დაპირისპირება ავტობუსში

„ხელი გაწიე...“ ავტობუსში პირბადის გამო მოქალაქე მგზავრებს დაუპირისპირდა ვიდეო

452
(განახლებულია 19:28 06.10.2020)
თბილისში სამარშრუტო ხაზზე მოძრავ ერთ-ერთ ავტობუსში მგზავრებს შორის დაპირისპირება პირბადის გამო მოხდა. ნახეთ ვიდეო.

სამგზავრო ავტობუსის მგზავრი თავად აქვეყნებს ვიდეოს, როგორ დაუპირისპირდნენ მას სხვა მგზავრები და ავტობუსის გამცილებელი იმის გამო, რომ მას პირბადე არ უკეთია.

ვიდეოში ისმის უკმაყოფილო კომენტარები, რომ იმის გამო, რომ მას პირბადე არ უკეთია, სხვებსაც ზიანს აყენებს, რასაც ვიდეოს ავტორი არ ეთანხმება და ვერ ხვდება, რატომ ლანძღავენ პირბადის გამო.

 

452
თემები:
სახალისო და საინტერესო ვიდეოები (804)
როგორ ათავისუფლებს თავდამსხმელი ბოლო სამ მძევალს

ვრცელდება კადრები, როგორ გაათავისუფლა თავდამსხმელმა ბოლო სამი მძევალი ტყეში ვიდეო

412
(განახლებულია 18:51 22.10.2020)
ოთხშაბათს საქართველოში საშინელი ამბავი გავრცელდა – ზუგდიდში „საქართველოს ბანკის“ ფილიალში ბოროტმოქმედმა მძევლები აიყვანა.

ადგილობრივი ტელე-რადიოკომპანია „ოდიში” ავრცელებს კადრებს, რომელშიც, სავარაუდოდ, ჩანს, როგორ ათავისუფლებს „საქართველოს ბანკის“ ზუგდიდის ფილიალზე თავდამსხმელი ბოლო სამ მძევალს.

ამავე ვიდეოკადრებში ჩანს სპეცდანიშნულების რაზმიც.

თავად ტელევიზია აღნიშნულ ვიდეოს აქვეყნებს მინაწერით – „კადრები, თუ საიდან გაიქცა დამნაშავე მას შემდგომ, რაც მან ბოლო სამი მძევალი გაათავისუფლა”.

ზუგდიდში 21 ოქტომბერს თავდამსხმელმა 40-ზე მეტი მძევალი აიყვანა, რის შემდეგაც ნახევარი მილიონი დოლარი და ვერტმფრენი მოითხოვა.

ბოროტმოქმედი შეიარაღებული იყო ავტომატითა და ხელყუმბარით. ის იმუქრებოდა მისი აფეთქებით, თუ სამართალდამცველები შენობის შტურმით აღებას გადაწყვეტდნენ. მძევლებს შორის იყვნენ ბანკის თანამშრომლები და კლიენტები.

ადგილზე ოპერატიულად მივიდა ზუგდიდის პოლიცია და სპეცრაზმი. მძევლების გათავისუფლებასთან დაკავშირებით მოლაპარაკებები გვიან საღამოს დასრულდა – როგორც შსს იუწყება, ყველა მძევალი თავისუფალია, ხოლო საგამოძიებო მოქმედებები გრძელდება.

412
თემები:
სახალისო და საინტერესო ვიდეოები (804)
„ნიჭიერის“ მონაწილე ბიძინა გამრეკელი მეუღლესთან ერთად

ასაკოვანი წყვილის ვიდეო, რომელიც სოცქსელების ჰიტად იქცა

940
(განახლებულია 16:54 12.10.2020)
პროექტ „ნიჭერის“ მონაწილეზე გადაღებული ვიდეო სოციალურ ქსელში მეორე დღეა განხილვის თემაა. ნახეთ რატომ გახდა ვიდეო ასეთი პოპულარული.

