ღონისძიებაში დაახლოებით 300 ადამიანი მონაწილეობდა. ბევრი მათგანი საკუთარ ძაღლთან ერთად მივიდა. ღონისძიების ორგანიზება თბილისის მერიისა და სწრაფი მიტანის სამსახურის Glovo მხარდაჭერით მოხდა.

აქციაზე ასევე იმყოფებოდა საქართველოს პრეზიდენტი სალომე ზურაბიშვილი, რომელიც თავის ძაღლთან - გომბორასთან ერთად იმყოფებოდა. გომბორა პრეზიდენტმა ზურაბიშვილმა სწორედ გომბორის უღელტეხილზე იპოვა, მისი სახელიც აქედან მოდის.

აქციის მონაწილეებმა გამართეს ფოტოგამოფენა და სუვენირების გაყიდვა, ღონისძიებაზე ასევე აჩუქებდნენ ლეკვებს.

4 აპრილს მაწანწალა ცხოველთა საერთაშორისო დღეა. მისი მიზანია ადამიანებში გააღვივოს ცხოველებისადმი თანაგრძნობა და მათზე მზრუნველობის სურვილი მთელ სამყაროში.

თბილისი, 14 აპრილი - Sputnik. ფოთის მუნიციპალიტეტში  გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.

ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას. 

© Sputnik / STRINGER

განათლების სამინისტრო სკოლების კონტროლს აძლიერებს

„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.

ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.

განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.