერის ტემპერატურა პარასკევს, 13 სექტემბერს 25 გრადუსამდე მოიმატებს, განუცხადა „Sputnik-საქართველოს" გარემოს დაცვის ეროვნული სააგენტოს გრძელვადიანი პროგნოზირების განყოფილების ხელმძღვანელმა ხათუნა ქოქოსაძემ.

დედაქალაქში სექტემბრის დასაწყისში მკვეთრად აცივდა. ტემპერატურა +17 გრადუსამდე შემცირდა.

„საუბარი, რომ სექტემბერი ცივია, ნაადრევია. ჯერ თვის დიდი ნაწილი წინაა. მით უმეტეს, რომ დასავლეთ საქართველოში ახლა საკმაოდ თბილა. ეს აღმოსავლეთში აცივდა შედარებით. მაგრამ უკვე 13 სექტემბერს ჰაერის ტემპერატურა 25 გრადუსამდე მოიმატებს", – აღნიშნა ქოქოსაძემ.

15-დან 18 სექტემბრის ჩათვლით ნალექი მოსალოდნელი არ არის, აღნიშნა სინოპტიკოსმა.

მისი თქმით, დასავლეთ საქართველოში 18 სექტემბრიდან წვიმა დაიწყება, თუმცა ტემპერატურა საკმაოდ მაღალი იქნება.

თბილისში 16 სექტემბერს 28 გრადუსამდე ტემპერატურაა მოსალოდნელი. წლის ამ დროისთვის საკმაოდ მაღალი ტემპერატურა დედაქალაქში 24 სექტემბერამდე შენარჩუნდება.

162
თემები:
ამინდის ზუსტი პროგნოზი თბილისში (176)