კეთილი ადამიანები, გადარჩენილი ვეშაპი და ოკეანის მშვენების მადლიერების ცეკვა

161
მაიკლ ფიშბახი პროექტ Great Whale Concervancy-ს ერთ-ერთი დამფუძნებელია, რომლის მიზანიც ვეშაპების გადარჩენაა

მაიკლმა კორტესის ზღვაში ორი თვე გაატარა, რათა ამ დიდებული ქმნილებების მსოფლიო ოკეანეში გადაადგილება შეესწავლა და ფირზე აღებეჭდა.

2011 წელს, ზუსტად წმიდა ვალენტინის დღეს მაიკლ ფიშბახს, მის მეგობრებსა და ოჯახის წევრებს საოცარი თავგადასავალი გადახდათ თავს — მათ მიეცათ შანსი, ეხსნათ კუზიანი ვეშაპის სიცოცხლე. ეს კადრები ვიდეოკამერით გადაიღეს და ინტერნეტში განათავსეს.

საქმე კი ასე იყო: ღია ზღვაში გასულებმა ვეშაპი დაინახეს, რომელიც გაუნძრევლად ტივტივებდა ტალღებზე. მკვდარი ეგონათ, მაგრამ ის მოულოდნელად შეინძრა და მძიმედ ჩაისუნთქა. საცოდავი თევზსაჭერ ბადეში გახლართულიყო და ვეღარ ინძრეოდა, ვერაფრით იხსნიდა თავს. ვეშაპს უეჭველი სიკვდილი ელოდა, რომ არა მაიკლისა და მისი მეგობრების თავგანწირვა.

რა მოხდა შემდეგ, მიუხედავად სასიკვდილო საფრთხისა, როგორ დაიხსნეს უზარმაზარი ვეშაპი ტყვეობიდან და როგორ გადაუხადა მადლობა ოკეანის ქმნილებამ ადამიანებს, ეს თავად შეგიძლიათ იხილოთ ამ ვიდეოში.

ჩვენ მხოლოდ ერთს გეტყვით: ეს საოცარი სანახაობაა.

161

პალესტინელებისა და ისრაელის პოლიციის შეტაკება იერუსალიმში: კადრები ეპიცენტრიდან

30
(განახლებულია 14:01 08.05.2021)
იერუსალიმში 7 მაისის ღამით პალესტინელებსა და ისრაელის პოლიციას შორის სასტიკი შეჯახება მოხდა. იხილეთ ვიდეოკადრები მოვლენების ეპიცენტრიდან

დაპირისპირებამ აღმოსავლეთ იერუსალიმის ერთდროულად ორ რაიონში იფეთქა.

გავრცელებული ინფორმაციით, პოლიციამ რეზინის ტყვიები,  ხმოვან-მანათობელი ყუმბარები და ცრემლსადენი გაზი გამოიყენა.

ამ დროისათვის არსებული ინფორმაციით, დაშავებულია 205 ადამიანი.   

 

 

30

საუკეთესო ახალი სტადიონი მსოფლიოში: ბათუმის არენა ასპარეზობის მოლოდინში - ვიდეო

21
ბათუმის ახალი თანამედროვე საფეხბურთო სტადიონი სპორტული შეჯიბრებების გასამართად მზადაა. შაბათს აქ პირველი თამაში გაიმართება. დაწვრილებით - Sputnik-საქართველოს ვიდეოში იხილავთ

მაისში ბათუმის ახალ სტადიონზე საქართველოს ეროვნული საფეხბურთო ლიგის თამაშები ჩატარდება, ხოლო 2023 წელს აქ გაიმართება ევროპის საფეხბურთო ჩემპიონატი 21 წლამდელთა შორის.

8 მაისს თბილისის „დინამო“ და ბათუმის „დინამო“ პირველ მატჩს გამართავენ. ყველა ბილეთი რამდენიმე საათში გაიყიდა. კორონავირუსის პანდემიის გამო სტადიონზე დაშვებული იქნება მხოლოდ საერთო რაოდენობის 30% - თამაშს დაახლოებით 7 ათასი ქომაგი დაესწრება.

