მანქანები წვიმაში

ძლიერი წვიმის გამო შსს-მ ვერეს ხეობისკენ მიმავალი გზა ჩაკეტა

691
(განახლებულია 01:33 12.06.2018)
მოვარდნილი წყლის მასის გამო მეხანძრე-მაშველების ჩარჩენილი მანქანები ქუჩებიდან გამოჰყავთ.

თბილისი, 12 ივნისი — Sputnik. ძლიერი წვიმის გამო შინაგან საქმეთა სამინისტრომ გმირთა მოედანზე პატრულის რამდენიმე ეკიპაჟი დააყენა და ვერეს ხეობის მიმართულებით მოძრაობა ჩაკეტა, ნათქვამია უწყების მიერ გავრცელებულ განცხადებაში.

თბილისში რამდენიმე საათია ძლიერი წვიმაა, რომელმაც დედაქალაქის სხვადასხვა უბნებში პრობლემები შექმნა. საგანგებო სიტუაციების მართვის სამსახურის ინფორმაციით, ძლიერი წვიმის გამო სრულად მობილიზებულია საგანგებო სიტუაციების მართვის სამსახურის ყველა სახანძრო-სამაშველო ჯგუფი.

„ძლიერი წვიმის გამო თბილისის ზოგიერთ ქუჩაზე ავტოტრანსპორტით მოძრაობა გართულებულია. კერძოდ, ამ დროისათვის, წყლის ჭარბი ნაკადი შეინიშნება თბილისის ჩრდილოეთ ნაწილში — დიდი დიღმისა და გლდანი-ნაძალადევის ტერიტორიებზე. გარდა ამისა, ქალაქის ზოგიერთ ქუჩაზე ავტომანქანების მოძრაობა შეფერხებულია, ხოლო გმირთა მოედანი-თამარაშვილის მიმართულებით — ე.წ. ვერეს ხეობის მიმართულებით, მოქმედებს მოძრაობის დროებითი შეზღუდვის რეჟიმი“, — ნათქვამია შსს-ს  მიერ გავრცელებულ განცხადებაში.

ძლიერმა წვიმამ პრობლემები შექმნა გლდანის რაიონშიც, დაიტბორა მეტრო „ახმეტელის“ შესასვლელი. შეშელიძის ქუჩაზე ქვა-ღორღია ჩამოტანილი გზის სავალ ნაწილზე. გზაზე წყლის ძლიერი ნაკადი მოედინება. საავტომობილო მოძრაობა შეფერხებულია. გლდანის „ა“ მიკრორაიონის ნაწილს არ მიეწოდება ელექტროენერგია.

„ამ წუთებისთვის, ყველაზე მეტი შეტყობინება შემოსულია გლდანის რაიონიდან, სადაც დაიტბორა მეტროსადგურ „ახმეტელის" შესასვლელი. მეტროს ფუნქციონირებას საფრთხე არ ემუქრება. მეხანძრე-მაშველები წყლის ამოტუმბვით სამუშაოებს ამ წუთებშიც აწარმოებენ“, — ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.

მოვარდნილი წყლის მასის გამო მეხანძრე-მაშველები ჩარჩენილი მანქანები ქუჩებიდან გამოჰყავთ.

ამ წუთებისთვის, მეხანძრე-მაშველები გლდანის რაიონში 5 სახლის სარდაფიდან აწარმოებენ წყლის ამოტუმბვით სამუშაოებს.

წყლის ნაკადმა მოძრაობის შეფერხება გამოიწვია თამარაშვილის ქუჩაზეც, სადაც მეხანძრე-მაშველები წყლის ამოტუმბვით სამუშაოებს აწარმოებენ.

საგანგებო სიტუაციების მართვის სამსახურის ცნობით, ძლიერი წვიმის შედეგად, მოქალაქეები არ დაშავებულან.


691
თემები:
უამინდობა საქართველოში (292)
თბილისი

ძლიერი ქარი, თოვლი და წვიმა როგორ ამინდს პროგნოზირებენ სინოპტიკოსები

122
(განახლებულია 18:54 03.12.2020)
ხანმოკლე წვიმა, ქარი და თოვლჭყაპი – საქართველოს მთელ ტერიტორიაზე ზამთრის პირველი დღეები ცივი იქნება.