ვიდეოში 73 წლის მომღერალი ბიძინა გამრეკელი, რომელიც „ნიჭიერის“ პირველი ნახევარფინალისთვის ემზადება, მეუღლესთან ერთადაა გადაღებული.

ვიდეოში წყვილი შეხვედრის და დაოჯახების დეტალებს იხსენებს.

სოციალური ქსელების მომხმარებლები იმან გაახალისა, რომ კითხვაზე, რით მოიხიბლნენ შეხვედრისას, პასუხის დროს კაცს მეუღლე მის კარგ თვისებებს კარნახობს.

940
თემები:
სახალისო და საინტერესო ვიდეოები (804)
სასწრაფო დახმარების მანქანა

112-ში ზარიდან კოვიდ კლინიკამდე - რა გზას გადის პაციენტი

0
რუბრიკა „ფასილიტატორის“ სტუმარი ჯანდაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსი, ეკატერინე ადამია საუბრობს, თუ რა გზას გადის კოვიდდადასტურებული პაციენტი 112-ში ზარიდან კოვიდ-კლინიკაში ან კოვიდ-სასტუმროში მოხვედრამდე

გადავაბიჯეთ „წითელ ზონაში“... პანდემია ომზე ნაკლები არ არის, ამიტომ სამედიცინო ქსელი მაქსიმალურად უნდა იყოს მობილიზებული. ამ ეტაპზე მზარდია სტატისტიკა, მაგრამ ეს პროცესი დღემდე მართვადია და უნდა იყოს მართვადი...

ქვეყანაში თითქმის ყოველ დღე ცვლილებაა - ემატება კოვიდ სასტუმროები და კლინიკები, ადგილები PCR ტესტირებისთვის... ინფიცირების საერთო მაჩვენებელი ქვეყანაში 32 ათასს აჭარბებს. სლოგანი „დარჩით სახლში“ ისევ აქტუალური გახდა... და დარწმუნებით ვერავინ იტყვის, ვის რომელ გზაზე შეხვდება ვირუსი...

სად ტარდება PCR ტესტირება

COVID19-ით ინფიცირებულთა მატებასთან ერთად, იმატა PCR ტესტირების მსურველთა რაოდენობამაც. თუკი პირი სავალდებულო ტესტირების დადგენილ წესს არ ექვემდებარება, (არ აღენიშნება სიმპტომები და არ ჰქონდა ინფიცირებულთან კონტაქტი) მაგრამ სურს გაიკეთოს ტესტი, ამ შემთხვევაში, მან თავად უნდა მიმართოს იმ ლაბორატორიებს, სადაც PCR ტესტირება ტარდება.

როგორია სავალდებულო და საკუთარი გადაწყვეტილებით ტესტირებულთა თანაფარდობა, ეს ცნობები დაავადებათა კონტროლის ცენტრის სტატისტიკურ მონაცემებში არ არის ასახული.

PCR ტესტი საქართველოს მასშტაბით, შეგიძლიათ ჩაიტაროთ შემდეგ კლინიკებში: „ულტრამედი“, „მედისონი“, „მედკაპიტალი“, „ნეოლაბი“, „ციტო“, „ევექსი“, „გორმედი“, „ჯეოჰოსპიტალსი“, „ინფექციური პათოლოგიისა და იმუნოლოგიის ცენტრი“, „ონის სამედიცინო დაწესებულება“, „ზუგდიდი ინფექციური საავადმყოფო“.

ტესტის ღირებულება 110 ლარიდან 220 ლარამდე მერყეობს, გააჩნია პასუხის ვადებს; პასუხების მიღების ვადა 24-48 საათია. დაჩქარებული პასუხის მოთხოვნის შემთხვევაში, იზრდება თანხა, თუმცა, მცირდება დრო და ნაცხის აღებიდან რამდენიმე საათში, პასუხი მზადაა. ზოგიერთ ლაბორატორიაში, PCR ტესტის ასაღებად წინასწარ უნდა ჩაეწეროთ. თუმცა, შეგიძლიათ ისარგებლოთ ე.წ. ცოცხალი რიგითაც. ზოგიერთი ლაბორატორია უზრუნველყოფს ბინაზე მომსახურებასაც.

