თვითმკვლელი მე-13 სართულზე: კაცი სამი წლის შვილთან ერთად ცდილობდა გადმოხტომას

106
(განახლებულია 21:53 14.07.2021)
საცხოვრებელი კორპუსის მე-13 სართულის კარნიზზე მდგარი მამაკაცი, რომელსაც ხელში სამი წლის ბავშვი ეჭირა, მეზობელი კორპუსებიდან შენიშნეს და პოლიცია გამოიძახეს.

შემთხვევა 13 ივლისს მოხდა რუსეთის ქალაქ ირკუტსკში.

სამართალდამცველებთან ერთად შემთხვევის ადგილზე გამოცხადდნენ სამაშველო სამსახური და სასწარფო დახმარების ბრიგადები.

გავრცელებული ინფორმაციით, ეს რომან ტერენტიევი იყო, რომელიც მთელი სამი საათის განმავლობაში იმუქრებოდა ბავშვთან ერთად გადმოხტომით, თუ მისი მეუღლე შინ არ დაბრუნდებოდა.  შეშინებული ბიჭუნა ტიროდა და მამას ეხუტებოდა, თუმცა კაცი დანებებას არ აპირებდა.

სანამ მასთან მოლაპარაკებები მიმდინარეობდა, მაშველებმა კორპუსის ძირში ეგრეთ წოდებული სიცოცხლის კუბი გაშალეს — ბალიში, რომელიც ვარდნას არბილებს.

საბოლოოდ ტერენტიევი მოლაპარაკებებს დაჰყვა, ბავშვი ბინაში დააბრუნა, თავად კი ისევ კარნიზზე გადმოდგა. სწორედ ამ მომენტში სახლში სწრაფი რეაგირების სპეცრაზმი შეიჭრა და ტერენტიევი დააკავა. ახლა მას ათ წლამდე თავისუფლების აღკვეთა ემუქრება.

106

თმა როგორც სასუქი: ლონდონელები შეჭრილი თმებით მცენარეებს ახარებენ - ვიდეო

33
(განახლებულია 15:56 01.08.2021)
ლონდონელ სტილისტებს შორის პოპულარული ხდება სილამაზის სალონში დაგროვილი ნარჩენების გადასამუშავებლად გაგზავნა. გარდა პლასტიკისა და მეტალისა, მეორე სიცოცხლეს თმაც იძენს: მათგან მზადდება კარგი სასუქი, ასევე, თმის საშუალებით შესაძლებელია წყლის ნავთობისაგან გაწმენდა

ექსპერტებს მიაჩნიათ, რომ კილოგრამ თმას შეუძლია რვა ლიტრამდე საწვავის შეწოვა. ამ თვისებას იყენებდნენ, მაგალუთად, როდესაც მავრიკიის სანაპიროებზე 2020 წლის აგვისტოში იაპონური ტანკერი ჩაიძირა.

მაღალი დოზით აზოტის შემცველობის წყალობით, თმა ეფექტურ სასუქად იქცა. ამგვარი მეთოდის მომხრე მებაღეები აღნიშნავენ, რომ თმა იცავს მცენარეებს, ეხმარება მათ ფესვებს სინოტივის შენარჩუნებაში და იცავს შლაკებისა და ლოკოკინებისგან.

33

არეულობა „მწვანე პასპორტის“ გამო იტალიის პარლამენტში - ვიდეო

32
იტალიის პარლამენტში „მწვანე პასპორტის“ განხილვა დაპირისპირებით დასრულდა. ერთ-ერთმა ოპოზიციონერმა დეპუტატმა კანონპროექტის საქაღალდე ხელში აიტაცა და დარბაზიდან გაიქცა

სანამ პარლამენტის დაცვა მას მისდევდა დოკუმენტის დასაბრუნებლად, ოპოზიციონერები დარბაზის ცენტრში განლაგდნენ პლაკატებით „არა მწვანე პასპორტს!“.

მსგავსი დოკუმენტის დამტკიცების შედეგად, ოპოზიციონერები მიიჩნევენ, რომ დაირღვევა მოქალაქეების ძირითადი უფლებები და თავისუფლება.

