ძაღლს მახრჩობელა გველი შემოეხვია – ნახეთ რა მოიმოქმედეს ბიჭებმა – ემოციური ვიდეო
(განახლებულია 13:29 03.10.2019)
სოციალურ ქსელში პოპულარულია ვიდეო, რომელიც ემოციების გარეშე არ დაგტოვებთ.ვიდეოში ჩანს, როგორი თავგანწირვით ცდილობენ ბიჭები ძაღლი მახრჩობელა გველისგან გაათავისუფლონ.
„ბოკა ხუნიორსმა“ გამარჯვება დიეგო მარადონას შვილს მიუძღვნა – ემოციური ვიდეო
(განახლებულია 20:26 02.12.2020)
სოციალურ ქსელში პოპულარულია ვიდეო, სადაც მარადონას ქალიშვილის ემოციებია ასახული, როდესაც არგენტინელმა ფეხბურთელებმა გამარჯვება მას მიუძღვნეს.25 ნოემბერს ფეხბურთის არგენტინელი ლეგენდა დიეგო მარადონა 60 წლის ასაკში გულის შეტევით გარდაიცვალა.
მსოფლიოს 1986 წლის ჩემპიონი 2 ნოემბერს ბუენოს-აირესის კლინიკაში იყო გადაყვანილი. მას სასწრაფო ოპერაცია გაუკეთეს - ტვინის ზედაპირზე სისხლის შედედება, ჰემატომა ქირურგიული ჩარევით მოაშორეს. კლინიკიდან მარადონა 11 ნოემბერს გაწერეს.
„ჩემი კანონიერი შვილები დალმა და ჯანინა არიან, სხვები კი ჩემი ფულისა და შეცდომების შედეგი“, – ამბობდა დიეგო.
მოგვიანებით ყველა შვილი მიიღო. სამი მათგანი (ორი ქალისგან) კუბაზე დაიბადა, იმ პერიოდში, როცა დიეგო 2003-05 წლებში იქ მკურნალობდა.
სხვადასხვა სკანდალის შემდეგ დიეგომ ჟუნიორი (32 წლის) და ჯანაც (22 წლის) შვილებად აღიარა. კიდევ ერთი შვილი დიეგოს უცნობი ქალისგან ჰყავს.
გამოდის, რომ დიეგოს 8 შვილი დარჩა. „კიდევ სამი და საფეხბურთო გუნდი იქნება“, – იხუმრა ჯანინამ „ინსტაგრამზე“.
მელანია ტრამპმა თეთრი სახლი საშობაოდ მორთო – ნახეთ რა საოცარი გამოვიდა – ვიდეო
(განახლებულია 17:25 01.12.2020)
სოციალურ ქსელებში ძალიან პოპულარულია ვიდეო, სადაც ჩანს, როგორ მორთო აშშ-ის პირველმა ლედიმ თეთრი სახლი.შეერთებული შტატების პირველმა ლედიმ მელანია ტრამპმა თეთრი სახლი საშობაოდ მორთო. შესაბამისი ვიდეო კი „ფეისბუქზე“ გამოაქვეყნა.
„წლის ამ განსაკუთრებულ დროს მოხარული ვარ, რომ თქვენთან ერთად გავიზიარო ამერიკის მშვენიერება და პატივი მივაგო ჩვენი ერის სიდიადეს“, – დაწერა მელანიამ.
დონალდ ტრამპი თეთრ სახლს მაშინ დატოვებს, რაც, მისი თქმით, საარჩევნო კოლეგია ჯო ბაიდენს აირჩევს.
ამერიკული მასმედიის ცნობით, ჯო ბაიდენმა საარჩევნო კოლეგიაში 306 ხმა მოიპოვა, დონალდ ტრამპმა კი - 232. კოლეგიის წევრები 14 დეკემბერს შეიკრიბებიან. აშშ-ის პრეზიდენტობის კანდიდატს გამარჯვებისთვის კოლეგიის 270 ხმა სჭირდებოდა.
