პირველი მძღოლი ცუგა

დაუჯერებელი კადრები - ძაღლები საჭესთან - ნახეთ როგორ ატარებენ მანქანას - ვიდეო

86
(განახლებულია 18:26 30.12.2020)
სოციალურ ქსელში ვიდეო ვირუსულად გავრცელდა. ნახეთ როგორ ატარებენ ძაღლები მანქანას. ასეთი ჭკვიანები თუ იყვნენ ძაღლები, გიფიქრიათ?

ძაღლს შეიძლება ასწავლოთ ჯოხის მოტანა, ორ თათზე დგომა, მაგრამ ვერავინ წარმოიდგენდა, თუ ჩვენი ოთხფეხა მეგობრები მანქანის ტარებას შეძლებდნენ. ახალ ზელანდიაში მდებარე ცხოველთა თავშესაფრის სამმა მობინადრემ ავტომობილის მართვა ისწავლა. პორტერი, ჯინი და მონტი სამაშველო ძაღლები არიან. იმის დასამტკიცებლად, რომ მაშველი ძაღლები ძალიან ჭკვიანები არიან, ტრენერმა მათ ავტომობილის (Mini Countryman) მართვა ასწავლა.

ადგილობრივმა ტრენერმა მარკ ვიტიმ 3 ძაღლი შეარჩია და სპეციალურ ოთახში საჭის, სიჩქარეთა კოლოფის, აჩქარებისა და მუხრუჭის გამოყენება ასწავლა. ოთხფეხა გენიოსებმა ყველაფერი მარტივად შეისწავლეს და შვიდკვირიანი შიდა სწავლების შემდეგ ისინი ნამდვილი მანქანის საჭეს მიუსხდნენ.

გამოკვლევებმა აჩვენა, რომ საშუალო ასაკის ძაღლის ტვინის განვითარება ორი წლის ბავშვისას უტოლდება. ტვინის სკანირებამ დაადასტურა, რომ ადამიანის საუკეთესო მეგობარს უნარი შესწევს გაიგოს პატრონის ნაკარნახები.

86
თემები:
სახალისო და საინტერესო ვიდეოები (828)
ძაღლების დაუჯერებელი ქცევა

ამ ძაღლების ქცევით გაოცდებით ნახეთ რა ჭკვიანები ყოფილან ოთხფეხა მეგობრები ვიდეო

125
(განახლებულია 19:47 15.01.2021)
სოციალურ ქსელში ვრცელდება ვიდეო, სადაც ძაღლების წარმოუდგენელი საზრიანობაა დაფიქსირებული. ნახეთ როგორი რეაქცია აქვთ მათ საინტერესო ექსპერიმენტზე.

ვიდეოში ძაღლებზე ექსპერიმენტია გადაღებული. ექსპერიმენტის დროს ძაღლის დასანახად მის წინ დაყრილ საკვებს სათამაშო ძაღლებს „აჭმევენ“, რომლებიც ვითომ ამ საკვებით „კვდებიან“.

ამის შემყურე ცუგები ჯამიდან აღებულ საკვებს პირიდან ყრიან და სასწრაფოდ ადგილს შორდებიან.

ძაღლები ფიქრობენ, რომ თუ ამ საკვებს მიირთმევენ, ისინიც ცუდად გახდებიან. მათი საზრიანობა ნამდვილად იმსახურებს შექებას.

125
თემები:
სახალისო და საინტერესო ვიდეოები (828)
ძაღლი სალოცავთან

დაუჯერებელი კადრები ძაღლი ტაძართან მლოცველებს ლოცავს

211
(განახლებულია 16:56 14.01.2021)
სოციალურ ქსელში პოპულარულია ვიდეო, სადაც ჩანს, როგორც ლოცავს ინდოეთში ძაღლი მლოცველებს ერთ-ერთი ტაძრის წინ.

ინდოეთის ქალაქ მუმბაიში ქუჩის ძაღლმა უჩვეულო სამსახური იშოვა. ის ტაძართან ზის და მრევლს ლოცავს.

ზოგიერთი მლოცველი ძაღლს თავს უხრის, ის კი თათს თავზე ადებს.

ადგილობრივები აცხადებენ, რომ ძაღლი ტაძართან, როგორც სამსახურში, თითქმის ყოველდღე მიდის და ყოველთვის ერთსა და იმავე ადგილზე ზის.

211
თემები:
სახალისო და საინტერესო ვიდეოები (828)
თბილისის ცარიელი ქუჩები

საქართველო ერთ-ერთი საუკეთესოა კორონავირუსთან ბრძოლაში - ახალი რეიტინგი

0
(განახლებულია 08:58 16.01.2021)
ექსპერტებმა შეაფასეს 183 ქვეყანა 19 ინდიკატორით - მათ შორისაა მთავრობის მოქმედებები, დახმარება მოსახლეობას და ჯანდაცვის სისტემის მუშაობა

თბილისი, 16 იანვარი - Sputnik. საქართველო კორონავირუსთან ბრძოლაში ეფექტური ღონისძიებების მიხედვით საუკეთესო ქვეყნების ათეულში მოხვდა, ამას აჩვენებს ოქსფორდის უნივერსიტეტის რეიტინგი.

უნივერსიტეტმა შეაფასა 183 ქვეყანა 19 ინდიკატორით - მათ შორისაა მთავრობის მოქმედებები, დახმარება მოსახლეობას და ჯანდაცვის სისტემის მუშაობა.

რეიტინგის მიხედვით, საქართველო იკავებს მე-10 ადგილს და მას საბერძნეთსა და ნიდერლანდებს შორის იყოფს.

რეიტინგის პირველი ხუთეული ასეთია: ზიმბაბვე, ვენესუელა, აზერბაიჯანი, იტალია და ჰონდურასი. ბოლო ადგილზეა მაკაო, ნიკარაგუა, ტანზანია, ტაივანი და ბოლივია.

კორონავირუსის პირველი შემთხვევა საქართველოში 26 თებერვალს დაფიქსირდა. დღეისათვის ინფიცირებულთა საერთო რაოდენობა 245 789-ს შეადგენს, გამოჯანმრთელდა 229 196 ადამიანი, გარდაიცვალა 2 893 პაციენტი.

0