სინოპტიკოსთა პროგნოზი: ამინდი უქმეებზე მთელ საქართველოში გაუარესდება

© Sputnik / Levan Avlabreliთბილისი
თბილისი - Sputnik საქართველო
გამოწერა
გარემოს ეროვნული სააგენტოს ინფორმაციით, შაბათსა და კვირას ჰაერის ტემპერატურა ქვეყნის მთელ ტერიტორიაზე დაიკლებს

თბილისი, 8 თებერვალი  — Sputnik. სინოპტკოსები უქმეებზე საქართველოს მთელ ტერიტორიაზე ამინდის გაუარესებას პროგნოზირებენ — ქვეყნის უმეტეს რაიონებში მოსალოდნელია წვიმა, ხოლო მაღალ მთიანეთში — თოვლი. 

გარემოს ეროვნული სააგენტოს ინფორმაციით, შაბათს დასავლეთ საქართველოს დაბლობში მოსალოდნელია პლუს 8-13 გრადუსი სითბო, ხოლო აღმოსავლეთ საქართველოში ჰაერის ტემპერატურა პლუს 4-9 გრადუსამდე დაეცემა. დაუბერავს 8-13 მ/წმ სიმძლავრის ქარი.

კვირასა და ორშაბათს შედარებით გამოიდარებს და ჰაერის ტემპერატურა ქვეყნის დაბლობ ტერიტორიებზე პლუს 8-13 გრადუსის ფარგლებში იმერყევებს. ქარის სიმძლავრე ისეთივე დარჩება, როგორიც წინა დღეს.

თბილისში შაბათს შედარებით აცივდება, იქნება ღრუბლიანი და წვიმიანი ამინდი.

დღისით ჰაერის ტემპერატურა პლუს 4-6 გრადუსამდე დაიწევს. მცირე ნალექია მოსალოდნელი კვირასა და ორშაბათსაც. ჰაერი 8-10 გრადუსამდე გათბება.



ყველა ახალი ამბავი
0