მოლაპარაკებები კვლავ ჩაიშალა: კრიზისი ახალ ეტაპზე გადადის - ვიდეო

56
შვედი დიპლომატი კრისტიან დანიელსონის მეორე მცდელობა, შეერიგებინა საქართველოს ხელისუფლება და ოპოზიცია, უშედეგოდ დასრულდა

მედიატორი უკვე გაემართა ბრიუსელში, დაბრუნდება თუ არა არავინ იცის. იხილეთ Sputnik-საქართველოს ვიდეო, როგორ მიმდინარეობდა მოლაპარაკებები თბილისში.

კრისტიან დანიელსონის პირველი ვიზიტი საქართველოში 12-19 მარტს შედგა. მეორეჯერ ის კონკრეტული დოკუმენტით ჩამოვიდა, რომელიც მხარეებმა უკუაგდეს.

თავად დანიელსონმა შეთავაზებული საბუთის შემდეგ მომენტები გამოყო: საარჩევნო რეფორმა, მართლმსაჯულების რეფორმა და ხელისუფლების გადანაწილება, და გამოთქვა იმედი, რომ ამ მიმართულებებით მუშაობა გაგრძელდება.

კრისიზი საქართველოში 2020 წლის 31 ოქტომბრის საპარალამენტო არჩევნების შემდეგ დაიწყო. დაახლოებით ხუთი თვის შემდეგ ოპოზიციის ძირითადი ნაწილი კვლავ უარს აცხადებს შედეგების აღიარებაზე და ახალ არჩევნებს მოითხოვს. ხელისუფლებისათვის ეს საკითხე „წითელი ხაზია“, არჩევნების ფალსიფიცირებას დაუსაბუთებელ ბრალდებას უწოდებს და მოლაპარაკებებში სხვა საკითხებზე კონცენტრირების სურვილს გამოთქვამს.

ოპოზიციის კიდევ ერთი პრინციპული მოთხოვნა, რომლის დათმობასაც არ აპირებს - პოლიტპატიმრების გათავისუფლებაა: ისინი „ერთიანი ნაციონალური მოძრაობის“ ლიდერ ნიკა მელიას და ოპოზიციური ტელეარხი „მთავარი არხის“ თანამფლობელი გიორგი რურუას ციხიდან გამოშვებას მოითხოვენ.

56

ბრაკონიერებისგან გადარჩენილი ლომისა და ზედამხედველის შეხვედრა - ვიდეო ნამდვილ სიყვარულზე

11
(განახლებულია 14:58 14.04.2021)
ერთ-ერთ ყველაზე საშიშ მტაცებელს ისევე შეუძლია მთელი გულით ადამიანის შეყვარება, როგორც შინაურ ცხოველებს, ან თუნდაც თავად ადამიანებს

ვიდეო გამოქვეყნდა პორტალზე Reddit, სადაც პოსტის ავტორი წერდა, რომ პატარა ბოკვერი ბრაკონიერებისგან იხსნეს და ნაკრძალში გადაიყვანეს. სწორედ აქ გაიცნო მან საკუთარი ზედამხედველი, რომელიც მას უვლიდა და პატრონობდა. მას შემდეგ ისინი საუკეთესო მეგობრებად იქცნენ.

11

საინტერესო ექსპერიმენტი: როგორ რეაგირებს ქამელეონი ფერად სათვალეებზე

36
(განახლებულია 10:46 14.04.2021)
ქამელეონების საოცარი თვისების შესახებ, რომ ისინი გარემოს შესაბამისად იცვლიან ფერს, ყველას სმენია. მაგრამ ცოტას თუ უნახავს საკუთარი თვალით, როგორ ხდება ეს. 

ამ ვიდეოში ჩანს, როგორ ულაგებს ადამიანი ქამელეონს თათებთან სხვადასხვა ფერის სათვალეებს და ისიც მომენტალურად იწყებს ფერის ცვლას.

ყველაზე საინტერესო მაინც ბოლოში ხდება: ქამელეონს რამდენიმე სხვადასხვა ფერის სათვალეს ერთდროულად უდებენ წინ და „მგრძნობიარე ხვლიკიც“ მყისიერად იწყებს აჭრელებას. 

36
მართლმსაჯულება

სასამართლომ დავით კოდუას პატიმრობა შეუფარდა

0
(განახლებულია 14:44 14.04.2021)
პროკურატურამ ოჯახის წევრების მიმართ ფიზიკური ძალადობის ფაქტზე ბიზნესმენს  ბრალი 13 აპრილს წარუდგინა.

თბილისი, 14 აპრილი - Sputnik. თბილისის საქალაქო სასამართლომ ბიზნესმენ დავით კოდუას აღკვეთის ღონისძიების სახით პატიმრობა შეუფარდა, იუწყება „პირველი არხი“.

პოლიციამ საქართველოს შსს-ს სპეციალური ოპერატიული დეპარტამენტის ყოფილი ხელმძღვანელის, ერეკლე კოდუას ძმა, ბიზნესმენი დავით კოდუა 12 აპრილს, მეუღლის შეტყობინების საფუძველზე დააკავა. 

სასამართლო სხდომაზე დაცვის მხარე აღკვეთის ღონისძიების ნაცვლად გირაოს შეფარდებას, ბრალდების მხარე კი დაკავებულის პატიმრობას ითხოვდა, რაც მოსამართლემ სრულად გაიზიარა.

როგორც ბრალდებულმა დავით კოდუამ სასამართლო სხდომაზე განაცხადა, ოჯახურ ძალადობას ადგილი არ ჰქონია. მისი თქმით, კონფლიქტი მისმა მეუღლემ დაიწყო, თავად კი კონფლიქტისგან თავის არიდებას ცდილობდა.

„არ მინდოდა კონფლიქტი და გამოვედი. ოთხი შვილის მამა, შვილიშვილის ბაბუა ვარ, ემოციებით დატვირთული ქალი იყო და ეჭვიანობის ნიადაგზე გაუგებრობა მოხდა“, - განაცხადა კოდუამ.

მომხდარზე გამოძიება საქართველოს სსკ-ის 126-ე პრიმა მუხლით მიმდინარეობს, რაც ოჯახში ძალადობას გულისხმობს.

0
თემები:
კრიმინალი საქართველოში