შაქარაშვილის მკვლელობაში ბრალდებულებმა სასამართლოს დარბაზი პროტესტის ნიშნად დატოვეს
თბილისი, 3 დეკემბერი – Sputnik. 19 წლის ფეხბურთელის, გიორგი შაქარაშვილის მკვლელობაში ხუთმა ბრალდებულმა სასამართლო დარბაზი პროტესტის ნიშნად დატოვა, რის გამოც პროცესი გადაიდო.
ვახტანგ ჩიქოვანს, მორაგბეებს - არჩილ გაგნიძესა და ნიკოლოზ რევაზიშვილს ორ სხვა არასრულწლოვან ბრალდებულთან ერთად ბრალი ედებათ შაქარაშვილის მკვლელობაში. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს. როგორც ექსპერტიზამ დაადგინა, 19 წლის ფეხბურთელის მიზეზი ასფიქსია გახდა - ის წყალში დაიხრჩო. გიორგი შაქარაშვილის ცხედარი ოთხდღიანი ძებნის შემდეგ 22 ივნისს მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე სიცოცხლეში უამრავი დაზიანება იყო მიყენებული.
©
Sputnik / STRINGER
ადვოკატ ბექა ნემსიწვერიძის თქმით, მიუხედავად იმისა, რომ იუსტიციის უმაღლესმა საბჭომ სასამართლოებს გაუარესებული ეპიდვითარების გამო საქმეთა განხილვის გადადების რეკომენდაცია მისცა, მოსამართლემ კიდევ ერთი დღე დაამატა და მას „ამ საქმის სწრაფად დახურვა სურს“.
„მიგვაჩნია, რომ სასამართლო შეგნებულად აჩქარებს ამ პროცესის განხილვას მიუხედავად იმისა, რომ ვადებში არ არის შეზღუდული, გამომდინარე იქიდან, რომ მათ აქვთ დავალება, რაც შეიძლება მალე დაამთავრონ ეს საქმე და მიიღონ ის უკანონო დავალება, რა დავალებაც აქვს მიცემული სასამართლოს. ბრალდებულებმა პროტესტის ნიშნად დატოვეს პროცესი და ადვოკატებს გვითხრეს, რომ სანამ მათთან არ გავივლით კონსულტაციას, არ გავაგრძელოთ მათი დაცვა“, – განაცხადა ადვოკატმა.
ბრალდების მხარე კი, თავის მხრივ, ბრალდებულთა საქციელს პროცესის გაჭიანურებას უკავშირებს. საქმის პროკურორის, დავით ყაზარაშვილის თქმით, ეს პირველი შემთხვევა არ არის, როდესაც ბრალდებულები საქმის განხილვის და მოწმეთა დაკითხვის ჩაშლას ცდილობენ. გარდა ამისა, პროკურორი მიიჩნევს, რომ შაქარაშვილის საქმეში არანაირი „პოლიტიკური მოტივი“ არ არსებობს.
„წინა სასამართლო პროცესზეც დატოვეს ბრალდებულებმა სხდომის დარბაზი. მათი ქმედებები მიმართულია პროცესის გაჭიანურებისკენ. დღეს სასამართლომ დაინახა დაცვის მხარის ქმედებები. აქედან გამომდინარე, მივესალმებით ამ გადაწყვეტილებას. რაც შეეხება პოლიტიკურ სარჩულს, ასეთ განცხადებებს ძალიან მრავლად აკეთებს დაცვის მხარე. მე მივაწერ უფრო დაცვის მხარის უსუსურობაზე, ვერ წარმოაჩენენ თავის პოზიციას დადებითად სასამართლო პროცესებზეც და გარეთაც, შემდეგ ცდილობენ, ვინმეს გადააბრალონ, თითქოს პოლიტიკური სარჩული აქვს ამ ყველაფერს“, – განაცხადა პროკურორმა.
საქმის შემდგომი არსებითი განხილვა მცხეთის რაიონულ სასამართლოში 7 დეკემბერს 11:00 საათზეა ჩანიშნული.
სასამართლოს წინაშე 100-ზე მეტი მოწმე უნდა წარდგეს.