სინოპტიკოსები გვაფრთხილებენ: საქართველოში მოსალოდნელია წვიმა და წყალდიდობა

© Sputnik / Alexander Imedashviliმოღრუბლული ცა
მოღრუბლული ცა - Sputnik საქართველო
გამოწერა
მოსალოდნელ უხვ ნალექს შეუძლია მდინარეებში წყლის დონის მატება, ასევე მეწყრული პროცესების გააქტიურება გამოიწვიოს

თბილისი, 19 ივლისი – Sputnik. საქართველოს ტერიტორიაზე 20–23 ივლისს დროგამოშვებით მოსალოდნელია წვიმა ელჭექით, ზოგან ძლიერი, ასევე შესაძლებელია სეტყვა და ძლიერი ქარი, ნათქვამია გარემოს ეროვნული სააგენტოს Facebook–გვერდზე განცხადებაში.

უწყებაში აღნიშნავენ, რომ ამინდის ცვლილება განაპირობებს შავი ზღვის ჩრდილო–დასავლეთიდან შედარებით გრილი და ნოტიო ჰაერის მასების შემოსვლას.

წყალდიდობა სვანეთში - Sputnik საქართველო
ჭუბერისთვის სტიქიით მიყენებულმა ზარალმა შესაძლოა 5 მლნ ლარს გადააჭარბოს

„მოსალოდნელმა ძლიერმა ნალექმა შესაძლებელია საქართველოს მდინარეებზე წყლის დონის მატება, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია განცხადებაში.

ბოლო დროს უამინდობამ საქართველოს მნიშვნელოვანი ზარალი მიაყენა. გასულ კვირაში რაჭაში მდინარე რიონი ადიდდა და სოფელ ღებში ნაპირებიდან გადმოვიდა. 50 ოჯახი გარესამყაროს მოწყდა.

ივლისის დასაწყისში კი სვანეთში, სოფელ ჭუბერში წყალდიდობამ დაანგრია ხიდები, წაიღო საცხოვრებელი სახლები, დააზიანა ელექტროგადამცემი ხაზები. წინასწარი შეფასებით, ზარალმა 5 მილიონ ლარს გადააჭარბა.

ყველა ახალი ამბავი
0