ბელა ჰადიდი და ქენდალ ჯენერის კოცნის სცენა

ბელა ჰადიდის და ქენდალ ჯენერის კოცნა განხილვის საგანი გახდა-ვიდეო

184
(განახლებულია 14:31 21.10.2019)
რამდენიმე დღის წინ ბელა ჰადიდმა 23 წლის იუბილე იზეიმა. დღე მოდელმა ოჯახის წევრებისა და უახლოესი მეგობრების გარემოცვაში გაატარა, რომლებმაც მას სოციალური ქსელების მეშვეობითაც განსაკუთრებულად მიულოცეს ეს დღე. მათ შორის აღმოჩნდა ქენდალ ჯენერიც, რომელსაც ბელასთან დიდი ხნის მეგობრობა აკავშირებს

„დაბადების დღეს გილოცავ სექსუალურო ბელა!“, - ამ ტექსტით გამოაქვეყნა მან ვიდეო, რომელზეც უკვე რამდენიმე დღეა ყველა საუბრობს. კადრი, რომელშიც გოგონები ერთმანეთს ტუჩებში კოცნიან, უამრავი ადამიანის განხილვის საგანი გახდა.

184
თემები:
სახალისო და საინტერესო ვიდეოები (881)
ზურა ბაკურაძის სიმღერა

„ცისფერი კესანები“ ტრაგიკულად გარდაცვლილი ზურა ბაკურაძის შესრულებით ვიდეო

837
(განახლებულია 20:35 23.06.2021)
ანსამბლ „ქართული ხმების" სოლისტი დღეს უბედურმა შემთხვევამ იმსხვერპლა. ზურა ბაკურაძე დედის დაკრძალვაზე რაჭაში იყო წასული.

„ქართული ხმების“ სოლისტი ზურაბ ბაკურაძე დღეს გარდაიცვალა.

უბედური შემთხვევა რაჭაში მოხდა, სადაც მომღერალი დედის დაკრძალვის გამო იყო ჩასული.

ონის მერიის ინფორმაციით, შქმერში გზა ჩავარდა. ზურაბ ბაკურაძე, რომელიც ამ ადგილზე ფეხით გადაადგილდებოდა, ხევჩი ჩავარდა. მძიმე ტრავმების გამო მისი გადარჩენა ვეღარ მოხერხდა.

837
თემები:
სახალისო და საინტერესო ვიდეოები (881)
მაიმუნი სეირნობს

მაიმუნი თბილისის ქუჩებში მანქანით სეირნობს სახალისო ვიდეო

127
(განახლებულია 17:53 23.06.2021)
სოციალური ქსელის მომხმარებელმა ბაჩო ქართველიშვილმა ველოსიპედით მგზავრობისას ერთ-ერთ მანქანაში მაიმუნი დააფიქსირა.

ვიდეოში ჩანს, რომ გმირთა მოედნის მიმდებარედ კაბაში გამოწყობილი ცხოველი მანქანის ფანჯარაზე ზის და ასე მგზავრობს.

მანქანაში, სავარაუდოდ, მისი პატრონი ზის, რომელსაც, თუ კარგად დააკვირდებით, მაიმუნი საბელზე ჰყავს გამობმული, თუმცა ცხოველი ალბათ ასეთ მგზავრობას ისეა მიჩვეული, თავი ძალიან ბუნებრივად უჭირავს.

127
თემები:
სახალისო და საინტერესო ვიდეოები (881)
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0