სამოქალაქო აქტივისტებმა ოპოზიციის წინააღმდეგ აქცია გამართეს ვიდეო

59
(განახლებულია 23:26 29.03.2021)
სამოქალაქო აქტივისტებმა „ევროპული საქართველოს“, „ლეიბორისტული პარტიისა“ და „ერთიანი ნაციონალური მოძრაობის“ ოფისებთან საპროტესტო აქციები გამართეს. რას მოითხოვდნენ აქტივისტები – იხილეთ ვიდეოში.

აქციის მონაწილეები უკმაყოფილებას გამოთქვამდნენ იმასთან დაკავშირებით, რომ ოპოზიცია საქართველოს სტრატეგიული პარტნიორებისა და ევროკავშირის წარმომადგენლების მოწოდებებს უგულებელყოფს, რომლებიც პოლიტიკური საკითხების პარლამენტში მოგვარებისკენ მოუწოდებენ.

აქტივისტები მიიჩნევენ, რომ საკანონმდებლო ორგანოსთვის ბოიკოტის გამოცხადება ქვეყნის საბოტაჟია. მათ ოპოზიციას მოლაპარაკებების პროცესში ჩართვისკენ მოუწოდეს.

აქციის მონაწილეებმა ოფისების კედლებზე მიაკრეს სტიკერები საერთაშორისო პარტნიორების მოწოდებებით და ეუთოს დასკვნით 31 ოქტომბრის საპარლამენტო არჩევნების ლეგიტიმურობის შესახებ, რის გამოც მათ კონფლიქტი მოუვიდათ „ლეიბორისტული პარტიის“ წარმომადგენლებთან.

დაძაბული სიტუაცია იყო „ნაციონალური მოძრაობის“ ოფისთანაც. პარტიის წევრებმა აქტივისტები ოფისის ეზოში არ შეუშვეს, იქვე სიტყვიერი დაპირისპირება მოხდა.

59

ბრაკონიერებისგან გადარჩენილი ლომიზა და ზედამხედველის შეხვედრა - ვიდეო ნამდვილ სიყვარულზე

1
ერთ-ერთ ყველაზე საშიშ მტაცებელს ისევე შეუძლია მთელი გულით ადამიანის შეყვარება, როგორც შინაურ ცხოველებს, ან თუნდაც თავად ადამიანებს

ვიდეო გამოქვეყნდა პორტალზე Reddit, სადაც პოსტის ავტორი წერდა, რომ პატარა ბოკვერი ბრაკონიერებისგან იხსნეს და ნაკრძალში გადაიყვანეს. სწორედ აქ გაიცნო მან საკუთარი ზედამხედველი, რომელიც მას უვლიდა და პატრონობდა. მას შემდეგ ისინი საუკეთესო მეგობრებად იქცნენ.

1

საინტერესო ექსპერიმენტი: როგორ რეაგირებს ქამელეონი ფერად სათვალეებზე

34
(განახლებულია 10:46 14.04.2021)
ქამელეონების საოცარი თვისების შესახებ, რომ ისინი გარემოს შესაბამისად იცვლიან ფერს, ყველას სმენია. მაგრამ ცოტას თუ უნახავს საკუთარი თვალით, როგორ ხდება ეს. 

ამ ვიდეოში ჩანს, როგორ ულაგებს ადამიანი ქამელეონს თათებთან სხვადასხვა ფერის სათვალეებს და ისიც მომენტალურად იწყებს ფერის ცვლას.

ყველაზე საინტერესო მაინც ბოლოში ხდება: ქამელეონს რამდენიმე სხვადასხვა ფერის სათვალეს ერთდროულად უდებენ წინ და „მგრძნობიარე ხვლიკიც“ მყისიერად იწყებს აჭრელებას. 

34
კვერცხი პომიდვრით

კვერცხიანი პომიდვრის უჩვეულო რეცეპტი: დეტალური ვიდეოაღწერა

0
(განახლებულია 14:32 14.04.2021)
კვერცხისა და პომიდვრისგან არაერთი კერძის მომზადება შეიძლება, მაგრამ რეცეპტი, რომელსაც ქვემოთ გაგაცნობთ, სრულიად განსხვავდება ყველა სხვა დანარჩენისგან.

თქვენ დაგჭირდებათ:

  • პომიდორი — სასურველი რაოდენობით,
  • კვერცხი — იმდენი, რამდენ პომიდორსაც შეარჩევთ;
  • ყველი — თითო პომიდორზე საშუალოდ 30 გრამის გათვლით.
  • მარილი, ორეგანო და სხვა სუნელები თქვენი გემოვნების მიხედვით;
  • ზეითუნის ზეთი.

მომზადების წესი

აიღეთ პომიდვრები და მოაჭერით თავები, შემდეგ კი კოვზით ფაქიზად ამოუღეთ გულები. მოჭრილი თავები არ გადაყაროთ;

ჩაასხით სათითაოდ ყველა პომიდორში ცოტა ზეითუნის ზეთი და ჩაუშვით კვერცხი;

მოაყარეთ მარილი, შერჩეული სუნელები და ფრთხილად მოურიეთ კვერცხს კოვზით;

შემდეგ მოაყარეთ გახეხილი ყველი და პომიდვრებს  დაახურეთ მოჭრილი თავები. უკეთ დასამაგრებლად შეგიძლიათ კბილის ჩხირები გამოიყენოთ;

მოაფინეთ ჰაერღუმლის ტაფას ფოლგა და დაალაგეთ ზედ პომიდვრები. შედგით 170 გრადუსამდე წინასწარ გახურებულ ღუმელში და დატოვეთ დაახლოებით 10 წუთის განმავლობაში.

როცა კერძი მზად იქნება, ამას თვალით შეატყობთ.

გამოიღეთ ღუმლიდან და გემრიელად  მიირთვით!

სხვა უჩვეულო და გემრიელ რეცეპტებს შეგიძლიათ გაეცნოთ აქ>> 

0
თემები:
გემრიელი სამზარეულო