მაგალითად, მსურველებს აღნიშნულ სერვისს სთავაზობს ლაბორატორია „ციტო“. თუმცა, ამ შემთხვევაში, ტესტის ღირებულება 200 ლარს შეადგენს. პასუხის დამზადების მაქსიმალური დრო 24 საათია. ტესტის გაკეთების მსურველებს წინასწარ, ერთი კვირით ადრეც უწევთ თადარიგის დაჭერა.

ამჟამად, ქვეყანაში ჩატარებულია 851 ათასი PCR ტესტი და 441 ათასი სწრაფი ანტიგენზე და ანტისხეულებზე დამყარებული ტესტი.

რა გზას გადის კოვიდინფიცირებული ვირუსის დადასტურების შემდეგ - ვინ აფასებს ინფიცირებულის პირველად მდგომარეობას და ვინ წყვეტს სად განათავსონ პაციენტი – კლინიკაში, კოვიდსასტუმროსა თუ სახლში

კორონავირუსის დადასტურების შემდეგ მუშაობს შემდეგი სქემა: პირველი ნაბიჯი არის ონლაინ-კლინიკა. საქართველოში ჯერ კიდევ აპრილიდან პროცესში ჩაერთვნენ პირველადი ჯანდაცვის დაწესებულებები, რომლებსაც პირობითად ონლაინ-კლინიკები შევარქვით. პაციენტი უკავშირდება 112-ს და მისი ზარი გადამისამართდება შესაბამისი ონლაინ-კლინიკის ოჯახის ექიმთან. ონლაინ-კლინიკის ოჯახის ექიმები ადგილზე მართავენ ამ პაციენტს - იღებენ გადაწყვეტილებას, სჭირდება თუ არა მას ტესტირება. იმ შემთხვევაში, თუ პაციენტს ტესტირება არ სჭირდება და საჭიროა ბინაზე მეთვალყურეობა, ოჯახის ექიმები ახორციელებენ მეთვალყურეობას ორი კვირის განმავლობაში ყოველ მესამე, მეექვსე, მეცხრე დღეს, პაციენტთან დარეკვით. ხოლო თუ პაციენტი კოვიდ-დადებითია და ბინაზე მკურნალობს, ამ შემთხვევაში მას ექიმი ყოველდღიურად უკავშირდება.

რაც შეეხება ონლაინ-კლინიკის მიერ პაციენტის გადამისამართებას სხვადასხვა სამედიცინო დაწესებულებაში - თუ პაციენტის მდგომარეობა მსუბუქია, მაგრამ ბინაზე თვითიზოლაციის საშუალება არ აქვს, ის ხვდება კოვიდ-სასტუმროში, ხოლო თუ დაავადების მიმდინარეობა რთულია და მისი ბინაზე დატოვება არ შეიძლება, ის ხვდება კოვიდ-კლინიკებში. თუ ბინაზე მყოფი პაციენტის მდგომარეობა გაუარესდა, მას აუცილებლად გადაიყვანენ კოვიდ-კლინიკაში. კოვიდ-კლინიკაში გადაყვანილი პაციენტები იმართებიან ინფექციონისტების, ოჯახის ექიმების ან რეანიმატოლოგების მიერ, საჭიროების შესაბამისად.

სააგენტოსთან საუბრისას ჯანდაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსმა, ეკატერინე ადამიამ კითხვაზე, რა მოხდება იმ შემთხვევაში, თუ კოვიდ-კლინიკებში ადგილები აღარ დარჩება, განაცხადა, რომ ყველა მოქალაქეს ექნება შესაძლებლობა, სპეციალურ ვებგვერდზე პირადი ნომრით გაიგოს, ვინ არის მისი ოჯახის ექიმი. მისი თქმით, გაიზრდება კოვიდ-სასტუმროების რიცხვიც და არც ერთი ინფიცირებული უყურადღებოდ არ დარჩება.

