ზედაპირზეც და სიღრმეშიც: მარმარილოს ზღვა ლორწომ დაფარა - ვიდეო

100
(განახლებულია 08:57 07.06.2021)
მარმარილოს ზღვა გელის მსგავსი ნივთიერებით, ლორწოთი დაიფარა, რის გამოც წყალში მნიშვნელოვნად შემცირდა ჟანგბადის დონე. იხილეთ ვიდეო, რა მდგომარეობაა ამ მომენტისთვის ზღვაზე

ინფორმაცია იმის შესახებ, რომ მარმარილოს ზღვა ლორწოთი დაიფარა, პარასკევს გავრცელდა. გელის მსგავსი ნივთიერება წყლის სიღრმეშიც შეინიშნება.

თურქი მეცნიერების თქმით, მსგავსი მასშტაბის მოვლენა მანამდე არ დაფიქსირებულა. ამ დროისათვის ზღვის წყალში ჟანგბადის დონე მნიშვნელოვნადაა შემცირებული. 

 

დაბინძურების წყაროს აღმოსაჩენად 300-კაციანი ჯგუფი ატარებს შემოწმებას მარმარილოს ზღვის 90-ზე მეტ წერტილში.

100

ვლადიმირ პუტინი ჟენევაში ჯო ბაიდენთან მოლაპარაკებებზე ჩავიდა ვიდეო

34
(განახლებულია 21:41 16.06.2021)
რუსეთის პრეზიდენტი ვლადიმირ პუტინი აშშ-ის პრეზიდენტთან ჯო ბაიდენთან მოლაპარაკებებს ჟენევაში გამართავს.

მათი პირველი შეხვედრის ადგილად ჟენევის ვილა ლა გრანჟი შეირჩა.

მანამდე კრემლში აცხადებდნენ, რომ მოლაპარაკებები სამი ნაწილისგან შედგება, რომელთა შორისაც ორი ხანმოკლე შესვენება გაიმართება. წინა დღეს გავრცელდა ინფორმაცია, რომ შეხვედრა 4 საათსა და 45 წუთს გასტანს.

რუსულ დელეგაციაში შედიან რუსი დიპლომატი იური უშაკოვი, საგარეო საქმეთა მინისტრი სერგეი ლავროვი, პრეზიდენტის პრეს-მდივანი დმიტრი პესკოვი, რუსეთის ელჩი აშშ-ში ანატოლი ანტონოვი, რუსეთის სამხედრო ძალების გენშტაბის ხელმძღვანელი ვალერი გერასიმოვი და საგარეო საქმეთა მინისტრის მოადგილე სერგეი რიაბკოვი. ასევე მიწვეული იყვნენ პრეზიდენტის ადმინისტრაციის ხელმძღვანელის მოადგილე დმიტრი კოზაკი და პრეზიდენტის სპეცწარმომადგენელი სირიის საკითხებში ალექსანდრ ლავრენტიევი.

სამიტი 2018 წლის შემდეგ იქნება პირველი, როდესაც პუტინი მოლაპარაკებებს გამართავს აშშ-ის პრეზიდენტთან.

34

ნიუ-იორკში ქალაქის მკვიდრთა 70%-ის კორონავირუსზე ვაქცინაცია ფეიერვერკით აღნიშნეს ვიდეო

24
(განახლებულია 20:20 16.06.2021)
ქალაქში უკვე უქმდება საკარანტინო შეზღუდვების უმეტესობა, პირბადის ტარების ვალდებულება ძალაში რჩება სკოლებსა და საავადმყოფოებში.

ნიუ-იორკის ხელისუფლებამ სამშაბათს, 15 ივნისს მოსახლეობის 70%-ში კორონავირუსის ვაქცინის მინიმუმ ერთი დოზის მიღება აღნიშნა. ქალაქში საკარანტინო შეზღუდვები შემსუბუქდა.

აღსანიშნავია, რომ ფეიერვერკი დაახლოებით 20 წუთის განმავლობაში გრძელდებოდა და ნიუ-იორკის მკვიდრთათვის და ქალაქის სტუმრებისთვის ნამდვილ სიურპრიზად იქცა.

„რას ნიშნავს 70%? ეს ნიშნავს, რომ ახლა შეგვიძლია ჩვეულ ცხოვრებას დავუბრუნდეთ“, – განაცხადა ქალაქის მერმა ენრიუ კუომომ.

