პარლამენტში ზებრა მივიდა

„ჩემიანები მელოდებიან“ პარლამენტში ზებრა მივიდა სახალისო ვიდეო

312
(განახლებულია 16:28 11.12.2020)
საკანონმდებლო ორგანოს შენობასთან, სადაც მეათე მოწვევის პარლამენტის პირველი სხდომა უნდა დაიწყოს, ზებრის ფორმაში ჩაცმული აქტივისტი მივიდა.

მისი თქმით, ეს ერთგვარი პერფორმანსია, თავს „ზებრა დეპუტატს” უწოდებს და პარლამენტში შეშვებას ითხოვს. მისივე განცხადებით, „სხვა ზებრები უკვე პარლამენტში არიან” და თავადაც სურს იქ მოხვედრა.

„თუ შეიძლება, გზა რომ მომცეთ, სხდომაზე მაგვიანდება, დაწყებულია რეგისტრაცია… მე ჩვეულებრივი დეპუტატი ვარ პარლამენტის, შეგიძლიათ ბეიჯიც ნახოთ, ჩემიანები მელოდებიან“, – განაცხადა „დეპუტატმა ზებრამ“, თუმცა ის შენობაში არ შეუშვეს.

მეათე მოწვევის პარლამენტის პირველი სხდომის პარალელურად საკანონმდებლო ორგანოს შენობასთან აქცია მიმდინარეობს. ადგილზე რამდენიმე ოპოზიციური პარტიისა და სამოქალაქო აქტივისტები არიან შეკრებილნი.

11 დეკემბრისთვის პარლამენტთან საპროტესტო აქცია და პერფორმანსი რამდენიმე ოპოზიციურმა პარტიამ დააანონსა. მათ შორის არიან „ლეიბორისტული პარტია”, ანა დოლიძის „მოძრაობა ხალხისთვის” და „პროგრესული საქართველო”.

ადგილზე პოლიციაა მობილიზებული.

312
თემები:
სახალისო და საინტერესო ვიდეოები (830)
ძაღლი საოცარ ხმებს გამოსცემს

ძაღლი პატრონის კოცნისას უცნაურ ხმებს გამოსცემს ვიდეომ სოციალური ქსელი გაამხიარულა

164
(განახლებულია 22:05 20.01.2021)
ადამიანების უმეტესობას ჰგონია, რომ ძაღლს უყვარს მოფერება და ჩახუტება, მაგრამ ძაღლების უმრავლესობას ეს არ სიამოვნებს, განსაკუთრებით, ბავშვების უხეში მოფერება, როდესაც ყურებს ან ბეწვს ქაჩავენ და ა.შ.

ვიდეოში ჩანს, რა რეაქცია აქვს ჰასკს პატრონის კოცნაზე. როგორც ჩანს, ცუგა ან დაღლილია და ძილი უნდა, ან, ზოგადად, არ უყვარს, როდესაც მის მიმართ სიყვარულს ასე გამოხატავენ.

ვიდეომ სოციალური ქსელის მომხმარებლები გაამხიარულა.

164
თემები:
სახალისო და საინტერესო ვიდეოები (830)
ია ფარულავას კურიოზები

„ეს ბუზი ყველას ასე აჯდება“ - ია ფარულავას გადაცემის ყველაზე სასაცილო სიტუაციები - ვიდეო

235
(განახლებულია 11:58 20.01.2021)
სოციალურ ქსელში პოპულარულია ვიდეო, სადაც ტელეწამყვანი ია ფარულავას გადაცემის კურიოზებია ერთად შეკრული

მსახიობს ტელეკომპანია „რუსთავი 2“-ის ეთერში რეიტინგული გადაცემა „ფარული კონვერტი“ მიჰყავს, სადაც საზოგადოებისთვის ცნობილი ადამიანები ჰყავს სტუმრად მიწვეული.

აღმოჩნდა, რომ გადაცემაში კურიოზების გმირი ხშირად ია ფარულავაა, რომელსაც ხან საკუთარი მაკიაჟი არ მოსწონს, ხან დიეტაზეა და მშიერს გადაცემის წაყვანა უჭირს და ხშირად ითხოვს „აჭამონ რამე“, ან სტუდიაში მიძინებული ბუზი არ აძლევს მოსვენებას რომელიც ხშირად გადაცემის ჩაშლას ცდილობს და სტუმრებს თავს „ესხმის“.

გამხიარულებული სოციალური ქსელის მომხმარებლები ემოციებს ვერ მალავენ. ვიდეოს უამრავი კომენტარი აქვს, სადაც ძირითადად იას მადლობას უხდიან, რომ ასეთი უშუალო და პირდაპირია.

235
თემები:
სახალისო და საინტერესო ვიდეოები (830)
თორნიკე ნინიკაშვილი

როგორ შეცვალა „გლოვოს" კურიერის ცხოვრება ნაპოვნმა საფულემ და სოციალურმა ქსელმა

0
(განახლებულია 18:26 20.01.2021)
შემთხვევა, რომელმაც ახალგაზრდა ადამიანის ცხოვრება სრულიად შეცვალა 4 იანვარს მოხდა. „გლოვოს“ თანამშრომელმა თორნიკე ნინიკაშვილმა, სამსახურებრივი მოვალეობის შესრულების დროს, ფულით სავსე საფულე იპოვა.