ბათუმის ახალი სტადიონი უკვე მოხვდა ბრიტანული პორტალის StadiumDB ტრადიციულ გამოკითხვაში, რომელიც მსოფლიოს საუკეთესო ახალ არენას ავლენს. ამ გამოკითხვაში სხვა დანარჩენ ოცს შორის მან საპატიო მეექვსე ადგილი დაიკავა და აჯობა ახალ არენებს აშშ-ში, იაპონიაში, დიდ ბრიტანეთში, ჩინეთსა და შვეიცარიაში. პირველი ადგილი მალაიზიის სულთან იბრაჰიმის სტადიონს ხვდა წილად.

სტადიონის მშენებლობა 2018 წლის 21 იანვარს დაიწყო, ხოლო 2020 წლის ოქტომბერში გაიხსნა. მის დაპროექტებაზე მუშაობდა თურქული კომპანია Bahadir Kul Architects , ის 20 ათას მაყურებელს იტევს.

ბათუმის სტადიონი ერთ-ერთი პირველია კავკასიაში, რომელსაც უახლესი ჰიბრიდული პრემიუმ კლასის საფარი აქვს, რომელიც დააგო ბრიტანულმა კომპანიამ SISPITCHES. ეს არის კომპანია, რომელიც მსოფლიოს სპორტულ არენებს მსოფლიო ჩემპიონატისათვის ამზადებს.

21
საპატრულო პოლიცია ავტობანზე

უკვე მეხუთე დღე: ავტობანის მშენებლობაზე დასაქმებულების გაფიცვა გრძელდება

0
(განახლებულია 18:54 08.05.2021)
როგორც აქციის მონაწილეები აცხადებენ, ეკონომიკური კრიზისის, ლარის გაუფასურებისა და პროდუქტების გაძვირების პირობებში ოჯახების ელემენტარული რჩენისთვის ხელფასები არ ჰყოფნით

თბილისი, 8 მაისი – Sputnik. აღმოსავლეთი–დასავლეთის ავტომაგისტრალის ხევი–უბისას მონაკვეთზე დასაქმებული მუშები უკვე მეხუთე დღეა, არ მუშაობენ. ისინი ხელფასების მომატებას ითხოვენ, იუწყება პირველი არხი.

400–მდე მუშის გაფიცვა ხარაგაულის რაიონის სოფელ ბორითთან მიმდინარეობს, სადაც გზის მონაკვეთის მესამე სატრანსპორტო კვანძია.

„კომუნიკაციაც არა გვაქვს, ვერ გვაგებინებენ, ვერ ვაგებინებთ, თარჯიმანი არის, მაგრამ ოფისშია, ობიექტებზე არ არის. რამე რომ დაგავალოს უფროსმა, ვერ გაიგებ. ძალიან გვიჭირს ასე. დაბალი ხელფასები გვაქვს და გაზრდას მოვითხოვთ“, – განაცხადა აქციის ერთ–ერთმა მონაწილე ბექა ციკორიშვილმა.

აქციის მეორე მონაწილე სერგო გელაშვილმა კი განაცხადა, რომ მათი მთავარი მოთხოვნა არის უცვლელი – დღიური ხელფასის 30%–ით გაზრდა და შრომითი უსაფრთხოების დაცვა, რაც გამოიხატება იმაში, რომ არც გვირაბებში, არც ხიდებზე არანაირი უსაფრთხოების წესები დაცული არ არის.

რიკოთის საუღელტეხილო გზის ხევი–უბისას მონაკვეთის მშენებლობას ჩინური კომპანია Hunan Road and Bridge Construction Group ახორციელებს. 

რიკოთის უღელტეხილზე გზის მშენებლობა გრძელდება>>

რიკოთის საუღელტეხილო გზაზე, რომელიც აღმოსავლეთი–დასავლეთის ჩქაროსნული ავტომაგისტრალის ნაწილს წარმოადგენს, ხიდებისა და გვირაბების მშენებლობა ინტენსიურად მიმდინარეობს. პროექტი ხევი–უბისას 12,2 კმ-იან მონაკვეთზე ოთხზოლიანი გზის მშენებლობას ითვალისწინებს. აღნიშნულ მონაკვეთზე 35 ახალი ხიდისა (18 ხიდი თბილისი–არგვეთას მიმართულებით, ხოლო, 17 – არგვეთა–თბილისის მიმართულებით) და 18 გვირაბის მშენებლობა იგეგმება.

0