კორონავირუსი საქართველოში: საზოგადოებრივმა ტრანსპორტმა კვლავ შეწყვიტა მუშაობა ვიდეო

102
(განახლებულია 21:01 04.05.2021)
თბილისსა და სხვა ქალაქებში მუნიციპალურმა ტრანსპორტმა პანდემიის გამო მუშაობა კვლავ შეაჩერა. იხილეთ „Sputnik-საქართველოს“ ვიდეოში ავტობუსების სადგომზე დრონით გადაღებული კადრები.

დასვენების დღეებში მეტროს, ავტობუსებისა და სამარშუტო ტაქსების გაჩერების გადაწყვეტილება ხელისუფლებამ კორონავირუსის გავრცელების შემცირების მიზნით მიიღო.

შეზღუდვა 12 მაისის ჩათვლით იქნება ძალაში, თუმცა ის საქალაქთაშორისო ტრანსპორტზე არ ვრცელდება. მგზავრთნაკადის შემცირების მიზნით 4-11 მაისი დასვენების დღეებად გამოცხადდა, რის გამოც ქალაქში კერძო ტრანსპორტსა და ტაქსებზე მოთხოვნა გაიზარდა.

საზოგადოებრივი ტრანსპორტი სრულად 2020 წლის 28 ნოემბერსაც გაჩერდა. მუშაობა ქალაქის ავტობუსებმა და სამარშუტო ტაქსებმა 2021 წლის 8 თებერვლიდან განაახლეს. საქალაქთაშორისო მიმოსვლა კი მოგვიანებით აღდგა. 27 თებერვლიდან მუშაობა დაიწყო „საქართველოს რკინიგზამაც“.

საქართველოში კორონავირუსის მესამე ტალღაა. გუშინ გამოვლინდა ინფიცირების 988 შემთხვევა. პანდემიის დაწყებიდან საქართველოში 313 ათასზე მეტი შემთხვევა დაფიქსირდა, მათგან 298 ათასი გამოჯანმრთელდა, 4.151 გარდაიცვალა. კოვიდ-ინფიცირების პირველი შემთხვევა საქართველოში 2020 წლის 26 თებერვალს გამოვლინდა.

102

პროტესტი და ცრემლსადენი გაზი: ანტისამთავრობო აქციები კოლუმბიაში

7
(განახლებულია 18:24 06.05.2021)
კოლუმბიაში პოლიციამ ანტისამთავრობო რვადღიან მიტინგებზე ცრემლსადენი გაზი და წყლის ჭავლი გამოიყენა

მასობრივი საპროტესტო აქციები, რაც საგადასახადო რეფორმებმა გამოიწვია, ახლა უფრო ფართო პრობლემებისკენ - კორუფციის, უმუშევრობის და უთანასწორობისკენ მიიმართა.

ბოლო რამდენიმე დღის განმავლობაში დემონსტრაციებზე მინიმუმ 24 ადამიანი დაიღუპა, ასობით ადამიანი კი დაშავდა.

7

აღმოსავლეთი–დასავლეთის ავტომაგისტრალზე დასაქმებულმა მუშებმა აქცია გამართეს ვიდეო

9
(განახლებულია 15:31 06.05.2021)
აღმოსავლეთი–დასავლეთის ავტომაგისტრალის ერთ-ერთ მონაკვეთზე დასაქმებული მუშები ხელფასის 30 პროცენტით გაზრდის მოთხოვნით გაიფიცნენ.

მათი განცხადებით, რთული სამუშაოს შესრულება მიზერული ანაზღაურების სანაცვლოდ უწევთ. საკვებისა და ტრანსპორტის ხარჯს თავად იხდიან და ლარის გაუფასურების პირობებში ოჯახს ამ ხელფასით ვერ არჩენენ.

გაფიცული მუშები მოთხოვნების შესრულებამდე აქციების შეწყვეტას არ აპირებენ. ჩინური კომპანია „ჰუნანის“ გზებისა და ხიდების სამშენებლო ჯგუფის წარმომადგენლები საკითხის გადაწყვეტისთვის ერთ კვირას ითხოვენ.

9
რუსუდან კერვალიშვილი

კერვალიშვილი: როცა საპატიმროში შევედი, მაია დავინახე, კუთხეში იჯდა

0
(განახლებულია 17:02 06.05.2021)
ყოფილი დეპუტატი, სამშენებლო კომპანია „ცენტრ პოინტ გრუპის“ ერთ-ერთი დამფუძნებელი რუსუდან კერვალიშვილი იხსენებს საპატიმროში დასთან, მაია რჩეულიშვილთან შეხვედრის მომენტს.
კერვალიშვილი: როცა საპატიმროში შევედი, მაია დავინახე, კუთხეში იჯდა
„საპატიმროში შესვლა ჩემთვის განსაკუთრებული განცდა იყო -  ჩვენი ოთახის კუთხეში იჯდა მაია. როდესაც კარები დაიხურა, მომეცა საშუალება, მასთან მივსულიყავი. ამას ვნატრობდი მთელი 9 თვის განმავლობაში. მაიას წინაშე დანაშულის შეგრძნება მქონდა, რადგან ჩვენ ერთად ვაკეთებდით საქმეს. პირველი შეგრძნება მქონდა ასეთი - „მაია, მე მოვედი, ჩვენ ერთად ვართ“. მაია დაფეთებული დამხვდა, მოულოდნელი იყო მისთვის ჩემი დაკავება“, -ამბობს კერვალიშვილი.

დებს – სამშენებლო კომპანია „ცენტრ პოინტ გრუპის“ დამფუძნებლებს რუსუდან კერვალიშვილსა და მაია რჩეულიშვილს  2004–2009 წლებში ამხანაგობა „თაბუკაშვილი 88"-ის მენაშენეთა თანხებიდან 11 მლნ ლარის მითვისებისთვის  4–4 წლით თავისუფლების აღკვეთა შეეფარდათ. კერვალიშვილი 2017 წლის 31 მარტს სასამართლო დარბაზში დააკავეს. რჩეულიშვილი კი იმ დროისთვის უკვე პატიმრობაში იმყოფებოდა სხვა საქმეზე – აჭარაში საცხოვრებელი კომპლექსის მშენებლობისას თანხების მითვისებაზე.

კერვალიშვილმა ოთხწლიანი სასჯელი სრულად მოიხადა და პენიტენციური დაწესებულება მიმდინარე წლის 30 მარტს დატოვა.

0