ბათუმის პორტი

ამინდის ზუსტი პროგნოზი ბათუმში 9 აგვისტოს

151
(განახლებულია 16:41 07.08.2019)
პარასკევს მოღრუბლული ამინდია ნავარაუდევი

თბილისი, 7 აგვისტო — Sputnik. ბათუმში პარასკევს, 9 აგვისტოს წვიმიანი და მოღრუბლული ამინდია ნავარაუდევი.

მზე 06:15 საათზე ამოვა და 20:22 საათზე ჩავა.

ჰაერის მინიმალური ტემპერატურა ღამით +20 გრადუსი, დღისით მაქსიმალური კი +25 გრადუსი იქნება. ქარის სიჩქარე წამში 2-4- მეტრია ნავარაუდევი.

151
თემები:
ამინდის ზუსტი პროგნოზი ბათუმში (70)
სეტყვა

კახეთის სოფლებს სეტყვამ გადაუარა: განადგურებულია ვენახები

138
(განახლებულია 14:52 16.07.2020)
უამინდობამ აღმოსავლეთ საქართველოს სოფლებს სერიოზული პრობლემები შეუქმნა, მოსახლეობას ზარალის ანაზღაურების იმედი აქვს.

თბილისი, 16 ივლისი — Sputnik. ძლიერმა ქარმა და სეტყვამ ყვარლისა და თელავის მუნიციპალიტეტების სოფლებს ზიანი მიაყენა. ადგილობრივი ხელისუფლება ზარალს ითვლის.

როგორც ყვარლის მერმა როსტომ სესიაშვილმა ჟურნალისტებთან განაცხადა, სეტყვის შესახებ ინფორმაცია მათ ღამით სოფელ გავაზიდან და სანავარდოდან მიიღეს. მისი თქმით, ამ ეტაპზე მერიას ზარალის ოდენობის შესახებ ინფორმაცია ჯერ არ აქვს, თუმცა შესაბამისი სამსახურები ვითარებას ადგილზე დილიდან სწავლობენ.

სეტყვამ სერიოზულად დააზარალა თელავის მუნიციპალიტეტის სოფლები სანიორე, ნაფარეული, რუისპირი და ვარდისუბანი – განადგურებულია ვენახები, ბაღჩეული და ბოსტნეული კულტურები, ასევე საკარმიდამო ნაკვეთები.

სოფელ კონდოლში ძლიერმა ქარმა საცხოვრებელ სახლებს სახურავი გადახადა, თელავში კი მშვიდობის ქუჩაზე რამდენიმე ხე წააქცია.

კახეთის გუბერნატორი ირაკლი ქადაგიშვილი და თელავის მერი შოთა ნარეკლიშვილი ამჟამად ქარისა და სეტყვისგან დაზარალებულ სოფლებში ვითარებას ადგილზე ეცნობიან.

138
თემები:
უამინდობა საქართველოში
თბილისი

ამინდის ზუსტი პროგნოზი თბილისში, 17 ივლისს

70
(განახლებულია 16:46 15.07.2020)
საქართველოს დედაქალაქში პარასკევს მზიანი ამინდია მოსალოდნელი – სინოპტიკოსები 31 გრადუსამდე სითბოს ვარაუდობენ.

თბილისი, 15 ივლისი — Sputnik. სინოპტიკოსები თბილისში პარასკევს, 17 ივლისს მზიან ამინდს პროგნოზირებენ, თუმცა, მოსალოდნელია ხანმოკლე წვიმა ელჭექით.

მზე 05:41 საათზე ამოვა და 20:32 საათზე ჩავა.

ჰაერის მინიმალური ტემპერატურა ღამით პლუს 22, დღისით მაქსიმალური კი პლუს 31 გრადუსია ნავარაუდევი.

ქარის სიჩქარე წამში 10-15 მეტრი იქნება.

70
თემები:
ამინდის ზუსტი პროგნოზი თბილისში
განძეული

კვესტი დამარხული განძის ძიებაზე: იუველირი მინიშნებებს ჰყიდის

0
(განახლებულია 15:20 16.07.2020)
იუველირმა და მისმა მეუღლემ ტყეებში მილიონი დოლარის ღირებულების ძვირფასეულობა დამალეს და ახლა განძის მაძიებლებზე მინიშნებებს ჰყიდიან

თბილისი, 16 ივლისი — Sputnik. შთამომავლობთ იუველირმა, მიჩიგანელმა (აშშ) ჯონი პერიმ ტყეებში მილიონი დოლარის საგანძური ჩაფლო და მაძიებლებისთვის გარკვეული მინიშნებები გააკეთა, იუწყება WJBK.

​გავრცელებული ინფორმაციით, პერი და მისი მეუღლე ოთხი თვის განმავლობაში მარხავდნენ მათი კუთვნილი საიუველირო მაღაზიებიდან ამოღებულ გაუყიდავ განძეულს დეტროიტიდან დიდ ტბებამდე არსებულ ტყეებში.

ირკვევა, რომ განძის დასამარხად პერიმ ისეთი ადგილები შეარჩია, რომლებიც მის ცხოვრებაში მომხდარ მნიშვნელოვან მოვლენებს უკავშირდება. ზოგ წერტილამდე წყვილს ბაიდარებით მისვლამაც კი მოუწია.  

როგორც იუველირი ამბობს, თითოეულ „სამარხში“ რამდენიმე ათასი დოლარის ბრილიანტები, ოქრო და იშვიათი მონეტებია დაფლული.

ჯონი პერი აპირებს, რომ განძის მაძიებლებს დაშიფრული მინიშნებები მიჰყიდოს, რომელთა მეშვეობითაც ძვირფასეულობის პოვნაა შესაძლებელი. ადამიანს, რომელიც მინიშნებების გაშიფრვას მოახერხებს, განძის პოვნის შესახებ GPS-ტრეკერი აცნობებს, რომელიც იუველირულ ნაკეთობებთან ერთადაა ცაფლული მიწაში.

ცნობილია, რომ პირველ განძეულზე ნადირობა პირველ აგვისტოს დაიწყება. პერის აზრით, ეს რთული საქმე არ იქნება და ძებნას კვირაზე მეტი არ დასჭირდება.

ეძებეთ ქართველ მეფეთა საგანძური: ლეგენდებით შემონახული ადგილები>>

აღსანიშნავია, რომ მანამდე მსგავს მეთოდს მიმართა 89 წლის კოლექციონერმა ფორესტ ფენმა, რომელმაც 2010 წელს განძეულით სავსე სკივრი დამარხა მთებში. ადგილის კოორდინატები მან ლექსად დაშიფრა. განძეული, რომელსაც ათასი ადამიანი ეძებდა და ხუთი მაძიებელი ემსხვერპლა კიდეც, მიმდინარე წლის ივნისში იპოვეს.

 

0
თემები:
მსოფლიო დღეს