„ქვეყანაში საწოლფონდის რაოდენობა უფრო ჭარბია, ვიდრე რეალურად ამის საჭიროება არსებობს. ინფიცირებულს, რომელიც მკურნალობას სახლში გადის, სულ მალე ექნება შესაძლებლობა, სპეციალურ ვებ-გვერდზე პირადი ნომრით გაიგოს, ვინ არის მისი ოჯახის ექიმი. თითოეულ მოქალაქეს გავაცნობთ ოჯახის ექიმებს და შესაბამისად, გავუზიარებთ მათ საკონტაქტო ნომრებს“ - განაცხადა ეკა ადამიამ.

კოვიდ 19-თან საბრძოლველად ქვეყანაში მობილიზებულია 44 სამედიცინო დაწესებულება. ამ დაწესებულებებში მობილიზებულია 3 ათას 700-მდე საწოლი. საწოლების და კლინიკების გადანაწილება ქვეყნის მასშტაბით არის შემდეგი: თბილისში მობილიზებულია 18 კლინიკა, საწოლების რაოდენობა არის 1 ათას 987, აჭარაში - 11 კლინიკა, საწოლების რაოდენობა 731, იმერეთში 10 კლინიკა 644 საწოლით, სამეგრელო-ზემო სვანეთში 2 კლინიკა 190 საწოლით, შიდა ქართლში ერთი კლინიკა 164 საწოლით, მცხეთა-თიანეთში ერთი კლინიკა 111 საწოლით და გურიაში ერთი კლინიკა 21 საწოლით.

აღსანიშნავია, რომ საქართველოში კორონავირუსით ინფიცირებულთა უმრავლესობა ბინაზე, ოჯახის ექიმების მეთვალყურეობის ქვეშ მკურნალობს. ბოლო მონაცემებით, 18 ათას 692 აქტიური შემთხვევიდან საავადმყოფოებში მკურნალობს 3 ათას 832 პაციენტი, კოვიდ-სასტუმროში იმყოფება 2 ათას 249 პირი, 12 ათას 611 კი მკურნალობის კურსს გადის ბინაზე.

სამედიცინო დაწესებულებებში ექიმები უკვე მეცხრე თვეა პანდემიას ებრძვიან. მათ დასახმარებლად, განათლების, მეცნიერების, კულტურისა და სპორტის მინისტრის, მიხეილ ჩხენკელის განცხადებით, სამედიცინო უნივერისტეტების უფროსკურსელები გადამზადდებიან და საჭიროების შემთხვევაში კოვიდის მართვაში დაეხმარებიან.

საქართველოში კორონავირუსით ინფიცირების შემთხვევების ზრდის მიუხედავად, სისტემური შეზღუდვების დაწესება არ იგეგმება.

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეებში ყოველდღიურმა მაჩვენებელმა თითქმის 2 ათასს მიაღწია.

უწყებათშორისი საკოორდინაციო საბჭოს გადაწყვეტილებით, ამ ეტაპზე ქვეყანაში წერტილოვანი შეზღუდვები მოქმედებს ცალკეულ დასახლებულ პუნქტებში, სადაც სიტუაცია ყველაზე მეტად საგანგაშოა. თბილისში, ქუთაისსა და მცხეთაში რესტორნები მუშაობის შეზღუდულ რეჟიმზე გადავიდნენ, მათ სტუმრების მომსახურება მხოლოდ ღამის 10 საათამდე შეუძლიათ. მანამდე ანალოგიური შეზღუდვა ამოქმედდა ბათუმში.

ბოლო მონაცემებით, საქართველოში ახალი კორონავირუსით დაავადებულთა რაოდენობა 32 ათასს აჭარბებს. სულ გამოჯანმრთელდა 12632 ადამიანი, გარდაიცვალა – 238, კარანტინის რეჟიმშია 3757, სტაციონარებში ექიმების დაკვირვების ქვეშ 3847 პაციენტია, ხოლო კოვიდ–სასტუმროებში 2238 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

0