ინჟინრებმა ცოცხალთვალებიანი რობოტი შექმნეს: ვიდეო

52
(განახლებულია 21:07 02.11.2020)
კომპანია Disney-ს ინჟინრებმა შექმნეს შემაშინებელი გარეგნობის რობოტი, რომელიც თვალებს ამოძრავებს და ახამხამებს კიდეც.

კომპანია Disney Research-ში შექმნილია სისტემა, რომელიც რობოტ–ჰუმანოიდებს ადამიანთან ვიზუალური კონტაქტის დამყარებაში დაეხმარება, იუწყება გამოცემა Gizmodo.

მანამდე ადამიანის მსგავსი რობოტების უმთავრესი პრობლემა თვალები იყო. ადამიანებმა ისწავლეს ბუნებრივის ზედმიწევნით მსგავსი ხელოვნური კანის, თმისა და სხვა დეტალების დამზადება, მაგრამ რობოტების „უსულო“ გამოხედვა მყისიერად გასცემდა ხოლმე ფაქტს, რომ საქმე მანქანასთან გვქონდა და არა ადამიანთან. Disney-ს ლაბორატორიამ კი ეს პრობლემა წარმატებით გადაჭრა.

გავრცელებული ინფორმაციით, ინჟინრებმა შექმნეს რეალისტური თვალები, რომლებსაც რობოტი არა მარტო ამოძრავებს – აქეთ-იქით იხედება, არამედ ახამხამებს კიდეც. ყოველივე ამას ახლავს თავის მსუბუქი მოძრაობა, რაც ძალიან ბუნებრივად გამოიყურება.

რობოტს მკრედზე დამაგრებული აქვს კამერა, რომელიც მანქანას ეხმარება ამოიცნოს, რომელი მხრიდან ელაპარაკება მას ადამიანი და ისიც მაშინვე მოსაუბრისკენ ტრიალდება.

როგორც ჩანს, Disney ამ ტექნოლოგიის გამოყენებას მომავალში თავის გასართობ პარკებში აპირებს — მულტფილმების, ფილმებისა და სერიალების პერსონაჟების რეალისტური ორეულების შესაქმნელად.

მანამდე კი ჯერჯერობით რობოტი სულაც არ გამოიუყურება ცოცხალი ადამიანივით — ის უფრო თავის ქალას ჰგავს, ყბის შიშველი ძვლებითა და მეტყველი თვალებით. ამიტომ ვიდეოზე ის უსიამოვნოდ და შემაშინებლადაც გამოიყურება.

 

52
თემები:
მსოფლიო და მეცნიერება (572)
ორსული ქალი

სკანდალური ბიზნესმენი ქორწილში ექვს ორსულ შეყვარებულთან ერთად მივიდა ვიდეო

94
(განახლებულია 15:32 27.11.2020)
ნიგერიაში საქორწინო ცერემონიაზე ერთ-ერთი სტუმარი, ბიზნესმენი სახელად „ლამაზი მაიკი“ ექვს ორსულ შეყვარებულთან ერთად მივიდა. ვიდეო სოციალურ ქსელში დიდი პოპულარობით სარგებლობს.

ბიზნესმენი უჩვეულო სტუმრებთან ერთად ჰოლივუდელი მსახიობის უილიამს უჩომბის ქორწილში იმყოფებოდა. ვარდისფერ კოსტიუმში გამოწყობილი, ქალებისადმი დიდი თანყვანისცემით ცნობილი მაიკი თითოეულ გოგონას მუცელზე კოცნით აცილებდა ცერემონიაზე.

„ლამაზი მაიკი ლაგოსიდან“ ცნობილია სკანდალური ქცევით. 2019 წლის სექტემბერში ის ხუთ გოგონასთან ერთად პოზიორობდა, რომლებიც საქორწინო კაბებში იყვნენ გამოწყობილი. მაშინ მაიკი ამბობდა, რომ ოცნებობდა ორ ყოფილ და სამ „მოქმედ“ შეყვარებულთან ქორწინებაზე.

2017 წელს ის იმის გამო დააკავეს, რომ ერთ-ერთ ქორწილში რამდენიმე გოგონასთან ერთად მივიდა, რომლებიც ძაღლებივით საბელზე ჰყავდა გამობმული.

94
თემები:
სახალისო და საინტერესო ვიდეოები
მთვრალი ციყვი მინესოტაში

მთვრალი ციყვი ჯამს ეჭიდება, რომ არ წაიქცეს ვიდეომ სოციალური ქსელები მოიცვა

124
(განახლებულია 19:32 26.11.2020)
მინესოტის შტატში ციყვმა უკვე ფერმენტირებული მსხალი შეჭამა და დათვრა. მინესოტაში მცხოვრებმა კეტი მორლოკმა მსხალი ბაღში ცხოველებს საკვებად დაუტოვა.

გადამწიფებული მსხალი ციყვმა შეჭამა. ერთი საათის შემდეგ ციყვი, რომელსაც მორლოკმა ლილ რედი დაარქვა, ბარბაცით დაბრუნდა ბაღში.

მორლოკის ვარაუდით, მის მიერ დატოვებული მსხალი უკვე ფერმენტირებული იყო და ცხოველი ხილში გამოყოფილი ალკოჰოლით დათვრა.

კეტი მორლოკმა ციყვს კიდევ მისცა საკვები და ვიდეო გადაუღო. ვიდეოში ჩანს, როგორ ბარბაცებს ჯამის წინ მდგარი ციყვი და ჯამს ეჭიდება, რომ არ წაიქცეს.

გადამწიფებული, ფერმენტირებული ხილით ცხოველების დათრობის შემთხვევები არც ისე იშვიათია.

124
თემები:
სახალისო და საინტერესო ვიდეოები

საქართველო და ახალი შეზღუდვები: რას ფიქრობს საზოგადოება? - ვიდეო

0
დღეიდან საქართველოში ძალაში შედის შეზღუდვები. Sputnik-საქართველომ მოსახლეობა გამოკითხვა რეგულაციებთან დაკავშირებით, რომლებიც ხელისუფლებამ კორონავირუსით ინფიცირების შემთხვევების ზრდის გამო დააწესა

აღმოჩნდა, რომ ყველაზე დიდი უკმაყოფილება მოსახლეობაში საზოგადოებრივი ტრანსპორტის ფუნქციონირების შეჩერებამ გამოიწვია.

თბილისელების თქმით, ბევრ მათგანს არ ექნება საშუალება ტაქსით გადაადგილებისათვის. გამოკითხულთა დიდ ნაწილს სჯერა, რომ მკაცრი შეზღუდვები შედეგიანი აღმოჩნდება და ეპიდსიტუაციის გაუმჯობესებას შეუწყობს ხელს.

0