თბილისი, 3 დეკემბერი – Sputnik. საქართველოში ცვალებადი ამინდია მოსალოდნელი – ქვეყნის ცალკეულ რაიონებში სინოპტიკოსები ხანმოკლე წვიმას პროგნოზირებენ, ნათქვამია გარემოს დაცვის ეროვნული სააგენტოს განცხადებაში.

პარასკევს აღმოსავლეთ საქართველოში უნალექო ამინდია ნავარაუდევი. კვირას დაბლობში წვიმაა მოსალოდნელი, შაბათს კი თოვლჭყაპი. ჰაერის ტემპერატურა ღამით პლუს 1, დღისით მაქსიმალური კი პლუს 8–10 გრადუსი იქნება. 

დასავლეთ საქართველოში 4–6 დეკემბერს თბილი და უნალექო ამინდები იქნება. 4 დეკემბერს ძლიერი ქარი იქროლებს, დაბლობში ჰაერის ტემპერატურა ღამით პლუს 4–5 გრადუსი, დღისით მაქსიმალური კი 18 გრადუსია ნავარაუდევი.

მაღალ მთაში მოსალოდნელია ყინვა – დასავლეთ საქართველოში ღამით მინუს 7 გრადუსი, დღისით კი პლუს 8–11 გრადუსი იქნება. აღმოსავლეთ საქართველოში გათოვდება – ღამით მინუს 10 გრადუსი, დღისით კი პლუს 5 გრადუსია ნავარაუდევი.

დედაქალაქში პარასკევს უნალექო ამინდი, უქმეებზე კი წვიმაა მოსალოდნელი. ჰაერის ტემპერატურა ღამით პლუს 4–5, დღისით კი პლუს 6–8 გრადუსი იქნება.

122
თემები:
ამინდი საქართველოში
თბილისი

როგორი ამინდი იქნება თბილისში პარასკევს, 4 დეკემბერს

63
(განახლებულია 14:03 02.12.2020)
საქართველოს დედაქალაქში პარასკევს ნაწილობრივ მოღრუბლული ამინდია მოსალოდნელი. ჰაერი რვა გრადუსამდე გათბება.

თბილისი, 2 დეკემბერი – Sputnik. სინოპტიკოსები პარასკევს, 4 დეკემბერს თბილისში უპირატესად ღრუბლიან ამინდს პროგნოზირებენ.

მინიმალური ტემპერატურა ღამით პლუს 6 გრადუსი დაფიქსირდება, ხოლო დღისით ჰაერი 8 გრადუსამდე გათბება.

მზე 08:11 საათზე ამოვა და 17:30 საათზე ჩავა.

 

63
ყვავილები ზღვის სანაპიროზე

2021 წლის ჰოროსკოპი: მორიელი ფინანსები, სიყვარული, ჯანმრთელობა

0
(განახლებულია 11:09 03.12.2020)
როგორი იქნება 2021 წელი მორიელებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

მორიელები ის ადამიანები არიან, რომლებიც რთული სიტუაციიდან გამოსავალს ყოველთვის იპოვიან. 2021 წელს ასეთი რთული ვითარება შეიძლება ბევრი იყოს, რაც ნიშნავს, რომ დგება დრო, როცა მორიელებმა მათთვის დამახასიათებელი მთელი სიფრთხილე და მძლავრი ინტუიცია უნდა აამუშაონ.

2021 წელი ძალზე დინამიკური იქნება. დგება ხანა, როდესაც უკვალოდ არაფერი ჩაივლის, ამიტომ მნიშვნელოვანია, გახსოვდეთ თითოეული თქვენი საქციელის შედეგები.

მორიელებმა ყურადღება უნდა მიაქციოთ მნიშვნელოვან ასტროლოგიურ მოვლენებს, როგორიცაა დაბნელებები და რეტროგრადული პლანეტები. ამ მოვლენებმა თქვენი ცხოვრება, შესაძლოა, ძალიან შეცვალოს.