არც უფიქრია, მაშინვე მფლობელის ძებნა დაიწყო. პოსტი ფეისბუქ გვერდზე გამოაქვეყნა და ამას რაც მოყვა, თორნიკე თავად მოგიყვებათ:

თორნიკე ნინიკაშვილი
თორნიკე ნინიკაშვილი

- ჩვეულებრივი სამუშაო დღე იყო, ვასრულებდი ჩემს მოვალეობას. დავტოვე შეკვეთა მომხმარებელთან და უკან ვბრუნდებოდი. როცა „სითი მოლთან“ მოვედი, დავინახე ძირს დაგდებული საფულეს. ფული, ბარათები, პირადობის მოწმობა - ყველაფერი იქ იყო. თავიდან გადავწყვიტე პოლიციაში მიმეტანა, მაგრამ ასე რომ მოვქცეულიყავი, ფაქტიურად მთელი დღე იქ უნდა გამეტარებინა და მუშაობას ვეღარ შევძლებდი. ამიტომ ფეისბუქზე დავწერე პოსტი, რომ ვეძებდი საფულის მფლობელს.

დავხურე ფეისბუქი და გავაგრძელე მუშაობა. დაახლოებით ერთი საათის შემდეგ, როცა კვლავ გავხსენი სოციალური ქსელი, თვალებს არ დავუჯერე იმდენი გაზიარება ჰქონდა პოსტს. საბედნიეროდ მალევე ვიპოვეთ პატრონი. ძალიან აფორიაქებული და განერვიულებული იყო. როცა მოვიდა გახარებული ჩამეხუტა და დიდი სითბო მაგრძნობინა, საოცარი მადლიერება გამოხატა. სახლშიც მიმიპატიჟა მისმა ოჯახმა. თუმცა, მგონი მე მასზე უფრო გახარებული ვიყავი, რომ ასე გავაბედნიერე ადამიანი.

რამდენიმე მეგომარმა პოსტზე შინაგან საქმეთა სამინისტრო მონიშნა. როცა საფულე მფლობელს დავუბრუნე, ბევრი მწერდა სამინისტროდან და მადლობას მიხდიდნენ ჩემი საქციელის გამო, პატრულის თანამშრომლები მაჩერებდნენ გზაზე და ხელს მართმევდნენ. ჩემს მშობლებს ყველა სიყვარულით ხვდებოდა რაიონში და ისინიც უბედნიერესები იყვნენ.

თორნიკე ნინიკაშვილი
თორნიკე ნინიკაშვილი

- ცოტა თქვენს შესახებაც მოგვიყევით...                                             

- დავიბადე და გავიზარდე ზესტაფონის რაიონში, ალავერდში. ვერ ვიტყვი, რომ ფუფუნებაში ვიზრდებოდი. პირიქით, გვიჭირდა, მაგრამ ყველაზე დიდი სიმდიდრე, თბილი და მოსიყვარულე ოჯახი მყავდა. სკოლას რომ ვამთავრებდი რეპეტიტორებთან მომზადების საშუალება არ გვქონდა, ჩემი ძალებით ჩავირიცხე ილიას სახელმწიფო უნივერსიტეტში, იურიდიულ ფაკულტეტზე და თბილისში გადმოვბარგდი. სამწუხაროდ გრანტი ვერ ავიღე. იმ დროს ჩემს ოჯახს მატერიალური პრობლემები ჰქონდა. დღე ვსწავლობდი, ღამე ვმუშაობდი. ძალიან მიჭირდა, მაგრამ როგორღაც ვახერხებდი... ბევრი მცდელობის მიუხედავად, უსახსრობის გამო სწავლის შეწყვეტა მომიხდა. ამჟამად სტატუსი მაქვს შეჩერებული. ვმუშაობ „გლოვოში“ კურიერად.

-  როგორ შეცვალა ამ ამბავმა თქვენი ცხოვრება?

- აი, ამას კი ნამდვილად არ ველოდი. ვერც კი წარმოვიდგენდი ამდენი ადამიანის სითბოს, სიყვარულს დაფასებას თუ დავიმსახურებდი. წარმოუდგენელი ამბავი ხდებოდა ჩემს ფეისბუქზე. უამრავი ადამიანი მწერდა. უამრავი საჩუქარი მივიღე. 1650 ლარიანი ფეხსაცმელი მაჩუქეს, რომელზედაც ჩემი ფინანსური მდგომარეობიდან გამომდინარე ვერც ვიოცნებებდი. ისეთი საჩუქარია ფეხზე ჩასაცმელად არც მემეტება.

ყველაზე მეტად იცით რამ გამაბედნიერა? საოცარმა ადამიანებმა ჩამირიცხეს თანხა და სრულად მომიგროვდა სწავლის საფასური. უბედნიერესი ვარ, რომ გავაგრძელებ და შევძლებ სწავლის დამთავრებას. უკვე მივწერე უნივერსიტეტის ადმინისრატორს, მასაც ძალიან გაუხარდა და სულ მალე მოვაგვარებთ ყველა დეტალს.

მე მაშინ ამ ყველაფერზე არც მიფიქრია, მხოლოდ იმ ადამიანზე  ვფიქრობდი, ვინც ეს საფულე დაკარგა. ერთი სული მქონდა მეპოვნა, ვიცოდი როგორ იდარდებდა, რა დღეში იქნებოდა. ცოტა ფული ნამდვილად იდო იმ საფულეში, ამასთან ყველა საბუთი და ბარათი. ბედნიერი ვარ, რომ მომცა უფალმა საშუალება სიხარული მეჩუქებინა ჩემთვის სრულიად უცხო ადამიანისთვის...

0