მან დაამატა, რომ ახლა კინოთეატრებს აღარ მოუწევთ სტუმრებს შორის ცარიელი ადგილების დატოვება, რესტორნები კლიენტებს უარს აღარ ეტყვიან ორ მეტრზე ახლოს დაჯდომაზე, მაღაზიებში კი კლიენტთა რაოდენობა აღარ შეიზღუდება.

მიუხედავად ამისა, ნიუ-იორკელებს კვლავ მოუწევთ პირბადის გაკეთება სკოლებში, მეტროში, სტადიონებზე, უსახლკაროთა თავშესაფრებში, საავადმყოფოებში, მოხუცთა თავშესაფრებსა და ციხეებში.

ევროკავშირი და აშშ მსოფლიო მოსახლეობის ორი მესამედის ვაქცინირებას გეგმავენ.

მანამდე ყველა საკარანტინო ზომა გაუქმდა ვერმონტის შტატში, სადაც მოსახლეობის 80%-ზე მეტია ვაქცინირებული. ამასთან დაკავშირებით გუბერნატორმა გააუქმა საგანგებო მდგომარეობა, რომელიც ჯერ კიდევ 2020 წლის 13 მარტს გამოცხადდა.

24
აშშ-ის და რუსეთის პრეზიდენტები

პუტინმა და ბაიდენმა ჟენევის სამიტის შემდეგ ერთობლივი განცხადება გაავრცელეს

0
რუსეთის პრეზიდენტ ვლადიმირ პუტინისა და აშშ-ის პრეზიდენტ ჯო ბაიდენის შეხვედრა ჟენევაში სამ საათ-ნახევარი გაგრძელდა.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა და აშშ-ის პრეზიდენტმა ჯო ბაიდენმა ჟენევის სამიტის შემდეგ ერთობლივი განცხადება გააკეთეს, იუწყება РИА Новости.

დოკუმენტი ეძღვნება სტრატეგიული სტაბილურობის საკითხებს.

„რუსეთმა და აშშ-მ აჩვენეს, რომ დაძაბულობის პერიოდებშიც შესწევთ უნარი, მიაღწიონ პროგრესს სტრატეგიულ სფეროში წინასწარი გათვლების უზრუნველსაყოფად, შეიარაღებული კონფლიქტების რისკებისა და ბირთვული ომის საფრთხის შემცირებასთან  დაკავშირებული ერთობლივი მიზნების რეალიზაციის საქმეში“, - ნათქვამია განცხადებაში.

მაგალითის სახით მითითებულია „სტრატეგიული შეიარაღების შეზღუდვის შესახებ“ (СНВ) შეთანხმების ამასწინანდელი გაგრძელების ფაქტი.

„დღეს ჩვენ ვადასტურებთ იმ პრინციპისადმი ერთგულებას, რომლის თანახმად, ბირთვულ ომში არ შეიძლება იყოს გამარჯვებული და ის არასდროს არ უნდა გაჩაღდეს“, - აღნიშნულია ერთობლივ განცხადებაში.

ორი ქვეყნის ლიდერებმა გამოაცხადეს, რომ დაიწყება კომპლექსური დიალოგი სტრატეგიული სტაბილურობის საკითხზე, რომელმაც საფუძველი უნდა ჩაუყაროს მომავალ კონტროლს შეიარაღებაზე.

სტრატეგიული სტაბილურობისათვის საკვანძო შეთანხმება СНВ-3 ამოქმედდა 2011 წლის 5 თებერვალს. ეს ერთადერთი მოქმედი შეთანხმებაა შეიარაღების შემცირებაზე რუსეთსა და აშშ-ს შორის და თითოეული ქვეყნისთვის ლიმიტს აწესებს: 700 კონტინეტთშორისი ბალისტიკური რაკეტა, ბალისტიკური რაკეტები წყალქვეშა ნავებსა და მძიმე ბომბდამშენებზე, ასევე 1550 ქობინი, 800 განთავსებული და განუთავსებელი გამშვები დანადგარი.

მხარეებმა დასახულ მიზანს მიაღწიეს და არსენალი შეთანხმებაში მითითებულ ოდენობას არ აჭარბებს. 2021 წლის დასაწყისში, აშშ-ის სათავეში ჯო ბაიდენის ადმინისტრაციის მოსვლის შემდეგ, შეთანხმება უცვლელად ხუთი წლით გახანგრძლივდა. წინა ადმინისტრაცია შეთანხმების გაგრძელებას ბოლომდე აჭიანურებდა, რაც სტრატეგიული სტაბილურობის მთელ სისტემას ნგრევის საფრთხეს უქმნიდა.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

 

0