პატარა მამაცი კიბორჩხალა ლომების წინააღმდეგ - ვიდეო

143
სამხრეთ აფრიკულ რესპუბლიკა მალა-მალას ნაკრძალში პატარა კიბორჩხალა ლომებს არ შეუშინდა და მამაცურად შეეწინააღმდეგა

ვიდეო გადაიღეს რეინჯერებმა რუჯერო ბარეტომ და რობინ სიუელმა. ისინი დილით ლომების საძებნელად წავიდნენ, რომლებიც მდინარის ახლოს იპოვეს. „გადავწყვიტეთ გვიან მოვბრუნებულიყავით, როდესაც ლომები გაიღვიძებდნენ. როდესაც წამოსვლა გადავწყვიტეთ, შევნიშნეთ, რომ ერთ-ერთი ლომი გაჩერდა და ინტერესით დაუწყო რაღაცას ყურება. აღმოჩნდა, რომ ეს  კიბორჩხალა იყო“, - განაცხადეს რეინჯერებმა.

კიბორჩხალა ნაპირზე მიღწევას ცდილობდა და ლომებს გადააწყდა. კადრებში ჩანს, როგორ დგება კიბო საბრძოლო პოზიციაში. ამ მომენტში ნადირმა გადაწყვიტა არ გაერისკა, ამიტომ წამოწვა და ყურება განაგრძო. როდესაც კიბორჩხალა დარწმუნდა, რომ მოწინააღდეგე ნეიტრალიზებული იყო, მშვიდად განაგრძო გზა.

რამდენიმე წამში მის გარშემო კიდევ ოთხმა ლომმა მოიყარა თავი, თუმცა კიბორჩხალამ მათ ყურადღება არ მიაქცია და ბალახებში გაუჩინარდა.

143

სიცილიის სანაპიროზე ღვინის ამფორებით დატვირთული ძველრომაული ხომალდი იპოვეს - ვიდეო

30
წყალქვეშა რობოტმა ფოტოები გადაუღო ჩაძირულ ხომალდს და ამფორებს, რომლებიც ჩვენს ერამდე მეორე საუკუნით თარიღდება

ხმელთაშუა ზღვაში, პალერმოს სანაპიროსთან ძელრომაული ხომალდი აღმოაჩინეს. ჩაძირულ გემს გადაქონდა ღვინის ამფორები.

ხომალდი ქალაქ იზოლა-დელა-ფემინის მახლობლად, 92 მეტრის სიღრმეზე მდებარეობს.

წყალქვეშა რობოტის საშუალებით, შესაძლებელი გახდა ხომალდის პირველი სურათების გადაღება.

სიცილიის ხელისუფლებაში აცხადებენ, რომ ეს აღმოჩენა ბოლო წლებში ერთ-ერთი უმნიშვნელოვანესია. მისი დახმარებით, გაირკვევა, თუ როგორ ვაჭრობდა რომი ხმელთაშუა ზღვაში და როგორ იგებოდა იმ დროში ხომალდები.

ერთი კვირით ადრე იპოვეს კიდევ ერთი რომაული ხომალდი, რომელსაც ასევე ღვინო გადაქონდა. ის კუნძულ უსტიკას მახლობლად 70 მეტრის სიღრმეზე აღმოაჩინეს. გემი ასევე თარიღდება ჩვენს წელთაღრიცხვამდე მეორე საუკუნით.

30

ძლიერი მიწისძვრა ალასკაზე: ამერიკა ცუნამის მოლოდინში ვიდეო

91
(განახლებულია 20:25 29.07.2021)
ჩრდილოეთ ამერიკაში, ალასკის სანაპიროზე მომხდარი 8,2 მაგნიტუდის სიმძლავრის მიწისძვრა 1964 წლის შემდეგ ყველაზე ძლიერია.

1964 წლის მარტში მომხდარი მიწისძვრა 9,2 ბალიანი იყო.

სააგენტო „ფრანს–პრესის“ ცნობით, 1964 წლის მიწისძვრამ დაანგრია ქალაქი ანკორიჯი და გამოიწვია ცუნამი, რომელიც თავს დაატყდა ალასკას, აშშ-ის დასავლეთ სანაპიროს და ჰავაის. სტიქიას 250-ზე მეტი ადამიანი ემსხვერპლა.