მამაკაცი მორიელი

წლის დასაწყისი მამაკაცი მორიელებისთვის ძალზე იღბლიანი აღმოჩნდება, შეძლებთ ყურადღების გამახვილებას მნიშვნელოვანი პრობლემების გადაჭრაზე ცხოვრების ყველა სფეროში. ენერგეტიკული ე.წ. უძრაობის დრო გაზაფხულის მიწურულს დადგება. იმ დროისთვის, სჯობს, ყველა მნიშვნელოვანი საქმე დაასრულოთ, რადგან ზაფხულის დადგომისას საამისოდ, შესაძლოა, ძალები აღარ გეყოთ.

ფინანსები და სამუშაო: ამ სფეროში წარმატებები გელოდებათ. მთავარია, ფინანსები სწორად გადაანაწილოთ – გადადოთ გარკვეული თანხა დანაზოგის სახით სამომავლოდ და უაზრო და უსარგებლო ნივთების შეძენაში ფული არ დახარჯოთ. ყველაზე ძვირადღირებული ნივთების ყიდვა წლის დასასრულისთვის გადადეთ.

სიყვარული და ურთიერთობები: სიყვარულის სფეროში მამაკაცი მორიელებისთვის ყველაფერი სტაბილურად იქნება. თამამად შეგიძლიათ ახალი ურთიერთობების დაწყება ან ძველის განახლება. 2021 ის დროა, როცა პრობლემების გარეშე შეიძლება ნებისმიერ ადამიანთან საერთო ენის გამონახვა.

განწყობა და ჯანმრთელობა: უმეტეს ვითარებაში მშვიდ და პოზიტიურ განწყობას შეინარჩუნებთ. სჯობს, არ დაიძაბოთ. თუ რამე საქმის მიტოვების სურვილი გაგიჩნდებათ, კარგად დაფიქრდით, რომ შეცდომა არ დაუშვათ.

კრიმინალური ტალანტი ზოდიაქოს ნიშნის მიხედვით>>

ქალი მორიელი

ქალ მორიელებს ძალზე პოზიტიური წელი გელოდებათ. ვარსკვლავები დაგეხმარებიან ყველაფერში, რომ საუკეთესო შედეგებს მიაღწიოთ. იქნებით შთაგონებით სავსე, გექნებათ მოტივაცია და იღბალი არ მიგატოვებთ. ერთადერთი, რაც აუცილებელია, ეს საქმეების წინასწარ დაგეგმვაა.

ფინანსები და სამუშაო: ქალ მორიელებს დიდი წარმატება გელოდებათ შემოქმედებით საქმიანობაში – დიზაინში, მუსიკასა და კინოში. ასტროლოგები გირჩევენ, თანხა ეკონომიურად ხარჯოთ. თუ რამე მნიშვნელოვანი და ძვირფასი ნივთის შეძენა გახდება საჭირო, ინტუიციასა და იღბალს მიენდეთ.

სიყვარული და ურთიერთობები: ვარსკვლავები ბევრად მომხიბლავსა და მიმზიდველს გაგხდიან. მეორე ნახევრის პოვნა თქვენთვის სირთულე არ იქნება, განსაკუთრებით წლის დასაწყისში. ზაფხული და შემოდგომის დასაწყისი იდეალური პერიოდია დროის ოჯახთან გასატარებლად. ძალზე იღბლიანი იქნება ერთობლივი მოგზაურობა, მოახერხებთ არსებული ურთიერთობების გამტკიცებას.

ზოდიაქოს ნიშნების ვენდეტა>>

განწყობა და ჯანმრთელობა: მორიელმა ქალებმა 2021 წელს მეტი დრო უნდა დაუთმოთ დასვენებას, უნდა მოერიდოთ გადაღლას. ბევრს თუ იმუშავებთ და ცოტას დაისვენებთ, უბრალოდ, „გადაიწვებით“. დაღლილობამ ცხოვრებაში „შავი პერიოდის“ დაწყებაც კი შეიძლება გამოიწვიოს.

გაეცანით ასევე 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორებისთვის.

0