32
ირაკლი ღარიბაშვილი და რეჯეფ თაიიფ ერდოღანი

რა საკითხები განიხილეს ღარიბაშვილმა და ერდოღანმა სატელეფონო საუბრისას

0
(განახლებულია 21:02 01.08.2021)
სატელეფონო საუბრისას ღარიბაშვილმა და თურქეთის პრეზიდენტმა აზერბაიჯანი-საქართველო-თურქეთის სამმხრივი თანამშრომლობის ფორმატის განვითარების პერსპექტივასა და მნიშვნელობაზეც გაამახვილეს ყურადღება.

თბილისი, 1 აგვისტო - Sputnik. საქართველოს პრემიერ-მინისტრ ირაკლი ღარიბაშვილსა და თურქეთის რესპუბლიკის პრეზიდენტს რეჯეფ თაიიფ ერდოღანს შორის სატელეფონო საუბარი შედგა. ამის შესახებ ინფორმაციას მთავრობის ადმიმისტრაცია ავრცელებს.

უწყების ცნობით, ღარიბაშვილმა რეჯეფ თაიიფ ერდოღანს თურქეთში ხანძრების შედეგად გამოწვეული მსხვერპლისა და ზიანის გამო საქართველოს მთავრობისა და ქართველი ხალხის სახელით თანაგრძნობა კიდევ ერთხელ გამოუცხადა და მხარდაჭერა აღუთქვა.

როგორც განცხადებაშია აღნიშნული, საქართველოს პრემიერ-მინისტრმა შესაბამის უწყებებს უკვე დაავალა, საჭიროების შემთხვევაში, მეგობარ და სტრატეგიულ პარტნიორ თურქეთის რესპუბლიკას სათანადო დახმარება აღმოუჩინონ.

სატელეფონო საუბრისას ყურადღება გამახვილდა ასევე ღარიბაშვილის სახელმწიფო ვიზიტზე ანკარაში, რომელიც 1 ივნისს შედგა. ადმინისტრაციის ცნობით, ხაზი გაესვა მაღალი დონის სტრატეგიული საბჭოს სხდომის ახლო მომავალში გამართვის აუცილებლობას, რომელიც ორმხრივი დღის წესრიგის აქტუალური საკითხების განხილვისთვის უმნიშვნელოვანეს ფორმატს წარმოადგენს.

საქართველოს მთავრობის მეთაურმა რეჯეფ თაიიფ ერდოღანს მაღალი დონის მასპინძლობისთვის მადლობა გადაუხადა, ერდოღანმა კი ღარიბაშვილი თურქეთში კიდევ ერთხელ მიიწვია.

უკვე რამდენიმე დღეა თურქეთში ხანძარი მძვინვარებს. ცეცხლი გადავიდა დასახლებულ პუნქტებში, მოედო საცხოვრებელ უბნებსა და სასტუმროებს. განსაკუთრებით მძიმედაა სიტუაცია ადანაში, სადაც ტყის ხანძრის ექვსი კერაა, ხოლო ანტალიასა და მერსინში - ოთხ-ოთხი. ხანძარს ვერ გადაურჩა ისეთი პოპულარული კურორტები, როგორიცაა ბოდრუმი და მარმარისი.

ბოლო ცნობებით, ხანძრების შედეგად დაზარალდა 42 დასახლებული პუნქტი, 27 უკვე ევაკუირებულია. ხანძრის შედეგად დაიღუპა მინიმუმ ექვსი ადამიანი, დაშავებულია დაახლოებით 200.

თურქეთმა დიპლომატიური ურთიერთობები საქართველოსთან 1992 წელს დაამყარა. ქვეყნები თანამშრომლობენ ვაჭრობის, ეკონომიკის, ენერგეტიკის, რეგიონული უსაფრთხოების, განათლების სფეროებში და მიიჩნევენ, რომ სტრატეგიულად მნიშვნელოვანი პარტნიორები არიან.

0
თემები:
საქართველოს საგარეო პოლიტიკა