აქცია ტარიფების ზრდის წინააღმდეგ: თბილისში გაზსა და შუქზე ფასები გააპროტესტეს

გამოწერა
ენერგეტიკისა და წყალმომარაგების მარეგულირებელი ეროვნული კომისიის (GNERC) ოფისთან საპროტესტო აქცია გაიმართა ბუნებრივ აირზე გადასახადის მატების წინააღმდეგ.

კომისიის ოფისთან შეკრებილ ათამდე აქტივისტს ეჭირა პლაკატები წარწერებით: „კმარა ხალხის ძარცვა!“, „ხალხი და სახელმწიფო ვალებში იხრჩობა, მთავრობა და პარლამენტი — ფულში!“

აქტივისტთა უკმაყოფილების მიზეზი ის გახდა, რომ კომპანია „თბილისი ენერჯიმ“ 1 ივნისიდან გაზზე ტარიფი გაზარდა. თბილისელები ერთ კუბომეტრ ბუნებრივ აირზე ამიერიდან 53,972 თეთრს გადაიხდიან ნაცვლად 46,138 თეთრისა.

რაც შეეხება ელექტროენერგიას, მასზე ტარიფი ბოლოს 1 იანვარს გაიზარდა. ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, საქართველოს მოსახლეობისთვის ტარიფი 1 კვტ/სთ-ზე 3,5 თეთრით გაიზარდა და საშუალო 26,537 თეთრი შეადგინა ელექტროენერგიის დანახარჯის შესაბამისად.

ყველა ახალი ამბავი
0