დღევანდელი მიწისძვრის შემდეგ ამერიკაში ცუნამის საშიშოება გამოცხადდა. მოგვიანებით საფრთხე გაუქმდა გუამში, ჰავაისა და ზოგიერთ კუნძულზე, თუმცა საშიშროება კვლავ აქტუალურია ალასკისთვის და ალეუტის კუნძულებისთვის. ცუნამის საფრთხის ქვეშ მყოფ ზონებში მცხოვრებ ადამიანებს ხელისუფლებამ ევაკუაციისკენ მოუწოდა.

91
ვარლმ ლიპარტელიანი ტოკიოს ოლიმპიადაზე

საქართველოს ნაკრების მეექვსე დღეს ტოკიოს ოლიმპიადაზე - შედეგები

0
ტოკიოს ოლიმპიადის მეექვსე დღეს ქართველი გულშემატკივრებისთვის დადებითი ემოციები არ მოუტანია. პრაქტიკულად ყველა ელოდა, რომ ძიუდოში ვარლამ ლიპარტელიანი მედალს აიღებდა, მაგრამ იმედები იმედებად დარჩა.

ვარლამ ლიპარტელიანი - ძიუდო (-100 კგ)

Дзюдоист Варлам Липартелиани а Олимпиаде в Токио
photo : Georgian National Olympic Committee
ვარლმ ლიპარტელიანი ტოკიოს ოლიმპიადაზე

რიო-დე-ჟანეიროს ოლიმპიადაზე (2016) ლიპარტელიანი, რომელმაც ვერცხლის მედალი აიღო, ტიროდა კვარცხლბეკზე. ტოკიოში საქართველოს ნაკრების კაპიტანი მხოლოდ ოქროს მედალს ელოდებოდა, და ამისათვის ყველა პირობა არსებობდა. მაგრამ ბედმა ყველაფერი სხვაგვარად განკარგა.

32 წლის ლიპოსთვის ტურნირი შესანიშნავად დაიწყო - ორი წმინდა მოგება ეგვიპტელ რამადან დარვიშთან და კანადელ შადი ელნაჰასთან. მაგრამ ნახევარფინალში ქართველი სპორტსმენი იაპონელ ძიუდოისტ აარონ ვოლფთან დამარცხდა.

კიდევ არსებობდა ბრინჯაოს მედლის აღების შანსი, მაგრამ მესამე ადგილისთვის ბრძოლაში ლიპარტელიანი რუს ნიაზ ილიასოვთან დამარცხდა.

ნინო სალუქვაძე - პისტოლეტით სროლა, 25 მ

Нино Салуквадзе на Олимпиаде в Токио
ნინო სალუქვაძე ტოკიოს ოლიმპიადაზე

ტოკიოს თამაშებზე ნინო სალუქვაძე ერთხელ უკვე წარდგა, მაგრამ მისი შედეგი საუკეთესოსგან შორს იყო. სეულის ოლიმპიურმა ჩემპიონმა (1988) სუსტად იასპარეზა 10 მეტრიან დისტანციაზე პნევმატური პისტოლეტიდან სროლის კვალიფიკაციაში და ფინალში მოხვედრა ვერ შეძლო.

სალუქვაძეს აქვს მედლის აღების მეორე შანსი - 25 მეტრიან დისტანციაზე სროლა სპორტული პისტოლეტით. პირველ კვალიფიკაციაში (სამი მისვლა ათ-ათი გასროლით) ლეგენდარულმა ქართველმა სპორტსმენმა დააგროვა 291 ქულა (94, 98, 99) და შემაჯამებელ ოქმში მეშვიდე ადგილი დაიკავა.

მეორე კვალიფიკაცია (სწრაფი სროლა) 30 ივლისს შედგება. ორივე კვალიფიკაციის შედეგების ჯამის მიხედვით ფინალში რვა საუკეთესო მსროლელი მოხვდება. სპორტის ამ სახეობაში მედლები ამავე დღეს გათამაშდება.

30 ივლისს საქართველოს ნაკრებს ოლიმპიადაზე წარადგენს ოთხი სპორტსმენი: გურამ თუშიშვილი (ძიუდო), ესკერხან მადიევი (კრივი), სოფია შათირიშვილი (მძლეოსნობა, ბირთვის კვრა) და ნინო სალუქვაძე.

0