სამეგრელოში ძლიერმა წვიმამ საცხოვრებელი სახლები დატბორა

CC BY 2.0 / Eli Hodapp / IMG_0207 1.JPGდატბორილი ქუჩა
დატბორილი ქუჩა - Sputnik საქართველო
გამოწერა
მოსახლეობა ხელისუფლებისგან შველას ითხოვს.

თბილისი, 10 აგვისტო — Sputnik. ზუგდიდის მუნიციპალიტეტის სოფელი შამადელა გარესამყაროს მოწყდა, იუწყება საზოგადოებრივი მაუწყებლის პირველი არხი.

სოფელში პრობლემები ძლიერმა წვიმამ შექმნა. მდინარე სკაიას ადიდების შედეგად გზა ჩაიხერგა, წაღებულია ხიდები, დატბორილია თხილის ბაღები, დახოცილია შინაური ფრინველი და განადგურებულია მოსავალი.

მაშველები - Sputnik საქართველო
ქობულეთსა და კვარიათში მეწყრული პროცესები გააქტიურდა

ადგილობრივები სასმელი წყლის გარეშეც დარჩნენ.

ტელეკომპანია Imedi-ს ინფორმაციით, ანალოგიური  სიტუაციაა სენაკშიც. 

დატბორილია ქუჩები. ათეულობით ოჯახს გაუნადგურდა საყოფაცხოვრებო ნივთები, ტექნიკა. ისინი ადგილობრივ ხელისუფლებისგან ზარალის ანაზღაურებას ითხოვენ. განსაკუთრებით მძიმე ვითარებაა მშვიდობისა და ჭავჭავაძის ქუჩებზე.

ადგილობრივები ამბობენ, რომ ეს პრობლემა ყოველი წვიმის დროს იქმნება. ისინი სანიაღვრე არხების გაუმართაობაზე საუბრობენ და პრობლემის დროულად მოგვარებას ითხოვენ.

წყალდიდობა - Sputnik საქართველო
შსს: რეგიონებში სატრანსპორტო მოძრაობა სრულად აღდგენილია

სენაკის მუნიციპალიტეტის სოფელ ძველ სენაკში კი ორი მოსახლე ამ დრომდე გარესამყაროსაა მოწყვეტილი. ძლიერმა წვიმამ ცენტრალურ მაგისტრალთან დამაკავშირებელი გზა სრულად წაიღო.

 წყალმა ასევე წაიღო ორი სოფლის — ლეძაძამეს და კვაუთის დამაკავშირებელი ხიდიც. როგორც ადგილობრივები აცხადებენ, უხვმა ნალექმა ჯერ საძირკველი დააზიანა, შემდეგ კი ხიდი მთლიანად მოგლიჯა. სოფლის მაჟორიტარი დეპუტატის, ხუხუნი გენადის თქმით, პაუთის უბანში 70 კომლია ჩარჩენილი.


ყველა ახალი ამბავი
0