თბილისის საერთაშორისო აეროპორტი

ძლიერი ნისლის გამო თბილისის აეროპორტში მუშაობა შეფერხებულია

155
(განახლებულია 08:51 08.12.2018)
აეროპორტის ინფორმაციით, გადაიდო ოთხი რეისი.

თბილისი, 7 დეკემბერი — Sputnik. თბილისის საერთაშორისო აეროპორტში რთული მეტეოროლოგიური პირობების გამო რამდენიმე რეისი გადაიდო, ზოგიერთი რეისი გაუქმდა, იუწყება პირველი არხი.

ძლიერი ნისლის გამო თბილისის აეროპორტში დუბაის რეისი დაგვიანებით ჩამოფრინდა. გაუქმდა რეისები სტამბოლისა და აქთაუს მიმართულებით. აეროპორტის ინფორმაციით, გადაიდო ოთხი რეისი.

„ყატარის ავიახაზები“, რომელიც დოჰადან მოფრინავდა, სათადარიგოზე წავიდა ბაქოში. „უკრაინის ავიახაზები“ ქუთაისში გაფრინდა, „ეარ ასტანას“ რეისი ალმათი-თბილისი წავიდა აქთაუში და ეს ფრენა გაუქმდა. „აეროფლოტი“ – მოსკოვი-თბილისი დაჯდა მინვოდში“, – აცხადებენ აეროპორტში.

გაუქმებულია „თურქეთის ავიახაზების“ რეისი თბილისი-სტამბოლი. ის უნდა გაფრენილიყო ხუთი საათისკენ, მაგრამ უამინდობის გამო არ განხორციელდა. თვითმფრინავი დილას ცხრა საათზე ჩამოფრინდება, აცხადებენ აეროპორტში.

შეფერხებამ პრობლემები შეუქმნა როგორც თბილისში ჩამომსვლელ მგზავრებს, ისე გაფრენის მსურველებს.

155
თემები:
უამინდობა საქართველოში (253)
თბილისი

როგორი ამინდი იქნება თბილისში ოთხშაბათს, 27 მაისს

40
(განახლებულია 16:01 25.05.2020)
ოთხშაბათს დედაქალაქში ამინდი გაუმჯობესდება – ჰაერი 25 გრადუსამდე დათბება, წვიმა გადაიღებს და მზე გამოანათებს.

თბილისი, 25 მაისი – Sputnik. სინოპტიკოსების პროგნოზით, თბილისში ოთხშაბათს, 27 მაისს თბილი, მზიანი ამინდია მოსალოდნელი.

ჰაერის ტემპერატურა ღამით +14, ხოლო დღისით +25 გრადუსი იქნება.

ქარი 10–15 მეტრი წამში სიჩქარით დაუბერავს.

მზე 05:31 საათზე ამოვა და 20:25 საათზე ჩავა.

40
თემები:
ამინდის ზუსტი პროგნოზი თბილისში
წვიმა თბილისში

წვიმა, სეტყვა, წყალდიდობა საქართველოში უამინდობა გრძელდება

107
(განახლებულია 15:42 25.05.2020)
ამ დღეებში წვიმიანი და საკმაოდ გრილი ამინდი მთელ საქართველოში შენარჩუნდება. სინოპტიკოსები შესაძლო წყალდიდობაზეც საუბრობენ.

თბილისი, 25 მაისი – Sputnik. საქართველოში 26 მაისამდე უამინდობა გრძელდება – ქვეყნის უმეტეს რაიონებში მოსალოდნელია წვიმა ელჭექით, ზოგან ძლიერი წვიმა და სეტყვა, იუწყება გარემოს ეროვნული სააგენტო.

ძლიერი ნალექის გამო მთის ზონებში შესაძლებელია მეწყრულ-ღვარცოფული პროცესები განვითარდეს.

„მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება და პატარა მდინარეებზე წყალმოვარდნები გამოიწვიოს. ქვეყნის მთიან ზონებში შესაძლოა მეწყრულ-ღვარცოფული პროცესების ჩასახვა-გააქტიურება აღინიშნოს“, – ნათქვამია სააგენტოს განცხადებაში.

ჰაერის ტემპერატურა აღმოსავლეთ საქართველოს ბარში ღამით პლუს 7 გრადუსამდე შემცირდება, ხოლო დღისით 20 გრადუსამდე დათბება. დასავლეთ საქართველოში კი ღამით პლუს 4 გრადუსი, დღისით კი 16 გრადუსი იქნება.

მთაში და მაღალ მთაში ტემპერატურა ღამით ნულ გრადუსამდე შემცირება, ხოლო დღისით 14 გრადუსამდე დათბება.

თბილისში მოსალოდნელია ხანმოკლე წვიმები ელჭექით. ტემპერატურა ღამით იქნება 11, ხოლო დღისით – 18 გრადუსი სითბო. ქარი დედაქალაქში 10–15 მეტრი წამში სიჩქარით დაუბერავს.

107
თემები:
ამინდი საქართველოში
კინოსტუდია Disney

მულტფილმი გეებზე: Disney-ს პლატფორმამ პრემიერა გამართა - ოფიციალური თრეილერი

0
(განახლებულია 17:02 25.05.2020)
ანიმაციური ფილმის სიუჟეტის თანახმად, არატრადიციული სექსუალური ორიენტაციის მამაკაცს პარტნიორთან ერთად სურს ცხოვრება, მაგრამ ოჯახისა ეშინია

თბილისი, 25 მაისი — Sputnik. ამერიკულმა კინოსტუდია Pixar–მა, პირველად ისტორიაში, გამოუშვა ცხრაწუთიანი მულტფილმი, რომლის მთავარი გმირიც არატრადიციული სექსუალური ორიენტაციის მამაკაცია, იუწყება New York Times-ი. 

გავრცელებული ინფორმაციით, მულტიპლიკაციური ფილმის პრემიერა, რომლის სახელწოდებაცაა  Out, 22 მაისს გაიმართა Disney+–ის სტრიმინგ–პლატფორმაზე.  Pixar-ი 2006 წლიდან უოლტ დისნეის კომპანიის შვილობილი კომპანიაა. 

​სიუჟეტის თანახმად, მულტფილმის მთავარი გმირ მამაკაცს, გრეგს, რომელსაც სხვა  ქალაქში სურს საცხოვრებლად გადასვლა თავის პარტნიორთან ერთად, ოჯახისთვის პირადი ცხოვრების დეტალების გამხელისა ეშინია.

ფილმის რეჟისორია სტივენ კლეი ჰანტერი, რომელსაც მანამდე ნამუშევარი აქვს ისეთ პოპულარულ ანიმაციურ ფილმებზე, როგორებიცაა „ნემოს ძიებაში“ და „უოლი“.

0
თემები:
მსოფლიო დღეს