ასე აგრილებს ნანკა კალატოზიშვილი ეზოს ბავშვებს

„ბავშვები ნელნელა მემატებიან“ ასე აგრილებს ნანკა კალატოზიშვილი ეზოს ბავშვებს ვიდეო

1061
(განახლებულია 15:37 17.06.2020)
ცნობილმა მსახიობმა ნანკა კალატოზიშვილმა შატბერაშვილის ქუჩაზე ეზოს ბავშვებს დღესასწაული მოუწყო. სოციალურ ქსელში ვიდეოს უამრავი გამოხმაურება აქვს.

თბილისის ზაფხულის სიცხისგან თავდასაცავად ნანკამ „ორიგინალურ“ ხერხს მიმართა – სასრიალოს თავში მოექცა, წყლით სავსე ჭურჭელი მოიმარაგა და ბავშვები რიგრიგობით გააგრილა.

„ბავშვები ნელნელა მემატებიან“, – წერს მსახიობი. როგორც ჩანს, „ინოვაციურმა“ მეთოდმა გაჭრა – ვიდეოში ჩანს, რომ გრილი სრიალის მოყვარულები ნელ-ნელა მრავლდებიან.

ვიდეოში ნანკას ვაჟი დანიელიც ჩანს, რომელიც მსახიობს ცნობილი კალათბურთელის ირაკლი კეიდიასგან ჰყავს.

ბიჭუნა დიდი პოპულარობით სარგებლობს და პერიოდულად ჩანს სხვადასხვა საბავშვო ბრენდის რეკლამებში.

1061
თემები:
სახალისო და საინტერესო ვიდეოები (799)
ქეიფი წყალში

„ერთი ეგ მწვადი აქეთ გამომაწოდე“ ქეიფი მდინარეში, რომელიც ჰიტად იქცა სახალისო ვიდეო

380
(განახლებულია 18:05 19.08.2020)
სოციალურ ქსელში პოპულარულია ვიდეო, სადაც რამდენიმე მამაკაცი მდინარეში ჩადგმულ სუფრასთან ქეიფობს. ორიგინალური ვიდეო ჰიტად იქცა.

ვიდეოში ჩანს, რომ მამაკაცები ასევე წყალში ჩადგმულ სკამებზე სხედან და ერთმანეთს სუფრიდან საჭმელს მდინარის საშუალებით აწვდიან.

„ერთი ეგ მწვადი აქეთ გამომაწოდე“ – მიმართავს თანამესუფრე მამაკაცი მეორეს, ეს უკანასკნელი კი მწვადით სავსე ჯამს მდინარის დინებას ატანს და ამ საშუალებით ხვდება ის თანამეინახესთან.

ვიდეოს უამრავი გაზიარება და კომენტარი ახლავს. სოციალური ქსელის მომხმარებლები მამაკაცების ასეთმა ქეიფმა ძალიან გაახალისა.

380
თემები:
სახალისო და საინტერესო ვიდეოები (799)
გოგონა უზარმაზარ ძაღლს ეცეკვება

პატარა გოგონა თავის უზარმაზარ და ფუმფულა ძაღლთან ვალსს ცეკვავს დაუჯერებელი ვიდეო

3269
(განახლებულია 17:26 22.07.2020)
სოციალურ ქსელში ვრცელდება ვიდეო, რომელმაც მნახველები შოკში ჩააგდო. ვიდეოში პატარა გოგონა საკუთარ ძაღლთან ერთად ცეკვავს.

ვიდეოს გოგონას დედა იღებს, რომელიც ემოციებს ვერ მალავს შვილისა და ძაღლის შემხედვარე.

ეს პატარა გოგონა მუსიკას უსმენდა, როდესაც ოტისი გადახტა მასთან საცეკვაოდ. ოტისმა გოგონას მხრებზე დაადო თათები და უკანა ფეხებზე დადგა.

პატარა გოგონა ბედნიერია თავის ფუმფულა ძაღლთან ცეკვით.

3269
თემები:
სახალისო და საინტერესო ვიდეოები (799)
ეკატერინე ტიკარაძე

ტიკარაძე: საქართველოში კორონავირუსით გარდაცვალების ასაკი გაახალგაზრდავდა

0
(განახლებულია 20:36 28.09.2020)
საქართველოში ცოტა ხნის წინ კორონავირუსით 32-ე პაციენტი გარდაიცვალა. 57 წლის მამაკაცს თანმხლები დაავადებები ჰქონდა.

თბილისი, 28 სექტემბერი – Sputnik. საქართველოში კორონავირუსით სიკვდილიანობა გაახალგაზრდავდა, განაცხადა საქართველოს ჯანდაცვის მინისტრმა ეკატერინე ტიკარაძემ.

ამირან გამყრელიძე: თბილისში კორონავირუსის ინფექცია აქტიურად არ ცირკულირებს >>

საქართველოში ცოტა ხნის წინ კორონავირუსით 32-ე პაციენტი  გარდაიცვალა. 57 წლის მამაკაცი რესპუბლიკურ საავადმყოფოში მკურნალობდა. დღესვე თბილისში გარდაიცვალა 57 წლის ქალი, აჭარაში - 65 და 70 წლის მამაკაცები. ექიმების განცხადებით, ყველა მათგანს თანმხლები დაავადებები ჰქონდათ.

„57 წლის მამაკაცი გარდაიცვალა თბილისში, რესპუბლიკურ საავადმყოფოში, მასაც აღენიშნებოდა თანმხლები დაავადებები, მაგრამ ჩვენ ვაკვირდებით, რომ არის გაახალგაზრდავებული სიკვდილიანობა“, – განაცხადა მინისტრმა.

რესპუბლიკური საავადმყოფოს დირექტორის, ლევან გოფოძის განცხადებით, პაციენტი დიალიზზე იმყოფებოდა.

მისივე თქმით, მიუხედავად იმისა, რომ პაციენტი თავდაპირველად ინტენსიური თერაპიის განყოფილებაში მოთავსდა, მისი მდგომარეობა კორონავირუსზე დართული გართულებების გამო დამძიმდა და ექიმებმა რეანიმაციულ განყოფილებაში მართვით სუნთქვაზე გადაიყვანეს.

ლევან გოფოძის თქმით, პაციენტის კლინიკური ნიშნები, განსაკუთრებით ბოლო ორი დღის განმავლობაში, გაუარესდა და ექიმებმა მისი გადარჩენა ვერ შეძლეს.

14 მოსწავლის ინფიცირების წყარო რეპეტიტორია: რა ვითარებაა სამეგრელოში >>

საქართველოში ახალი კორონავირუსით უკვე 32 ადამიანია გარდაცვლილი, აქედან 4 დღეს დაიღუპა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა 2054 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში